Click it and Unblock the Notifications
Just In
Don't Miss
-
IPL 2024: 9 പന്തില് 28, സ്ട്രൈക്ക് റേറ്റ് 311! കത്തിക്കയറി ധോണി; പക്ഷെ ആരാധകര്ക്ക് നിരാശ -
വെറും ദോശയല്ല, ബ്രേക്ക്ഫാസ്റ്റിന് ഇനി ഹെല്ത്തി എഗ്ഗ് ദോശ -
സുന്ദരി കോത എന്നും കാവ്യ മാധവന് തന്നെ! ഒരുപാട് ശത്രുക്കളെ ഉണ്ടാക്കുന്ന ചോദ്യമായി പോയെന്ന് സലിം കുമാര് -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ജിയാഖാന്റെ അമ്മയ്‌ക്കെതിരെ 100 കോടിരൂപ മാനനഷ്ടക്കേസുമായി പഞ്ചോളി കുടുംബം
മുംബൈ: ദുരൂഹ രീതിയില്‍ മരിച്ച ബോളിവുഡ് നടി ജിയാഖാന്റെ മാതാവിനെതിരെ 100 കോടി രൂപയുടെ മാനനഷ്ടക്കേസ്. ജിയയുടെ മുന്‍ കാമുകന്‍ സൂരജ് പഞ്ചോളിയുടെ മാതാപിതാക്കളായ ആദിത്യ പഞ്ചോലിയും സറീന വഹാബും മകള്‍ സനയും ചേര്‍ന്നാണ് മാനനഷ്ടക്കേസ് നല്‍കിയിരിക്കുന്നത്. ജിയയുടെ മാതാവ് യുകെ പൗരത്വമുള്ള റാബിയ ഖാന്‍ ട്വിറ്ററിലൂടെ തങ്ങളുടെ കുടുംബത്തെ അപമാനിക്കുന്നുവെന്ന് കാട്ടി മുംബൈ ഹൈക്കോടതിയിലാണ് ഹര്‍ജി സമര്‍ച്ചിച്ചത്.
മാര്‍ച്ച് നാലിനും മേയ് ഒന്നിനും ഇടയിലുള്ള ദിവസങ്ങളില്‍ 18 ട്വീറ്റുകള്‍ റാബിയ ഖാന്‍ നടത്തിയെന്നാണ് പഞ്ചോളി കുടുംബത്തിന്റെ ആക്ഷേപം. ജിയാഖാന്റെ ആത്മഹത്യാ കുറിപ്പില്‍ സൂരജ് പഞ്ചോളിയെക്കുറിച്ച് സൂചിപ്പിച്ചിരുന്നു. ജിയയുമായി സൂരജ് അടുപ്പത്തിലാവുകയും പിന്നീട് വേര്‍പിരിയുകയും ചെയ്തതാണ് മരണത്തിന് കാരണമായതെന്നാണ് ജിയയുടെ കുറിപ്പില്‍ പറയുന്നത്.
ഗര്‍ഭിണിയായിരുന്ന ജിയയെ ബലംപ്രയോഗിച്ച് അബോര്‍ഷന്‍ ചെയ്യിച്ചതായും സൂചനയുണ്ടായിരുന്നു. ഇതേ തുടര്‍ന്ന് കേസ് അന്വേഷിച്ച സൂരജിനെ പോലീസ് അറസ്റ്റ് ചെയ്‌തെങ്കിലും പിന്നീട് ജാമ്യത്തില്‍ വിട്ടയക്കുകയായിരുന്നു. അതിനിടെ ജിയാഖാന്റെ മാതാവിന്റെ ഹര്‍ജിയെ തുടര്‍ന്ന് കേസ് കഴിഞ്ഞദിവസം സിബിഐയ്ക്ക് വിട്ടിരുന്നു.
ജിയയുടെ മരണം ആത്മഹത്യയല്ലെന്നും കൊലപാതകമാണെന്നുമാണ് റാബിയാഖാന്റെ ആരോപണം. കേസില്‍ ഉന്നത ഇടപെടലുകളുണ്ടായെന്നും അതുകൊണ്ട് സിബിഐ അന്വേഷണം വേണമെന്നും അവര്‍ ആവശ്യമുന്നയിച്ചു. കേസ് ഏറ്റെടുക്കാന്‍ സിബിഐ ആദ്യം വിസമ്മതിച്ചെങ്കിലും കോടതിയുടെ കടുത്ത വിമര്‍ശനത്തെ തുടര്‍ന്ന് കേസ് ഇപ്പോള്‍ സിബിഐയ്ക്ക് വിട്ടിരിക്കുകയാണ്. അതിനിടയിലാണ് 100 കോടിയുടെ മാനഷ്ടക്കേസുമായി പഞ്ചോളി കുടുംബം രംഗത്തെത്തിയിരിക്കുന്നത്.
