കോണ്ഗ്രസ് ദേശീയ വക്താവ് രാജീവ് ത്യാഗി അന്തരിച്ചു; മരണത്തിന് തൊട്ടുമുമ്പ് ചാനല് ചര്ച്ചയില് സജീവം
ദില്ലി: കോണ്ഗ്രസ് ദേശീയ വക്താവ് രാജീവ് ത്യാഗി അന്തരിച്ചു. ഹൃദയാഘാതത്തെ തുടര്ന്ന് വൈകീട്ട് ഏഴുമണിയോടെയാണ് മരിച്ചത്. ഉത്തര്പ്രദേശിലെ വീട്ടില് വെച്ച് കുഴഞ്ഞു വീണ ഇദ്ദേഹത്തെ ഉടന് സമീപത്തെ യശോദ ആശുപത്രിയിച്ചെങ്കിലും അപ്പോഴേക്കും മരണം സംഭവിച്ചിരുന്നു. മരണത്തിന് തൊട്ടുമുമ്പായി ആജ് തക് ചാനലില് നടന്ന ചര്ച്ചയില് ഇദ്ദേഹം പങ്കെടുത്തിരുന്നു. ബെംഗളൂരു സംഘര്ഷവുമായി ബന്ധപ്പെട്ട ചര്ച്ചയിലായിരുന്നു അദ്ദേഹം പാര്ട്ടിയെ പ്രതിനിധീകരിച്ച് പങ്കെടുത്തത്.
53 വയസുകാരനായിരുന്നു രാജീവ് ത്യാഗി. നേതാവിന്റെ മരണത്തില് എഐസിസി ജനറല് സെക്രട്ടറി പ്രിയങ്ക ഗാന്ധി, രാഹുല് ഗാന്ധി, രാജസ്ഥാന് മുഖ്യമന്ത്രി അശോക് ഗലോട്ട്, കര്ണാടക പിസിസി അധ്യക്ഷന് ഡി.കെ. ശിവകുമാർ എന്നിവർ അനുശോചനം രേഖപ്പെടുത്തി. യഥാർഥ രാജ്യസ്നേഹിയും അടിയുറച്ച കോൺഗ്രസുകാരനുമായ രാജീവ് ത്യാഗിയുടെ മരണം തന്റെ സ്വകാര്യ ദുഃഖമാണെന്നും പ്രിയങ്ക ഗാന്ധി ട്വിറ്ററില് കുറിച്ചു.
Recommended Video
'ആജ് തകിലെ 5 മണി മുതല് 6 മണിവരെയുള്ള ദംഗല് എന്ന പരിപാടിയില് അദ്ദേഹം ഉണ്ടായിരുന്നു. 7 മണിയ്ക്ക് അദ്ദേഹം മരണപ്പെട്ടിരിക്കുന്നു. ഞെട്ടിപ്പിക്കുന്ന വാര്ത്തയാണിത്'- എന്നായിരുന്നു ഇന്ത്യാ ടുഡെയിലെ മാധ്യപ്രവര്ത്തകനായ രജ്ദീപ് സര്ദേശായി ട്വീറ്റ് ചെയ്തു
കള്ളപ്പണം വെളുപ്പിക്കല് കേസില് പിടിയിലായ ചൈനീസ് പൗരന് നേരത്തെ ചാരവൃത്തിക്കും പിടിയില്
കരിപ്പൂരിനെ മഹാദുരന്തത്തില് നിന്നും കാത്തത് 10 കോടിയുടെ 'ഓസ്ട്രിയൻ പാന്തർ'; 4 എണ്ണം എപ്പോഴും സജ്ജം