ശ്വേത ബസു ചെയ്തതില്‍ തെറ്റില്ലെന്ന് ദീപിക പദുക്കോണ്‍

ദില്ലി: വേശ്യാവൃത്തി അല്ലാതെ ജീവിക്കാന്‍ മറ്റൊരു മാര്‍ഗ്ഗവുമില്ലായിരുന്നുവെന്ന അറസ്റ്റിലായ നടി ശ്വേത ബസുവിന്റെ വെളിപ്പെടുത്തലുകള്‍ക്ക് പിന്തുണയുമായി വീണ്ടും വെള്ളിത്തിരയില്‍ നിന്ന് പ്രമുഖരെത്തുന്നു.

സാക്ഷി തന്‍വാര്‍, സംവിധായകരായ കരണ്‍ ജോഹര്‍, നാഗേഷ് കുക്കുനൂര്‍, വിശാല്‍ ഭരദ്വാജ് നിര്‍മാതാവ് ഹന്‍സല്‍ മേഹ്ത എന്നിവവര്‍ക്ക് ശേഷം ഇപ്പോഴിതാ ബോളിവുഡ് സുന്ദരി ദീപിക പദുക്കോണും. ശ്വേത ചെയ്തതില്‍ തെറ്റില്ലെന്നാണ് ദീപികയുടെ പക്ഷം

ശ്വേത ചെയ്തത് തെറ്റല്ല

തന്നെത്തന്നെയും തന്റെ കുടുംബത്തെയും രക്ഷിക്കാന്‍ ഈ വഴി മാത്രമേ മുന്നിലുണ്ടായിരുന്നുള്ളുവെങ്കില്‍ ശ്വേത ചെയ്തതില്‍ യാതൊരു തെറ്റുമില്ലെന്നാണ് ദീപിക പറഞ്ഞത്.

നടിയെ മനസ്സിലാക്കണമായിരുന്നു

കേസിന്റെ പേരില്‍ അപകീര്‍ത്തിപ്പെടുത്തുന്നതിനു പകരം അവരുടെ പ്രശ്‌നങ്ങള്‍ മനസിലാക്കുകയും സഹായം നല്‍കുകയുമാണ് ചെയ്യേണ്ടതെന്നും ദീപിക പറഞ്ഞു.

ശ്വേതയ്ക്ക് പിന്തുണയുമായി

നേരത്തെ, സിനിമയിലെ ശ്വേതയുടെ തലതൊട്ടമ്മയായ സാക്ഷി തന്‍വാര്‍, സംവിധായകരായ കരണ്‍ ജോഹര്‍, നാഗേഷ് കുക്കുനൂര്‍, വിശാല്‍ ഭരദ്വാജ് നിര്‍മാതാവ് ഹന്‍സല്‍ മേഹ്ത എന്നിവരും ശ്വേതയ്ക്ക് പിന്തുണയറിയിച്ചിരുന്നു.

ശ്വേതയുടെ അറസ്റ്റ്

കഴിഞ്ഞ 23നാണ് അനാശാസ്യത്തിന് ശ്വേത ബസുവിനെ അറസ്റ്റ് ചെയ്തത്. ദേശീയ പുരസ്‌കാര ജേതാവ് കൂടെയായ ശ്വേതയുടെ അറസ്റ്റ് സിനിമാ ലോകത്തെ തന്നെ ഞെട്ടിച്ചിരുന്നു.

കുടുംബത്തിനു വേണ്ടി

കുടുംബത്തെ രക്ഷിക്കാന്‍ പണം കണ്ടെത്തുന്നതിനായാണ് താന്‍ വേശ്യാവൃത്തിയിലേക്കു തിരിഞ്ഞതെന്നും ഇതല്ലാതെ തന്റെ മുന്നില്‍ വേറെ മാര്‍ഗ്ഗമില്ലെന്നുമാണ് ശ്വേത പറഞ്ഞത്.

English summary

Deepika Padukone comes out in support of Shweta Basu Prasad