'ആസാനി' ചുഴലിക്കാറ്റ് മാര്ച്ച് 22ന് തീരം തൊടും; ആന്ഡമാന് തീരത്ത് ഒറ്റപ്പെട്ട മഴയ്ക്ക് സാധ്യത
തിരുവനന്തപുരം: തെക്കു കിഴക്കന് ബംഗാള് ഉള്ക്കടലില് രൂപപ്പെട്ട ന്യൂനമര്ദ്ദം ചുഴലിക്കാറ്റാകുമെന്ന് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്. ന്യൂനമര്ദ്ദം കിഴക്ക് - വടക്ക് കിഴക്ക് ദിശയിലേക്ക് നീങ്ങിയതായും കാലാവസ്ഥ വകുപ്പ് അറിയിച്ചു. മാര്ച്ച് 20ന് ന്യൂനമര്ദ്ദം കൂടുതല് ശക്തി പ്രാപിക്കും. മാര്ച്ച് 21ന് ചുഴലിക്കാറ്റായി മാറുമെന്നും കാലാവസ്ഥ വകുപ്പ് പറയുന്നു.
ആസാനി എന്നാണ് ചുഴലിക്കാറ്റിന് നല്കിയിരിക്കുന്ന പേര്. ഇത്തവണ ശ്രീലങ്കയാണ് പേര് നിര്ദ്ദേശിച്ചിരിക്കുന്നത്. മാര്ച്ച് 22ന് ആസാനി ബംഗ്ലാദേശ് - വടക്ക് മ്യാന്മര് തീരത്തെത്തും. ആന്ഡമാന് തീരത്ത് ഒറ്റപ്പെട്ട മഴയ്ക്ക് സാധ്യതയുണ്ടാകുമെന്ന് കാലാവസ്ഥ വകുപ്പ് പ്രവചിക്കുന്നു.
മത്സ്യത്തൊഴിലാളി ജാഗ്രതാ നിര്ദ്ദേശം
കേരള - കര്ണാടക - ലക്ഷദ്വീപ് തീരങ്ങളില് മത്സ്യബന്ധനത്തിന് തടസ്സമില്ല എന്ന് കേന്ദ്ര കാലാവസ്ഥ വകുപ്പ് അറിയിച്ചു.
19-03-2022: ആന്ഡമാന് നിക്കോബാര് ദ്വീപിലും, ആന്ഡമാന് കടലിലും, തെക്ക് - കിഴക്കന് ബംഗാള് ഉള്ക്കടലിലും മണിക്കൂറില് 45-55 കിലോമീറ്റര് വേഗത്തിലും ചില അവസരങ്ങളില് 65 കിലോമീറ്റര് വേഗത്തിലും ശക്തമായ കാറ്റിനും മോശം കാലാവസ്ഥയ്ക്കും സാധ്യത.
20-03-2022: ആന്ഡമാന് നിക്കോബാര് ദ്വീപിലും - ആന്ഡമാന് കടലിലും അതിനോട്ചേര്ന്നുള്ള തെക്ക് - കിഴക്കന് ബംഗാള് ഉള്ക്കടലിലും മണിക്കൂറില് 55-65 കിലോമീറ്റര് വേഗത്തിലും ചില അവസരങ്ങളില് 75 കിലോമീറ്റര് വേഗത്തിലും ശക്തമായ കാറ്റിനും മോശം കാലാവസ്ഥയ്ക്കും സാധ്യത.
21-03-2022: ആന്ഡമാന് നിക്കോബാര് ദ്വീപിലും മധ്യ-കിഴക്കന് ബംഗാള് ഉള്ക്കടലിലും അതിനോട്ചേര്ന്നുള്ള തെക്ക് - കിഴക്കന് ബംഗാള് ഉള്ക്കടലിലും മണിക്കൂറില് 70-80 കിലോമീറ്റര് വേഗത്തിലും ചില അവസരങ്ങളില് 90 കിലോമീറ്റര് വേഗത്തിലും ശക്തമായ കാറ്റിനും മോശം കാലാവസ്ഥയ്ക്കും സാധ്യത.
22-03-2022:മധ്യ കിഴക്കന് ബംഗാള് ഉള്ക്കടലിലും അതിനോട്ചേര്ന്ന വടക്ക് - കിഴക്കന് ബംഗാള് ഉള്ക്കടലിലും മണിക്കൂറില് 60-70 കിലോമീറ്റര് വേഗത്തിലും ചില അവസരങ്ങളില് 80 കിലോമീറ്റര് വേഗത്തിലും ശക്തമായ കാറ്റിനും മോശം കാലാവസ്ഥയ്ക്കും സാധ്യത.
22-03-2022: വടക്കന് ആന്ഡമാന് നിക്കോബാര് ദ്വീപിലും - വടക്കന് ആന്ഡമാന് കടലിലും അതിനോട്ചേര്ന്നുള്ള തെക്ക് - കിഴക്കന് ബംഗാള് ഉള്ക്കടലിലും മണിക്കൂറില് 40-50 കിലോമീറ്റര് വേഗത്തിലും ചില അവസരങ്ങളില് 60 കിലോമീറ്റര് വേഗത്തിലും ശക്തമായ കാറ്റിനും മോശം കാലാവസ്ഥയ്ക്കും സാധ്യത.
മേല്പ്പറഞ്ഞ തീയതികളില് മേല്പ്പറഞ്ഞ പ്രദേശങ്ങളില് മല്സ്യബന്ധനത്തിന് പോകാന് പാടുള്ളതല്ല. മുന്നറിയിപ്പുള്ള സമുദ്രമേഖലകളുടെ വ്യക്തതക്കായി ഇതിനോടൊപ്പം നല്കിയിരിക്കുന്ന ഭൂപടം പരിശോധിക്കുക.
മഴയ്ക്ക് സാധ്യത
അടുത്ത 3 മണിക്കൂറില് കേരളത്തില് പത്തനംതിട്ട, ഇടുക്കി, കോട്ടയം, മലപ്പുറം, കോഴിക്കോട്, വയനാട്, കണ്ണൂര്, കാസറഗോഡ് എന്നീ ജില്ലകളിലെ ഒറ്റപ്പെട്ടയിടങ്ങളില് ഇടിയോടുകൂടിയ മഴയ്ക്കും മണിക്കൂറില് 40 കീ.മി വരെ വേഗതയില് വീശിയടിച്ചേക്കാവുന്ന കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
Click it and Unblock the Notifications
Sign in with Google