ബീപ് ഗാനം: ചിമ്പുവിനെ 'കാണാനില്ല'...? അറസ്റ്റിനുറച്ച് ചെന്നൈ പോലീസ്, കുടുക്കിയത് സിപിഎമ്മോ?
ചെന്നൈ: തമിഴകത്തിന്റെ പ്രിയ താരം ചിമ്പു എന്ന ചിലമ്പരശനെ പോലീസ് അറസ്റ്റ് ചെയ്യുമോ? ആരാധകര് ആകാംക്ഷയോടേയും ആധിയോടേയും നോക്കിയിരിയ്ക്കുന്നത് അതിനാണ്.
വിവാദമായ 'ബീപ് ഗാന'ത്തിലൂടെ സ്ത്രീകളെ അപകീര്ത്തിപ്പെടുത്തി എന്നാണ് ചിമ്പുവിനും സംഗീത സംവിധായകന് അനിരുദ്ധിനും എതിരേയുള്ള കേസ്. ചെന്നൈ, കോയമ്പത്തൂര് എന്നിവിടങ്ങളിലായി 11 കേസുകളാണ് ഇവര്ക്കെതിരെയുള്ളത്.
ചിമ്പുവിന്റെ മുന്കൂര് ജാമ്യാപേക്ഷ കോടതി തള്ളിക്കഴിഞ്ഞ സാഹചര്യത്തില് അറസ്റ്റ് ഉണ്ടാകുമെന്നാണ് റിപ്പോര്ട്ടുകള്. പക്ഷേ അതിന് ചിമ്പുവിനെ കണ്ടെത്തേണ്ടേ...? എവിടെയാണ് ചിമ്പു ഇപ്പോഴുളളതെന്ന് ആര്ക്കും അറിയില്ലത്രെ!!!
ബീപ് ഗാനം
സ്ത്രീകളെ അപകീര്ത്തിപ്പെടുത്തുന്നതാണ് ബീപ് ഗാനം എന്നാണ് ആരോപണം. ഈ വിഷയത്തില് ചിമ്പുവിനും സംഗീത സംവിധായകന് അനിരുദ്ധിനും എതിരെയാണ് പരാതികള്.
പോലീസ് റെയ്ഡ്
കഴിഞ്ഞ ദിവസം ചിമ്പുവിനെ തേടി പോലീസ് സംഘം അദ്ദേഹത്തിന്റെ വീട്ടില് എത്തിയിരുന്നു. എന്നാല് ചിമ്പുവിനെ കണ്ടെത്താനായില്ല.
മുന്കൂര് ജാമ്യം
വിഷയം വലിയ വിവാദമായപ്പോള് അറസ്റ്റ് ഭയന്ന് തന്നെയാണ് ചിമ്പു മദ്രാസ് ഹൈക്കോടതിയില് മുന്കൂര് ജാമ്യാപേക്ഷ സമര്പ്പിച്ചത്. എന്നാല് കോടതി ജാമ്യാപേക്ഷ തള്ളിക്കളഞ്ഞു.
പോലീസ് ഉറച്ച് തന്നെ?
ചിമ്പുവിനെ പിടികൂടിയേ അടങ്ങൂ എന്നാണ് ഇപ്പോള് ചെന്നൈ പോലീസിന്റെ നിലപാട്. ഇതിനായി അന്വേഷണം ശക്തമാക്കിയിട്ടുണ്ട്.
ഫോണ് ട്രാക്കിങ്
ചിമ്പു ഇപ്പോള് എവിടെയുണ്ടെന്ന് അറിയാല് സൈബര് ക്രൈം പോലീസ് മൊബൈല് ഫോണ് ട്രാക്ക് ചെയ്യുന്നുണ്ടെന്നാണ് വിവരം.
വിമാനത്താവളത്തിലും പോലീസ്
ചിമ്പു രാജ്യം വിടാന് ഇടയുണ്ടെന്ന് റിപ്പോര്ട്ടുകളുണ്ട്. ഇത് തടയുന്നതിനായി ചെന്നൈ വിമാനത്താവളത്തിലും പോലീസിനെ വിന്യസിച്ചിട്ടുണ്ട്.
അനിരുദ്ധ് ഇവിടെയില്ല
സംഗീത സംവിധായകന് അനിരുദ്ധ് ഇപ്പോള് ഇന്ത്യയില് ഇല്ല. സംഗീത പരിപാടിയ്ക്കായി ടൊറന്റോയില് ആണ് ഉള്ളത്. മടങ്ങിയെത്തുമ്പോള് വിമാനത്താവളത്തില് വച്ചുതന്നെ അനിരുദ്ധിനെ പിടികൂടാനാണ് നീക്കം.
പിന്നില് സിപിഎം?
ചിമ്പുവിനേയും അനിരുദ്ധിനേയും ഇപ്പോള് ഇങ്ങനെയൊരു വിവാദത്തില് പെടുത്തിയത് സത്യത്തില് ആരാണ്? സിപിഎം ആണോ? സിപിഎമ്മിന്റെ സ്ത്രീ സംഘടനയായ ജനാധിപത്യ മഹിള അസോസിയേഷനാണ് വിഷയത്തില് ആദ്യം പരാതി നല്കിയത്.
ഹാജരാകണം
ജനുവരി 2 ന് റേസ് കോഴ്സ് പോലീസ് സ്റ്റേഷനില് ഹാജരാകാനാണ് ചിമ്പുവിനോടും അനിരുദ്ധിനോടും പോലീസ് അവസാനമായി ആവശ്യപ്പെട്ടിട്ടുള്ളത്.