മനുഷ്യ തലയുള്ള പശുക്കുട്ടി; കാണാന് ആയിരങ്ങള്, ദൈവമെന്ന് നാട്ടുകാര്, പ്രാര്ഥന തുടങ്ങി!!
സംസ്കാര ചടങ്ങുകള് മൂന്ന് ദിവസം നീളുന്ന ആഘോഷമാക്കാനാണ് തീരുമാനം. കൂടാതെ പശുക്കുട്ടിയുടെ പേരില് ഒരു ക്ഷേത്രം പണിയാനും കന്നുകാലി വളര്ത്തല് കേന്ദ്രം തീരുമാനിച്ചിട്ടുണ്ട്.
ലഖ്നൗ: മനുഷ്യ തലയുള്ള പശുക്കുട്ടി പിറന്നെന്ന് വാര്ത്ത. ഉത്തര് പ്രദേശിലെ മുസാഫര് നഗറില് നിന്നാണ് ആശ്ചര്യപ്പെടുത്തുന്ന റിപ്പോര്ട്ട്. മനുഷ്യന്റെതെന്ന് തോന്നുന്ന തലയുമായാണ് പശുക്കുട്ടി പിറന്നത്. ഇതിന്റെ വീഡിയോ നിമഷങ്ങള്ക്കകം സോഷ്യല് മീഡിയയില് പ്രചരിച്ചു.
മനുഷ്യന്റേത് പോലുള്ള കണ്ണും മൂക്കും ചെവിയുമെല്ലാം ഉണ്ട്. എന്നാല് തലയ്ക്ക് താഴെ പശുവിന്റെത് പോലെ തന്നെ. പിറന്ന് മണിക്കൂറുകള് പിന്നിടുമ്പോള് തന്നെ കിടാവ് ചത്തു.
വിചിത്രമായ രൂപത്തില് പശുക്കുട്ടി പിറന്നെന്ന വാര്ത്ത പ്രചരിച്ചതോടെ അയല്ഗ്രാമങ്ങളില് നിന്നു വരെ ആളുകള് എത്താന് തുടങ്ങി. ആയിരങ്ങളാണ് നിമിഷ നേരം കൊണ്ട് തടിച്ചുകൂടിയത്. എന്നാല് വന്നവരെല്ലാം പശുക്കുട്ടിയുടെ അനുഗ്രഹം വാങ്ങാന് തിടുക്കം കൂട്ടുകയായിരുന്നു.
ഹൈന്ദവ ദൈവം
ഹൈന്ദവ ദൈവമായ വിഷ്ണുവിന്റെ അവതാരമാണിതെന്ന് നാട്ടുകാര് പറയുന്നു. ചിലര് പൂക്കളുമായാണ് കാണാന് വന്നത്. മറ്റു ചിലര് കൈ നിറയെ പണവുമായും. ഏറെ നേരം കഴിഞ്ഞില്ല പശുക്കുട്ടി ചത്തു. പിന്നീട് എംബാം ചെയ്തു സൂക്ഷിച്ച പശുക്കുട്ടിയുടെ ജഡത്തിന് മുന്നില് ആളുകള് തല കുനിക്കാനും തുടങ്ങി.
ക്ഷേത്രം പണിയും
ഇനി പശുക്കുട്ടിയുടെ പേരില് ക്ഷേത്രം പണിയാന് ഒരുങ്ങുകയാണ് നാട്ടിലെ ഒരു വിഭാഗം ആളുകള്. പശുവില് ദൈവം പിറന്നതാണെന്നാണ് വ്യാപാരിയായ മഹേഷ് കത്തുരിയ പറഞ്ഞത്. ഞങ്ങള് അനുഗ്രഹം വാങ്ങാനെത്തിയതാണെന്നും ഇയാള് പറഞ്ഞു.
സമാനമായ ജന്മം
സമാനമായ ജന്മത്തെ കുറിച്ച് പുരാണത്തില് പറയുന്നുണ്ടെന്ന് ഗ്രാമീണര് പറയുന്നു. പശുക്കുട്ടി മുസാഫര് നഗറിലെ ഒരു കന്നുകാലി വളര്ത്തല് കേന്ദ്രത്തിലാണ് പിറന്നത്. ഈ കേന്ദ്രത്തില് തന്നെ പിറന്നത് തങ്ങളുടെ ഭാഗ്യമാണെന്ന് മാനേജര് രാജ ഭയ്യ മിശ്ര പറയുന്നു.
മൂന്ന് ദിവസം നീളുന്ന ആഘോഷം
സംസ്കാര ചടങ്ങുകള് മൂന്ന് ദിവസം നീളുന്ന ആഘോഷമാക്കാനാണ് തീരുമാനം. കൂടാതെ പശുക്കുട്ടിയുടെ പേരില് ഒരു ക്ഷേത്രം പണിയാനും കന്നുകാലി വളര്ത്തല് കേന്ദ്രം തീരുമാനിച്ചിട്ടുണ്ട്. ജനങ്ങളുടെ വിശ്വാസത്തിന് ഇപ്പോള് ബലം ലഭിച്ചിരിക്കുകയാണെന്നും മിശ്ര പറഞ്ഞു.
പ്രസവിച്ച പശു
പ്രസവിച്ച പശുവിനെയും ഇപ്പോള് ആരാധിക്കുന്നുണ്ട്. ഈ പശു കന്നുകാലി വളര്ത്തല് കേന്ദ്രത്തിലെത്തിയത് പുണ്യമാണെന്ന് നാട്ടുകാരും കേന്ദ്രത്തിലുള്ളവരും പറയുന്നു. അറവുകാരന്റെ അടുക്കല് നിന്നും രക്ഷപ്പെടുത്തി കൊണ്ടുവന്നതായിരുന്നു ഈ പശുവിനെ.
ആറ് മാസം മുമ്പ്
ആറ് മാസം മുമ്പാണ് ഈ പശു വളര്ത്തല് കേന്ദ്രത്തില് എത്തിയത്. എന്നാല് മൃഗഡോക്ടര് വ്യത്യസ്തമായ വീക്ഷണമാണ് പങ്കുവച്ചത്. ഏതെങ്കിലും ജീന് മതിയായ രീതിയില് വളര്ന്നിട്ടില്ലെങ്കിലും ഈ സാഹചര്യം ഉണ്ടാകാമെന്ന് ഡോക്ടര് അജയ് ദേശ്മുഖ് പറയുന്നു. കൂടുതല് പരിശോധനകള്ക്ക് ശേഷമേ മറ്റു കാര്യങ്ങള് പറയാനാകൂവെന്നും അദ്ദേഹം പറഞ്ഞു.