പത്താന്‍കോട്ട് ആക്രമണം: സിപിഎം ബിജെപിയെ കുറ്റപ്പെടുത്തുന്നത് എന്തിന്?

ദില്ലി: പഞ്ചാബിലെ പത്താന്‍കോട്ടില്‍ ഭീകരര്‍ ആക്രമണം നടത്തിയതില്‍ ബി ജെ പി എന്ത് പിഴച്ചു. സംഭവവുമായി ബന്ധപ്പെട്ട് ബി ജെ പിയെയും കേന്ദ്രസര്‍ക്കാരിനെയും സി പി എം കുറ്റപ്പെടുത്തുമ്പോഴാണ് മേല്‍പ്പറഞ്ഞ സംശയം തോന്നുക. കേന്ദ്രത്തില്‍ ശക്തമായ സര്‍ക്കാരാണ് ഉള്ളത് എന്ന പ്രധാനമന്ത്രിയുടെ വാദം പൊളിക്കുന്നതാണ് പത്താന്‍കോട്ടിലുണ്ടായ ആക്രമണം എന്നാണ് സി പി എം ജനറല്‍ സെക്രട്ടറി സീതാറാം യെച്ചൂരി പറയുന്നത്.

സി പി എം മുഖപത്രമായ ഗണശക്തിയുടെ അമ്പതാം വാര്‍ഷികാഘോഷ വേളയിലാണ് സി പി എം സെക്രട്ടറി സീതാറാം യെച്ചൂരി കേന്ദ്ര സര്‍ക്കാറിനെതിരെ രംഗത്ത് വന്നത്. ആക്രമണം നടത്തിയ എല്ലാ ഭീകരവാദികളെയും വധിച്ചു എന്ന് സര്‍ക്കാര്‍ അവകാശ വാദം ഉന്നയിച്ചെങ്കിലും രണ്ട് ഭീകരവാദികള്‍ കൂടി ബാക്കിയുണ്ടെന്ന് പിന്നീടാണ് അറിഞ്ഞത്. ഇത് സര്‍ക്കാരിന് പറ്റിയ വീഴ്ചയാണ്.

പാകിസ്താനുമായി ചര്‍ച്ചകള്‍ പുനരാരംഭിച്ചു എന്നാണ് നരേന്ദ്ര മോദി അവകാശപ്പെടുന്നത്. പിന്നെ എന്തുകൊണ്ടാണ് ഇത്തരത്തിലുള്ള ആക്രമണങ്ങള്‍ നടക്കുന്നത്. ഈ ആക്രമണങ്ങള്‍ക്ക് ഉത്തരവാദികള്‍ ആരാണ് - സീതാറാം യെച്ചൂരി ചോദിച്ചു. പുതുവത്സരപിറ്റേന്നാണ് പുലര്‍ച്ചെ 3..30ന് പഞ്ചാബിലെ പത്താന്‍കോട്ടിലെ വ്യോമസേന കേന്ദ്രത്തില്‍ ഭീകരവാദികള്‍ ആക്രമണം നടത്തിയത്. പാകിസ്താനില്‍ നിന്നെത്തിയ ജയ്‌ഷെ മുഹമ്മദ് പ്രവര്‍ത്തകരാണ് ഇവരെന്നാണ് കരുതുന്നത്.

English summary

CPIM general secretary Sitaram Yechury criticised the BJP-led government at the Centre for the terror attacks in Pathankot.