കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

റോഡില്‍ മധുരം വച്ചാല്‍ പട്ടി തിന്നും... നിര്‍ഭയയെ കുറിച്ച് പ്രതിഭാഗം വക്കീല്‍ പറഞ്ഞത്

  • By Soorya Chandran
Google Oneindia Malayalam News

ദില്ലി: ദില്ലി കൂട്ട ബലാത്സംഗ കേസിലെ പ്രതി മുകേഷ് സിംഗിന്റെ അഭിമുഖത്തിന് പുറമേ പ്രതിഭാഗം വക്കീലിന്റെ പരാമര്‍ശങ്ങളും വിവാദമാകുന്നു. നിര്‍ഭയ കൊല്ലപ്പെടാന്‍ കാരണം അവള്‍ ബലാത്സംഗത്തെ ചെറുത്തതാണെന്നായിരുന്നു പ്രതി മുകേഷ് സിംഗ് ബിബിസിയ്ക്ക് നല്‍കിയ അഭിമുഖത്തില്‍ പറഞ്ഞിരുന്നത്.

റോഡില്‍ മധുരം വച്ചാല്‍ അത് പട്ടി തിന്നും. എന്തിനാണ് നിര്‍ഭയയുടെ രക്ഷിതാക്കള്‍ അവളെ രാത്രി മറ്റൊരാള്‍ക്കൊപ്പം പുറത്ത് വിട്ടത് എന്നാണ് പ്രതിഭാഗം അഭിഭാഷകനായ എംഎല്‍എ ശര്‍മ ചോദിക്കുന്നത്. ടൈംസ് ഓഫ് ഇന്ത്യയിലാണ് വാര്‍ത്ത.

Nirbhaya Protest

നിര്‍ഭയ അവളുടെ കാമുകന്റെ കൂടെ ആയിരുന്നില്ല രാത്രിയില്‍ യാത്ര ചെയ്തത്. അവള്‍ എവിടെ, ആരുടെ കൂടെ പോകുന്നു എന്ന് ശ്രദ്ധിക്കേണ്ടത് അവളുടെ രക്ഷിതാക്കളുടെ ഉത്തരവാദിത്തമല്ലേ? ലോകത്തിലെ ഏറ്റവും നല്ല സംസ്‌കാരം ഇന്ത്യന്‍ സംസ്‌കാരമാണ്. അവിടെ സ്ത്രീകള്‍ക്ക് ഒരു സ്ഥാനവും ഇല്ല- ശര്‍മ പറയുന്നു.

കേസില്‍ മറ്റൊരു പ്രതിഭാഗം വക്കീല്‍ ആയ എപി സിംഗ് , മുകേഷ് സിംഗിന്റെ അഭിമുഖം പുറത്ത് വിട്ടതിനെയാണ് വിമര്‍ശിച്ചത്. അത് മാധ്യമ വിചാരണക്ക് വഴിവച്ചുവെന്നാണ് അദ്ദേഹത്തിന്റെ ആക്ഷേപം. മുകേഷ് സിംഗിന്റെ അഭിമുഖത്തിനായി ഡോക്യമെന്ററി നിര്‍മാതാക്കള്‍ തന്നെ സമീപിച്ചിരുന്നു. പിന്നീട് അവര്‍ക്കൊപ്പം ജയിലില്‍ പോയപ്പോള്‍ മുകേഷിനെ കാണാന്‍ അനുമതി ലഭിച്ചില്ല. പിന്നീട് എങ്ങനെയാണ് അവര്‍ അഭിമുഖം സംഘടിപ്പിച്ചതെന്ന് അന്വേഷിക്കണം എന്നും എപി സിംഗ് പറഞ്ഞു.

English summary
Defence lawyers blame Nirbhaya for rape
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X