ഇത്രയ്ക്ക് ചീപ്പാണോ ഈ നോട്ടുകള്‍!! 500ന്‍റെ നോട്ട് അടിക്കാന്‍ വേണ്ട ചെലവ്... കേട്ടാല്‍ ഞെട്ടും....

മന്തി അര്‍ജുന്‍ രാം മേഘാവലാണ് രാജ്യസഭയില്‍ ഇക്കാര്യം അറിയിച്ചത്

ദില്ലി: രാജ്യത്ത് പുതുതായി ഇറക്കിയ 500, 2000 രൂപ നോട്ടുകള്‍ അച്ചടിക്കാന്‍ ചെലവായ തുക കേന്ദ്രസര്‍ക്കാര്‍ വെളിപ്പെടുത്തി. 500 രൂപയ്ക്ക് 2.87 രൂപയ്ക്കും 3.77 രൂപയ്ക്കും ഇടയിലാണ് സര്‍ക്കാര്‍ ചെലവഴിക്കുന്നത്. എന്നാല്‍ 2000 രൂപയുടെ നോട്ടിന് 3.54നും 3.77 രൂപയ്ക്ക് ഇടയിലാണ് ചെലവ്. മന്തി അര്‍ജുന്‍ രാം മേഘാവലാണ് രാജ്യസഭയില്‍ ഇക്കാര്യം അറിയിച്ചത്.

500, 2000 നോട്ടുകളുടെ അച്ചടി ഇപ്പോഴും നടന്നുകൊണ്ടിരിക്കുകയാണ്. അതുകൊണ്ടു തന്നെ മൊത്തം ചെലവ് എത്രയായെന്ന് ഇപ്പോള്‍ പറയാനാവില്ലെന്നും മന്ത്രി പറഞ്ഞു. 2016 നവംബറില്‍ നോട്ട് നിരോധനം വന്ന ശേഷം ആകെ 12.44 ലക്ഷം കോടി രൂപയുടെ മൂല്യമുള്ള പഴയ നോട്ടുകളാണ് റിസര്‍ബ് ബാങ്കിനു ലഭിച്ചത്.

2017 ജനുവരി നാലു വരെയുള്ള കണക്ക് പ്രകാരം രാജ്യത്തെ 2.18 ലക്ഷം എടിഎമ്മുകളില്‍ 1.98 ലക്ഷം എടിഎമ്മുകളും പുതിയ നോട്ടുകള്‍ക്ക് അനുയോജ്യമായ തരത്തില്‍ പുനക്രമീകരിച്ചുകഴിഞ്ഞതായും മന്ത്രി പറഞ്ഞു.

English summary

The government said it costs between Rs 2.87 and Rs 3.77 to print each currency note of Rs 500 and Rs 2000, but did not indicate the total cost involved in replacing the junk notes.