ദാവൂദ് ഇബ്രാഹിമിന് ബോളിവുഡ് നടിയില് രഹസ്യ മകന്, ഇപ്പോള് ബെംഗളുരുവില്!!!
മുംബൈ: ഇന്ത്യ തേടുന്ന അധോലോക നായകന് ദാവൂദ് ഇബ്രാഹിമിന് ഇന്ത്യയില് രഹസ്യ ഭാര്യയും മകനും ഉണ്ടെന്ന് വെളിപ്പെടുത്തല്. വെറും ഒരു രഹസ്യ ഭാര്യയല്ല അത്, പ്രശസ്തയായ ഒരു ബോളിവുഡ് നടിയാണത്രെ!
ദില്ലി മുന് പോലീസ് കമ്മീഷണരും സിബിഐ മുന് ജോയിന്റ് ഡയറക്ടറും ആയ നീരജ് കുമാര് എഴുതിയ പുസ്തകത്തിലാണ് ഈ വെളിപ്പെടുത്തല്. ദാവൂദിന്റെ മകന് ഇപ്പോള് ബെംഗളുരുവില് ഉണ്ടെന്നും പുസ്കത്തില് പറയുന്നുണ്ട്.
ദാവൂദിന്റെ രഹസ്യ ഭാര്യ
ഒരു ബോളിവുഡ് നടിയെ ദാവൂദ് ഇബ്രാഹിം രഹസ്യമായി വിവഹം ചെയ്തിരുന്നു എന്നാണ് പറയുന്നത്. എന്നാല് നടിയുടെ പേര് വെളിപ്പെടുത്തിയിട്ടില്ല.
ദാവൂദിന്റെ മകന്
ഇന്ത്യ തേടിക്കൊണ്ടിരിയ്ക്കുന്ന ദാവൂദ് ഇബ്രാഹിമിന്റെ രഹസ്യമകന് ഇപ്പോഴും ഇന്ത്യയില് തന്നെയുണ്ടത്രെ. ബെഗളുരുവില് ആണ് താമസം എന്നാണ് വെളിപ്പെടുത്തല്.
വളര്ത്തിയത്
ദാവൂദിന്റെ മകനെങ്കിലും ഇവനെ നേരിട്ട് വളര്ത്തിയത് ദാവൂജ് ഇബ്രാഹിമോ രഹസ്യ ഭാര്യയായ ബോളിവുഡ് നടിയോ ആയിരുന്നില്ല. നടിയുടെ സഹോദരിയാണത്രെ കുട്ടിയെ വളര്ത്തിയത്.
ഡയല് ഡി ഫോര് ഡോണ്
'ഡയല് ഡി ഫോര് ഡോണ്' എന്ന പുസ്തകത്തിലാണ് നീരജ് കുമാര് ഞെട്ടിപ്പിയ്ക്കുന്ന ഈ വെളിപ്പെടുത്തലുകള് നടത്തിയിരിയ്ക്കുന്നത്.
പുസ്തകം ഇറങ്ങിയില്ല
പുസ്തകം ഇതുവരെ പ്രകാശനം ചെയ്തിട്ടില്ല. നവംബര് 22 നാണ് പ്രകാശനം.
പറഞ്ഞതാര്?
ദാവൂദ് ഇബ്രാഹിമിന്റെ അടുത്ത അനുയായി ആയിരുന്ന അഹമ്മദ് മന്സൂര് പോലീസിന്റെ പിടിയില് ആയിരുന്നു. ഇയാളാണത്രെ ഇക്കാര്യങ്ങള് വെളിപ്പെടുത്തിയത്.
ദാവൂദിന്റെ ജീവിതം
വലിയ ആഡംബര പ്രേമിയായിരുന്നു ദാവൂദ് എന്നും ഇബ്രാഹിം മൊഴി നല്കിയിരുന്നത്രെ. ക്രിക്കറ്റിനോടും ബോളിവുഡിനോടും ഉള്ള താത്പര്യവും വെളിപ്പെടുത്തിയത് ഇയാള് തന്നെ.
നടികളോട്
ബോളിവുഡിലെ താര റാണിമാരോട് ദാവൂദ് ഇബ്രാഹിമിന് വലിയ താത്പര്യമായിരുന്നത്രെ. ഇത് തന്നെയാണ് രഹസ്യ വിവാഹത്തിലേയ്ക്കും നയിച്ചത്.
ആരായിരിയ്ക്കും ആ നടി
ബോളിവുഡിലെ പല താരങ്ങളും അധോലോക ബന്ധങ്ങളുടെ പേരില് ഗോസിപ്പ് കോളങ്ങളില് ഇടം നേടിയിട്ടുണ്ട്. ഇതില് ആരായിരിയ്ക്കും ദാവൂദിന്റെ രഹസ്യ ഭാര്യ എന്നാണ് ഇപ്പോള് അന്വേഷണം.
കണ്ടെത്തുമോ?
പാപ്പരാസികള്ക്ക് ആ നടിയെ കണ്ടെത്താന് കഴിയുമോ? ദാവൂദിന്റെ മകനെ കണ്ടെത്താന് കഴിയുമോ? കാത്തിരുന്ന് കാണാം