തിരഞ്ഞെടുപ്പുകളിൽ ആരാണ് നമ്മളെ സ്വാധീനിക്കുന്നത്? എന്താണ് നമ്മുടെ നിലപാട്? ഈ വീഡിയോ പറയും, കാണൂ....
രാജ്യം വീണ്ടും ജനവിധി തേടാനൊരുങ്ങുന്നു. രാജ്യത്തിന്റെ ഗതി നിശ്ചയിക്കുന്ന ഈ ജനാധിപത്യ പ്രക്രിയയിൽ എങ്ങനെയാണ് നമ്മൾ പങ്കാളികളാകേണ്ടത്? എങ്ങനെയാണ് നമ്മുടെ നാടിന് അനുയോജ്യരായ ഭരണാധികാരികളെ തിരഞ്ഞെടുക്കേണ്ടത്? നമ്മുടെ നിലപാടുകളെ സ്വാധീനിക്കുന്നത് ആരാണ്? ചുറ്റും കാണുന്നതും കേൾക്കുന്നതും കണ്ണും അടച്ച് വിശ്വസിക്കുന്നവരല്ലെ നമ്മളിൽ ഭൂരിഭാഗവും?
നമുക്ക് ചുറ്റുമുള്ളവരുടെ അഭിപ്രായങ്ങളും മാധ്യമങ്ങളുമാണ് പലപ്പോഴും നമ്മുടെ രാഷ്ട്രീയ ബോധത്തെയും സ്വാധീനിക്കുന്നത്. കാര്യവും കാരണവും അറിയാതെ പലതും വിശ്വസിക്കുന്നു. ഭൂരിപക്ഷത്തിൻറെ അഭിപ്രായം നമ്മുടേത് കൂടിയായി മാറുന്നു. ഇതിനൊരു മാറ്റം വേണ്ടേ? വേറൊരാളുടെ അഭിപ്രായമാണോ നമ്മൾ പറയേണ്ടത്?
ഈ തിരഞ്ഞെടുപ്പിൽ ഒഴുക്കിനെതിരെ ഒന്നു നീന്തിനോക്കിയാലോ? നമ്മൾ ഇതുവരെ എന്താണ് ചെയ്തുകൊണ്ടിരുന്നതെന്ന് ഡെയ്ലിഹണ്ടിന്റെ ഈ വീഡിയോ പറയും. ഈ തിരഞ്ഞെടുപ്പിൽ ആരുടെയും വളർത്തു തത്ത ആകാതെ, സ്വന്തം നിലപാട് വ്യക്തമാക്കാൻ ആഹ്വാനം ചെയ്യുകയാണ് ഈ വീഡിയോ.