ബാല് താക്കറെയുടെ അനുസ്മരണത്തിനെത്തി കോണ്ഗ്രസും എന്സിപിയും, ചരിത്രത്തില് ആദ്യം!!
മുംബൈ: മഹാരാഷ്ട്രയില് സഖ്യം ധാരണയായതോടെ അരങ്ങേറിയത് ചരിത്ര സംഭവങ്ങള്. ശിവസേനയുടെ സ്ഥാപക നേതാവ് ബാല് താക്കറെയുടെ അനുസ്മരണ ചടങ്ങില് എന്സിപിയും കോണ്ഗ്രസും എത്തിയതാണ് അമ്പരിപ്പിച്ചിരിക്കുന്നത്. ചരിത്രത്തില് ആദ്യമായിട്ടാണ് ശിവസേനയുടെ ഒരു പരിപാടിയില് ഇരുവരും പങ്കെടുക്കുന്നത്. ചടങ്ങില് ബിജെപി നേതാക്കള് അവഗണിക്കപ്പെട്ടതും ശ്രദ്ധേയമായി.
ആയിരക്കണക്കിന് ശിവസേന പ്രവര്ത്തകരാണ് ബാല് താക്കറെയ്ക്ക് പ്രണാമം അര്പ്പിക്കാനായി എത്തിയത്. എന്സിപി നേതാക്കളായ ജയന്ത് പട്ടേല്, ചഗന് ബുജ്ബല്, ജിതേന്ദ്ര അവഹാദ് എന്നിവര് ശിവാജി പാര്ക്കിലെത്തി പ്രണാമം മര്പ്പിച്ചു. ബാല് താക്കറെയുടെ അടുപ്പക്കാരനായിരുന്ന ബുജ്ബല് ചടങ്ങില് വികാരാധീനനാവുകയും ചെയ്തു. താക്കറെയുമായുള്ള ഓര്മകള് അദ്ദേഹം പങ്കുവെക്കുകയും ചെയ്തു.
എന്സിപി അധ്യക്ഷന് ശരത് പവാര് പൂനെയിലാണ് താക്കറെയ്ക്ക് ആദരമര്പ്പിച്ചത്. മറാത്തി വികാരത്തില് അഭിമാനം കൊണ്ടിരുന്ന നേതാവായിരുന്നു താക്കറെയെന്ന് പവാര് പറഞ്ഞു. ധൈര്യമേറിയ വ്യക്തിത്വം കൊണ്ട് സമൂഹത്തെയും രാഷ്ട്രീയത്തെയും ബാല് താക്കറെ മുന്നോട്ട് നയിച്ചെന്ന് പവാര് പറഞ്ഞു. കോണ്ഗ്രസ് നേതാവ് ഭായ് ജഗ്തപ് ആണ് താക്കറെയുടെ അനുസ്മരണത്തില് പങ്കെടുത്തത്. അദ്ദേഹം രാജ്യത്തിനും മഹാരാഷ്ട്രയ്ക്കും മികച്ച സംഭാവനകള് നല്കിയ നേതാവാണ് ജഗ്തപ് പറഞ്ഞു.
ഉദ്ധവ് താക്കറെ ഭാര്യ രശ്മി എന്നിവര് ശിവാജി പാര്ക്കിലെത്തി അനുസ്മരണത്തില് പങ്കെടുത്തിരുന്നു. എന്നാല് ഇവര്ക്ക് ശേഷം വന്ന ദേവേന്ദ്ര ഫട്നാവിസിനെ ശിവസേന പ്രവര്ത്തകര് നന്നായി പരിഹസിച്ചു. ആരുടെ സര്ക്കാര് ശിവസേനയുടെ സര്ക്കാര് എന്ന മുദ്രാവാക്യവും ഇതിനിടയില് പ്രവര്ത്തകര് ഉന്നയിച്ചു. അതേസമയം കോണ്ഗ്രസും എന്സിപിയും ബാല് താക്കറെ അനുസ്മരത്തിന് എത്തിയതോടെ സഖ്യം ധാരണയായെന്ന് ഉറപ്പായിരിക്കുകയാണ്.
Click it and Unblock the Notifications
Sign in with Google