Click it and Unblock the Notifications
Just In
Don't Miss
-
നിന്റെ അവസ്ഥ അവന് കണ്ടുകൂടെ, എത്രത്തോളം ഫ്രണ്ട്ഷിപ്പുണ്ടെന്ന് ഇപ്പോൾ അറിഞ്ഞോ; പവർ ടീമും ഗബ്രിയും വഴക്കിൽ -
IPL 2024: 18, 12; വീണ്ടും വിക്കറ്റ് വലിച്ചെറിഞ്ഞ് സഞ്ജു! ഇങ്ങനെ പോയാല് ലോകകപ്പ് നോക്കേണ്ട -
മൂകാംബികയിൽ തൊഴുത് തടാക ക്ഷേത്രവുംപറശ്ശിനിക്കടവും കണ്ടുവരാം.. തീർത്ഥാടന പാക്കേജ് -
രാജ്യത്തെ വാഹന കയറ്റുമതിയിൽ ഇടിവ്, കണക്കുകൾ പുറത്ത് വിട്ട് സിയാം -
ഓവര്തിങ്കിംഗ് ഉണ്ടോ? ദാമ്പത്യം തകരാന് അതുമാത്രം മതി -
ആദ്യ ഐഫോൺ സ്വന്തമാക്കാൻ ഇതാണ് സമയം! ഫ്ലിപ്പ്കാർട്ടിലും ആമസോണിലും കിട്ടുന്ന ഡിസ്കൗണ്ടുകൾ ഇതാ -
ഓഹരി വില പറന്നത് 10ൽ നിന്നും 430 രൂപയിലേക്ക്, മൂന്ന് വർഷത്തെ വളർച്ച 3800%, കൂടെക്കൂട്ടുന്നോ...?
മോദിയുടെ ഹരിയാന റാലിയില്‍ 'മുദ്രാവാക്യം' വിളിച്ചയാളെ പൊലീസ് റാലിയില്‍ നിന്ന് മാറ്റി!!
താനേസര്‍: പ്രധാനമന്ത്രി നരേന്ദ്ര മോദിയുടെ ഹരിയാണയിലെ തിരഞ്ഞെടുപ്പ് റാലിയില്‍ പ്രതിഷേധ മുദ്രാവാക്യം വിളിച്ചയാളെ പൊലീസ് നീക്കി. കേന്ദ്രത്തിന്റെ ''ബേഠി ബച്ചാവോ, ബേഠി പാഠാവോ'' പദ്ധതിയെ ചോദ്യം ചെയ്തയാളെയാണ് പൊലീസ് മാറ്റിയത്. പ്രധാനമന്ത്രി പ്രസംഗിക്കുമ്പോള്‍ ഇയാള്‍ പ്രബന്ധങ്ങള്‍ വലിച്ചെറിയുകയും ചെയ്തിരുന്നു.
പൊലീസുകാര്‍ പിടികൂടുന്നതിനു മുമ്പ് അഞ്ച് മിനിറ്റോളം ''ബേഠി ബച്ചാവോ, ബേഠി പാഠാവോ'' എവിടെയാണെന്ന് ചോദിച്ച് അയാള്‍ കലഹമുണ്ടാക്കുകയും ചെയ്തു. തുടര്‍ന്നാണ് പോലീസുകാരെത്തി മീഡിയ ബ്ലോക്കിന് സമീപത്ത് നിന്നും അയാളെ പിടിച്ച് കൊണ്ടുപോകുന്നത്. എന്താണ് സംഭവിക്കുന്നതെന്നറിയാന്‍ സദസ്സില്‍ പലരും കസേരയില്‍ നിന്ന് എഴുന്നേറ്റുനിന്നെങ്കിലും പ്രധാനമന്ത്രി പ്രസംഗം തുടരുകയായിരുന്നു.
ജയ്ധ്രിയിലെ ഗുലാബ് നഗര്‍ നിവാസിയാണ് അശോക് കുമാറാണ് ബിജെപിയുടെ തിരഞ്ഞെടുപ്പ് റാലിയില്‍ വെച്ച് ബഹളമുണ്ടാക്കിയത്. പ്രധാനമന്ത്രിയെ അഭിസംബോധന ചെയ്ത് എഴുതിയ കത്തില്‍ ആഗസ്റ്റ് 26 ന് യമുനാനഗറിലെ സ്‌കൂളില്‍ പഠിക്കുന്ന എട്ടാം ക്ലാസ് പെണ്‍കുട്ടിയെ അധ്യാപകന്‍ ലൈംഗികമായി പീഡിപ്പിച്ചതായും അദ്ദേഹം പറയുന്നു.
സ്‌കൂളിലെ പ്രിന്‍സിപ്പല്‍ ഇക്കാര്യം കുഴിച്ചു മൂടാന്‍ ശ്രമിച്ചുവെങ്കിലും പെണ്‍കുട്ടിയുടെ മാതാപിതാക്കള്‍ ഇത് അംഗീകരിക്കാന്‍ വിസമ്മതിച്ചു. പെണ്‍കുട്ടിയെ മര്‍ദ്ദിച്ചതായും ജാതീയ അധിക്ഷേപം നടത്തിയതായും കത്തില്‍ പറയുന്നു. ഇക്കാര്യം പോലീസിന്റെ ശ്രദ്ധയില്‍പ്പെടുത്തിയപ്പോള്‍ അവര്‍ ഒരു നടപടിയും സ്വീകരിച്ചില്ല. പകരം പെണ്‍കുട്ടിയുടെ മാതാപിതാക്കള്‍ക്കെതിരെ എഫ്ഐആര്‍ രജിസ്റ്റര്‍ ചെയ്തതായും അദ്ദേഹം ആരോപിച്ചു.
പോലീസ് നടപടിക്കെതിരെ ധര്‍ണ നടത്തിയെങ്കിലും എഫ്ഐആര്‍ ഇതുവരെ പിന്‍വലിച്ചിട്ടില്ലെന്നും കുമാര്‍ ചൂണ്ടിക്കാട്ടി. ഇത്തരത്തിലൊരു സാഹചര്യത്തില്‍ കേന്ദ്രത്തിന്റെ പദ്ധതി എവിടെ കിടക്കുന്നുവെന്ന് ചോദിച്ചായിരുന്നു മോദിയുടെ പരിപാടിയില്‍ അദ്ദേഹം ബഹളമുണ്ടാക്കിയത്. അതേസമയം ഇക്കാര്യം പോലീസ് അന്വേഷിച്ചുവരികയാണെന്ന് പോലീസ് സൂപ്രണ്ട് ആസ്ത മോദി പറഞ്ഞു.
