കോലിയെ കാണാന് ഡാനിയേല എത്തി; ചിത്രങ്ങൾ ട്വിറ്ററിൽ
ലണ്ടന്: പ്രണയാഭ്യര്ഥനയ്ക്ക് ശേഷം വിരാട് കോലിയെ കാണാന് വേണ്ടി ഡാനിയേല വ്യാറ്റ് എത്തി. ഇംഗ്ലണ്ട് പര്യടനം നടത്തുന്ന വിരാട് കോലിയെ കാണാനായി ഇംഗ്ലണ്ടിന്റെ വനിതാ താരം ഡാനിയേല ഇന്ത്യന് ക്യാംപിലെത്തുകയായിരുന്നു. ജൂലൈ രണ്ടിനാണ് കോലിയെ കാണാന് ഡാനിയേല എത്തിയത്. ഡാനിയേല വ്യാറ്റിന്റെ സഹോദരന് മാത്യു വ്യാറ്റാണ് ഇരുവരും ഒരുമിച്ചുളള ചിത്രങ്ങള് പുറത്തുവിട്ടത്.
ഇംഗ്ലണ്ട് വനിതാ ക്രിക്കറ്റ് ടീം അംഗമായ ഡാനിയേല വ്യാറ്റ് കഴിഞ്ഞ ഏപ്രില് മാസത്തിലാണ് കോലിയോട് വിവാഹാഭ്യര്ഥന നടത്തിയത്. ലോകകപ്പ് സെമി ഫൈനലില് ദക്ഷിണാഫ്രിക്കയ്ക്കെതിരെ 44 പന്തില് 72 റണ്സെടുത്ത കോലിയുടെ പ്രകടനമാണ് വ്യാറ്റിനെ കോലി ഫാനാക്കിയത്. കോലി എന്നെ വിവാഹം ചെയ്യൂ എന്നായിരുന്നു മൈക്രോ ബ്ലോഗിംഗ് വെബ്സൈറ്റായ ട്വിറ്ററിലൂടെ വ്യാറ്റിന്റെ അഭ്യര്ഥന.
ഇരുപത്തഞ്ചായിരം ഫോളോവേഴ്സുണ്ടായിരുന്ന വ്യാറ്റ് ഈ ഒരൊറ്റ ട്വീറ്റോടെ താരമായി. ഓരോ ദിവസവും ആയിരക്കണക്കിന് പേര് പുതുതായി വ്യാറ്റിനെ പിന്തുടരാന് തുടങ്ങി. എന്തായാലും തല്ക്കാലം കോലിക്ക് കല്യാണം വേണ്ട എന്നായിരുന്നു വീട്ടുകാരുടെ തീരുമാനം. ഡാനിയേല വ്യാറ്റിന്റെ ചങ്ക് തകര്ന്നെങ്കിലും ഇന്ത്യയിലെ ആരാധികമാര്ക്ക് ഇത് സന്തോഷവാര്ത്തയായി.
ഇംഗ്ലണ്ട് പര്യടനത്തിനെത്തിയ ടീം ഇന്ത്യ ജൂലൈ രണ്ടിന് ഡെര്ബിഷെയറിനെതിരെ കളിച്ചിരുന്നു. ഈ കളി കാണാനാണ് വ്യാറ്റ് എത്തിയത്. ഇവര്ക്ക് വേണമെങ്കില് നല്ല പങ്കാളികളാകാം എന്ന് അടിക്കുറിപ്പോടെ മാത്യു വ്യാറ്റ് ട്വിറ്ററില് പോസ്റ്റ് ചെയ്യുകയായിരുന്നു. എന്നാല് കോലിയും വ്യാറ്റും എന്താണ് സംസാരിച്ചതെന്ന് മാത്യു പുറത്തുവിട്ടില്ല.