കൊവിഡ് വാക്സിനുകൾ ദക്ഷിണാഫ്രിക്കൻ വകഭേദത്തിനെതിരെ ഫലപ്രദമല്ല; ഡോ. ശങ്കർ ചെട്ടി

കൊവിഡ് വാക്സിനേഷൻ യജ്ഞം ദക്ഷിണാഫ്രിക്കയിൽ മന്ദഗതിയിലാണെന്ന് ഡോ ശങ്കർ ചെട്ടി. ഇന്ത്യാ ടുഡെയുടെ ഡോക്ടേഴ്സ് റൗണ്ട് ടേബിൾ പരിപാടിയിലാണ് ദക്ഷിണാഫ്രിക്കയിലെ പോർട്ട് എഡ്വേർഡിൽ നിന്നുള്ള ഡോക്ടറായ ചെട്ടി ഇക്കാര്യം വ്യക്തമാക്കിയത്. വാക്സിൻ മന്ദഗതിയിലാകുന്നതിനുള്ള പ്രധാനകാരണം
കൊവിഡ് വാക്സിനുകൾ ദക്ഷിണാഫ്രിക്കൻ വകഭേദത്തിനെതിരെ ഫലപ്രദമല്ലെന്നതാണെന്നും അദ്ദേഹം പറഞ്ഞു.

ദക്ഷിണാഫ്രിക്കൻ വകഭേദങ്ങൾക്കെതിരെ വാക്സിൻ ഫലപ്രദമല്ലെന്ന് തെളിഞ്ഞിട്ടുണ്ട്. എങ്കിലും വാക്സിനേഷൻ യജ്ഞത്തിൽ നമ്മൾ ജാഗ്രത പുലർത്തേണ്ടതുണ്ട്. നേരത്തേ കൊവിഡ് രൂക്ഷമായതോടെ ഭരണകുടം അവിടെ ലോക്ക്ഡൗണ്‍ ഏർപ്പെടുത്തിയിരുന്നു. എന്നാൽ ഇത് സമൂഹത്തിലെ എല്ലാ വിഭാഗങ്ങൾക്കിടയിലും നടപ്പാക്കിയിരുന്നില്ല. താഴ്ന്ന സാമൂഹിക-സാമ്പത്തിക ചുറ്റുപാടുകളിൽ ജീവിക്കുന്നവരുടെ ഈ ഘട്ടത്തിൽ കൊവിഡ് വ്യാപനം രൂക്ഷമാകാൻ കാരണമായി,.

അതേസമയം നിലവിൽ ജനസംഖ്യയുടെ വലിയൊരു ശതമാനം ആളുകൾക്കിടയിലും ഹേർഡ് ഇമ്മ്യൂണിറ്റി വികസിച്ചിച്ചിട്ടുണ്ട്. അതുകൊണ്ട് തന്നെ രോഗം വന്ന് പ്രതിരോധ ശേഷി നേടിയവർക്ക് വാക്സിൻ നൽകേണ്ടതുണ്ടോ അതോ രോഗം വരാത്തവർക്ക് വാക്സിൻ നൽകേണ്ടതുണ്ടോയെന്നത് പരിശോധിക്കണമെന്നും ചെട്ടി പറഞ്ഞു. ദക്ഷിണാഫ്രിക്കയിൽ വാക്സിൻ കുത്തിവെയ്പ്പ് കൊവിഡിനെ പ്രതിരോധിച്ചിട്ടില്ലെന്നും എന്നാൽ ഗുരുതര അണുബാധകൾ ഉണ്ടാകുന്നത് തടയാൻ വാക്സിനുകൾക്ക് കഴിഞ്ഞുവെന്നും അദ്ദേഹം പറഞ്ഞു.

English summary

covid vaccines are not effective against the South African variant; Dr. Shankar Chetty