കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ആന്ധ്രപോലീസ് മാസ്സാണ്..... മാന്യമായി പെരുമാറിയില്ലെങ്കില്‍ രാഷ്ട്രീയക്കാരുടെ നാവരിയുമെന്ന് പോലീസ്

Google Oneindia Malayalam News

ഹൈദരാബാദ്: പോലീസുകാരുടെ വീരോചിത പ്രകടനം നമ്മല്‍ സിനിമയില്‍ മാത്രമാണ് കണ്ടിട്ടുള്ളത്. മന്ത്രിമാരെയും എംഎല്‍എമാരെയും വിറപ്പിക്കുന്ന സിനിമകള്‍ സുരേഷ് ഗോപി നിരവധി തവണ ചെയ്തിട്ടുണ്ട്. അത്തരമൊരു സംഭവം ആന്ധ്രപ്രദേശില്‍ നിന്ന് ഉണ്ടായിരിക്കുകയാണ്. സൂക്ഷിച്ച് സംസാരിച്ചില്ലെങ്കില്‍ എംപിമാരുടെയും എംഎല്‍എമാരുടെ നാവരിയുമെന്നാണ് അനന്തപുരത്തിലെ ഇന്‍സ്‌പെക്ടറായ മാധവിന്റെ ഭീഷണി. പോലീസിന്റെ ധാര്‍മികതയെ ചോദ്യം ചെയ്യരുതെന്ന മുന്നറിയിപ്പും അദ്ദേഹം നല്‍കുന്നുണ്ട്. ടിഡിപി എംപി ദിവാകര്‍ റെഡ്ഡിയെ ലക്ഷ്യമിട്ടുള്ളതായിരുന്നു പരാമര്‍ശം. അതേസമയം നാവരിയാന്‍ താന്‍ എവിടെയാണ് വരേണ്ടതെന്ന് പോലീസ് പറയണമെന്ന് ദിവാകര്‍ റെഡ്ഡി പരിഹസിച്ചു.

1

അതേസമയം ഇന്‍സ്‌പെക്ടര്‍ക്കെതിരെ എംപി പരാതി നല്‍കിയിട്ടുണ്ട്. താദിപത്രി സബ് ഡിവിഷണല്‍ പോലീസ് ഓഫീസര്‍ വിജയ്കുമാറിനാണ് പരാതി നല്‍കിയത്. താദിപത്രിയില്‍ നടന്ന ഏറ്റുമുട്ടലിനെ തുടര്‍ന്നാണ് ഈ സംഭവമെന്നാണ് റിപ്പോര്‍ട്ട്. ഇവിടെയുണ്ടായ സംഭവത്തില്‍ പോലീസ് ഭയന്നോടിയെന്നും കാര്യങ്ങള്‍ നിയന്ത്രണ വിധേയമാക്കാന്‍ സാധിച്ചില്ലെന്നും ദിവാകര്‍ റെഡ്ഡി കുറ്റപ്പെടുത്തിയിരുന്നു. ഇതിന് പിന്നാലെയാണ് പോലീസ് രൂക്ഷമായി പ്രതികരിച്ചത്. ഇന്‍സ്‌പെക്ടര്‍ക്കെതിരെ നടപടി ആവശ്യപ്പെട്ട് സര്‍ക്കാരിനെ സമീപിക്കുമെന്നും അദ്ദേഹം പറഞ്ഞു. കുറേകാലമായി രാഷ്ട്രീയക്കാര്‍ പറയുന്നത് കേട്ട് സഹിച്ച് നില്‍ക്കുന്നു. ഇനി ഇത് സാധിക്കില്ല. എത്ര വലിയ രാഷ്ട്രീയക്കാരനായാലും പോലീസിനെതിരെ പറഞ്ഞാല്‍ അവരുടെ നാവരിയുമെന്നായിരുന്നു ഇന്‍സ്‌പെക്ടറുടെ ഭീഷണി.

രാഷ്ട്രീയക്കാരുടെ പ്രസ്താവനകള്‍ കാരണം പോലീസുകാര്‍ക്ക് ചീത്തപ്പേര് ഉണ്ടാവുകയാണെന്നും കുടുംബത്തില്‍ പോലും വിലയില്ലാതായിരിക്കുകയാണെന്നും അദ്ദേഹം പറഞ്ഞു.അതേസമയം നാവരിയാന്‍ നിങ്ങളുടെ നാട്ടില്‍ വരട്ടേയെന്നും കാക്കി യൂണിഫോം അഴിച്ചുവെച്ച് ധൈര്യമുണ്ടെങ്കില്‍ നേര്‍ക്കുനേര്‍ വരാനുമാണ് എംപി വെല്ലുവിളിച്ചിരിക്കുന്നത്. അതേസമയം പോലീസ് വിഭാഗം ഈ വിഷയത്തില്‍ മൗനം പാലിച്ചിരിക്കുകയാണ്. ഇന്‍സ്‌പെക്ടറുടെ പരാമര്‍ശം ശരിയായില്ലെന്നും ഇവര്‍ക്ക് അഭിപ്രായമുണ്ട്.

തെലങ്കാന രൂപീകരിച്ചത് കോണ്‍ഗ്രസ്... കെസിആര്‍ ഒന്നും ചെയ്തിട്ടില്ലെന്ന് ഗുലാം നബി ആസാദ്തെലങ്കാന രൂപീകരിച്ചത് കോണ്‍ഗ്രസ്... കെസിആര്‍ ഒന്നും ചെയ്തിട്ടില്ലെന്ന് ഗുലാം നബി ആസാദ്

സദ്ദാം ഹുസൈന് സംഭവിച്ചത് ട്രംപിന് സംഭവിക്കും!! അമേരിക്കയ്ക്ക് റൂഹാനിയുടെ താക്കീത്സദ്ദാം ഹുസൈന് സംഭവിച്ചത് ട്രംപിന് സംഭവിക്കും!! അമേരിക്കയ്ക്ക് റൂഹാനിയുടെ താക്കീത്

English summary
cop threatens politicians
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X