Click it and Unblock the Notifications
Just In
-
-
-
Don't Miss
-
'യെവള് ആരെടെ?', ഇതൊക്കെ നല്ല ഊളത്തരമാണ്; വൃത്തിയില് ജിന്റോയും ജാസ്മിനെ പോലെ തോല്വി -
IPL 2024: പഞ്ചാബ് എന്തിനത് ചെയ്തു? പാളിയത് ആ തന്ത്രം; കളി തോല്പ്പിച്ച കറെന്റെ മണ്ടത്തരം ഇതാ -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
ട്രംപിന്റെ ഇന്ത്യാ സന്ദര്‍ശനം; മോദിയോട് അഞ്ച് ചോദ്യങ്ങളുമായി കോണ്‍ഗ്രസ്
ദില്ലി: അമേരിക്കന്‍ പ്രസിഡന്റ് ഡൊണാള്‍ഡ് ട്രംപിന്റെ ഇന്ത്യാ സന്ദര്‍ശനം തുടങ്ങാനിരിക്കെ, ചില ചോദ്യങ്ങളുമായി കോണ്‍ഗ്രസ് രംഗത്ത്. അഞ്ച് ചോദ്യങ്ങളാണ് പ്രധാനമന്ത്രി നരേന്ദ്ര മോദിയോട് കോണ്‍ഗ്രസ് ചോദിച്ചിരിക്കുന്നത്. ട്രംപിന്റെ സന്ദര്‍ശനം ഇന്ത്യയ്ക്ക് നേട്ടമുണ്ടാക്കുമോ എന്നത് അടിസ്ഥാനമാക്കിയാണ് കോണ്‍ഗ്രസ് വക്താവ് രണ്‍ദീപ് സിങ് സുര്‍ജേവാലയുടെ ചോദ്യങ്ങള്‍.
ഇന്ത്യ അമേരിക്ക വ്യാപാരം, എച്ച് 1ബി വിസ, ദേശീയ സുരക്ഷ, എണ്ണ വില, ഉരുക്ക് കയറ്റുമതി തുടങ്ങിയവരാണ് ചോദ്യത്തിലെ വിഷയങ്ങള്‍. വിദേശ പൗരന്‍മാര്‍ക്ക് അമേരിക്കയില്‍ ജോലി ചെയ്യാന്‍ നല്‍കുന്നതാണ് എച്ച് 1 ബി വിസ. ട്രംപ് അധികാരത്തിലെത്തിയ ശേഷം ഇന്ത്യയ്ക്കാര്‍ക്ക് അനുവദിക്കുന്ന വിസയില്‍ കുറവ് വരുത്തിയിട്ടുണ്ട്.
85000 എച്ച് 1 ബി വിസകളില്‍ 70 ശതമാനം നേരത്തെ ഇന്ത്യക്കാര്‍ക്ക് ലഭിച്ചിരുന്നു. 2015ല്‍ ഇന്ത്യക്കാരുടെ അപേക്ഷ തള്ളിയിരുന്നത് ആറ് ശതമാനമായിരുന്നു. എന്നാല്‍ 2019ലെ കണക്ക് പ്രകാരം 24 ശതമാനം ഇന്ത്യക്കാരുടെ വിസാ അപേക്ഷകളും അമേരിക്ക തള്ളുന്നുണ്ട്. ഇതില്‍ പരിഹാരം ഉണ്ടാകുമോ എന്നതാണ് സുര്‍ജേവാലയുടെ പ്രധാന ചോദ്യം.
അമേരിക്ക അഫ്ഗാനിലെ താലിബാനുമായി ഈ മാസം 29ന് സമാധാന കരാര്‍ ഒപ്പിടുകയാണ്. കരാര്‍ ഒപ്പിട്ട് അമേരിക്ക പിന്‍മാറിയാല്‍ ഇന്ത്യയുടെ സുരക്ഷ അവതാളത്തിലാകുമോ എന്നാണ് സുര്‍ജേവാലയുടെ അടുത്ത ചോദ്യം. ഇന്ത്യയ്ക്ക് അനുകൂലമായി അമേരിക്കയുമായി വ്യാപാര കരാര്‍ ഒപ്പിടാന്‍ സാധിക്കുമോ എന്നതാണ് മറ്റൊരു ചോദ്യം.
അമേരിക്ക ഇറക്കുമതി ചുങ്കം ഉയര്‍ത്തിയത് മൂലം പ്രതിസന്ധിയിലായ ഇന്ത്യയുടെ ഉരുക്ക് കയറ്റുമതിയെ രക്ഷിക്കാന്‍ സാധിക്കുമോ എന്ന ചോദ്യവും അദ്ദേഹം ഉന്നയിച്ചു. അമേരിക്കയും ഇറാനും പോര് മുറുകയിരിക്കെ, ഇന്ത്യയ്ക്ക് വില കുറഞ്ഞ എണ്ണ തരാര്‍ അമേരിക്കക്ക് സാധിക്കുമോ, ഇക്കാര്യത്തില്‍ മോദിക്ക് പരിഹാരമുണ്ടാക്കാന്‍ സാധിക്കുമോ എന്നതാണ് കോണ്‍ഗ്രസ് നേതാവിന്റെ അവസാന ചോദ്യം.
