പൊതുസ്ഥലത്ത് ചുംബിച്ചാല് ജയില് ശരണം! വിവാദവുമായി വീണ്ടും സാക്ഷിമഹാരാജ്, പീഡനത്തിന്റെ കാരണം!!
ഭാരത്പൂരില് നടത്തിയ വാര്ത്താ സമ്മേളനത്തിലാണ് ബിജെപി എംപിയുടെ പ്രസ്താവന
ജയ്പൂര്: പൊതുസ്ഥലത്ത് ചുംബിക്കുന്നവരെ ജയിലിടക്കണമെന്ന വിവാദ പ്രസ്താവനയുമായി സാക്ഷി മഹാരാജ്. പൊതുസ്ഥലത്ത് നിന്നു കെട്ടിപ്പിടിക്കുകയും ചുംബിക്കുകയും ചെയ്യുന്നവരെ ജയിലിലടയ്ക്കണമെന്നാണ് ബിജെപി എംപിയുടെ പ്രസ്താവന.
പൊതുസ്ഥലങ്ങളിലും പാര്ക്കിലും കാറിലും വച്ച് ഇത്തരത്തില് ചുംബിക്കുകയും കെട്ടിപ്പിടിക്കുകയും ചെയ്യുന്നതാണ് പീഡനത്തിലെത്തിക്കുന്നതെന്നും അതിനാല് ഇത്തരം സംഭവങ്ങളില് നിയമനടപടികള് സ്വീകരിക്കേണ്ടതുണ്ടെന്നുമാണ് സാക്ഷി മഹാരാജ് ചൂണ്ടിക്കാണിച്ചത്. ഇത്തരക്കാരെ ജയിലിലടയ്ക്കണമെന്നും എംപി ആവശ്യപ്പെടുന്നു. ഭാരത്പൂരില് നടത്തിയ വാര്ത്താ സമ്മേളനത്തിലാണ് മാധ്യമങ്ങള്ക്ക് മുമ്പാകെ സാക്ഷി മഹാരാജിന്റെ വിവാദ പ്രസ്താവന.
ശരിയായ പൗരന് ചെയ്യേണ്ടത് സ്വത്ത് വിവരങ്ങള് വെളിപ്പെടുത്തുകയും നികുതി നല്കുകയും ആണെന്നും എത്ര വലിയ ആളാണെങ്കിലും നികുതി നല്കേണ്ടത് അനിവാര്യമാണെന്നും വാര്ത്താ സമ്മേളനത്തില് സാക്ഷി മഹാരാജ് വ്യക്തമാക്കി. നേരത്തെയും വിവാദ പ്രസ്താവനകളുമായി ബിജെപി എംപി സാക്ഷി മഹരാജ് രംഗത്തെത്തിയിട്ടുണ്ട്.