Click it and Unblock the Notifications
Just In
Don't Miss
-
ശ്വാസകോശത്തിന്റെ ആയുസ്സിന് ഭീഷണി: ഈ അപകട സൂചന അവഗണിക്കരുത് -
വളച്ചൊടിക്കാനും പ്രശ്നമുണ്ടാക്കാനും ചിലര് ശ്രമിക്കുന്നുണ്ട്! തനിക്കപ്പോൾ കരയാത്ത ദിവസങ്ങളില്ലെന്ന് ദിലീപ് -
IPL 2024: ശശാങ്കിനെ ഫിനിഷര് ആക്കിയത് തെറ്റ്! പഞ്ചാബിന് യുവ താരങ്ങളെ വിശ്വാസമില്ല; തുറന്നടിച്ച് ആകാശ് ചോപ്ര -
റെഡ്മിയുടെ 5 സ്മാർട്ട്ഫോണുകൾക്ക് വില കുറഞ്ഞു; 2 എണ്ണത്തിന് വില 10000 രൂപയിൽ താഴെ മാത്രം -
മോഹൻലാലിന്റെ വക്കീലായി സിനിമയിൽ തുടക്കം, ഇപ്പോൾ 40 ലക്ഷം രൂപയുടെ ഇന്നോവ മുതലാളിയായി നടി -
സെല്ലോ വേൾഡ്, ജസ്റ്റ് ഡയൽ ഉൾപ്പെടെ 5 ഓഹരികൾ, ലാഭം വേണമെങ്കിൽ ഇപ്പോൾ വാങ്ങാം, നോക്കുന്നോ -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച
ബങ്കറിനുള്ളില്‍ ആയുധങ്ങള്‍... സ്‌ഫോടക വസ്തുക്കള്‍, വികാസ് ദുബെയെ കുറിച്ച് പോലീസ് പറയുന്നത്!!
ലഖ്‌നൗ: എട്ട് പോലീസുകാരെ ക്രൂരമായി കൊലപ്പെടുത്തിയ മാഫിയ ഡോണ്‍ വികാസ് ദുബെയെ കുറിച്ച് പോലീസിന്റെ ഞെട്ടിപ്പിക്കുന്ന വെളിപ്പെടുത്തല്‍. വീട്ടില്‍ എല്ലാ സജ്ജീകരണങ്ങളോടെയുള്ള ആയുധപ്പുര ഇയാള്‍ക്കുണ്ടായിരുന്നതായി പോലീസ് പറയുന്നു. എത്ര പോലീസ് വന്നാലും ഇയാള്‍ പിടിച്ച് നില്‍ക്കുമായിരുന്നുവെന്ന് ഇതിലൂടെ വ്യക്തമാവുകയാണ്. വീട്ടില്‍ വലിയൊരു ബങ്കര്‍ തന്നെ ഇയാള്‍ക്കുണ്ടായിരുന്നു. കാണ്‍പൂരിലെ ബിത്തൂര്‍ മേഖലയിലാണ് കുപ്രസിദ്ധമായ ഇയാളുടെ വീട്. കഴിഞ്ഞ ദിവസം പോലീസ് ഇത് ഇടിച്ച് പൊളിച്ചിരുന്നു.
ഇയാള്‍ സ്വന്തം വീട്ടില്‍ വലിയൊരു ആയുധപ്പുര തന്നെ ഒരുക്കിയിരുന്നു. ഇതില്‍ നിറയെ വലിയ ആധുനിക രീതിയിലുള്ള ആയുധങ്ങളും വെടിക്കോപ്പുകളുമുണ്ടായിരുന്നു. ഇയാളുടെ വീട്ടില്‍ നിന്ന് വലിയ തോതിലുള്ള സ്‌ഫോടക വസ്തുക്കള്‍ പോലീസ് കണ്ടെടുത്തിട്ടുണ്ട്. വിവരങ്ങള്‍ വിലയിരുത്തിയപ്പോള്‍ അമ്പരന്നിരിക്കുകയാണ് പോലീസ്. കൂടുതല്‍ പോലീസുകാര്‍ ഉണ്ടെങ്കില്‍ അവരും ചിലപ്പോള്‍ കൊല്ലപ്പെടുമായിരുന്നു. അത്രയക്ക് വലിയ സംഘമായിട്ടായിരുന്നു ഇവര്‍ പ്രവര്‍ത്തിച്ചിരുന്നത്. കൂടുതല്‍ വിവരങ്ങള്‍ പുറത്തുവിടുമെന്ന് പോലീസ് പറയുന്നു. എന്നാല്‍ ദുബെയെ കുറിച്ച് ഇതുവരെ വിവരങ്ങള്‍ ലഭിച്ചിട്ടില്ല.
മുന്നൂറിലധികം തവണ അക്രമികള്‍ വെടിയുതിര്‍ത്തു എന്നാണ് കാണ്‍പൂര്‍ ഐജി മൊഹിത് അഗര്‍വാള്‍ പറയുന്നത്. ഇതിലൂടെ തന്നെ അക്രമികള്‍ എത്ര വലിയവരാണെന്ന് വ്യക്തമാകുന്നുണ്ട്. വെടിയുണ്ടകള്‍ അടക്കം പിടിച്ചെടുത്തിട്ടുണ്ട്. പോലീസിന്റെ കൈയ്യില്‍ നിന്ന് അഞ്ച് തോക്കുകളാണ് വികാസ് ദുബെയും അദ്ദേഹത്തിന്റെ അനുയായികളും തട്ടിയെടുത്തത്. എകെ 47, ഇന്‍കാസ് റൈഫിള്‍, മൂന്ന് പിസ്റ്റളുകള്‍, എന്നിവയാണ് തട്ടിയെടുത്തത്. ഇതില്‍ പിസ്റ്റള്‍ കണ്ടെടുത്തിട്ടുണ്ട്. അതേസമയം കുറ്റക്കാരായ ഓരോ പോലീസുകാര്‍ക്കെതിരെയും കര്‍ശനമായ നടപടിയെടുക്കുമെന്ന് അഗര്‍വാള്‍ പറഞ്ഞു.
ബിത്തൂരിലെ വികാസ് ദുബെയുടെ വീട് കാണ്‍പൂര്‍ ഭരണകൂടം കഴിഞ്ഞ ദിവസം ഇടിച്ച് പൊളിച്ചിരുന്നു. പോലീസിന്റെ ശക്തമായ സാന്നിധ്യവുമുണ്ടായിരുന്നു. സമീപത്തെ വീടുകളെല്ലാം അടച്ച് പൂട്ടിയിരുന്നു. വികാസിനെ പിടിക്കാനായി വലിയ തോതിലുള്ള തിരച്ചിലാണ് നടക്കുന്നത്. 60ലധികം ക്രിമിനകള്‍ കേസുകള്‍ ഇയാള്‍ക്കെതിരെയുണ്ട്. ബിക്രു ഗ്രാമത്തിലായിരുന്നു ദുബെ ഇത്രയും കാലം ഒളിച്ചിരുന്നത്. അതേസമയം രൂക്ഷ പ്രതികരണവുമായി പ്രിയങ്ക ഗാന്ധി രംഗത്തെത്തിയിട്ടുണ്ട്. കഴിഞ്ഞ ഒരാഴ്ച്ചയ്ക്കിടെ 50 കൊലപാതകങ്ങളാണ് യുപിയില്‍ നടന്നതെന്നും കുറ്റകൃത്യ മുക്ത സംസ്ഥാനമെന്ന യോഗിയുടെ വാദം പൊള്ളയാണെന്നും പ്രിയങ്ക തുറന്നടിച്ചു.
