ന്യൂജെന്‍ സ്‌റ്റൈല്‍; മദ്യപിച്ച് ലക്കുകെട്ട കോളേജ് വിദ്യാര്‍ഥിനിയുടെ വീഡിയോ വൈറല്‍

By Anwar Sadath

Updated: Wednesday, September 16, 2015, 9:01 [IST]

ഡെറാഡൂണ്‍: മോഡേണ്‍ വസ്ത്രവും ധരിച്ച് ബാറില്‍ പോയി രണ്ടെണ്ണം വീശി തിരിച്ചുവരികയായിരുന്ന കോളേജ് വിദ്യാര്‍ഥിനി പൊതു റോഡില്‍ കാട്ടിക്കൂട്ടിയ വിക്രിയകള്‍ സോഷ്യല്‍ മീഡിയയില്‍ വൈറലാകുന്നു. ഉത്തരാഖണ്ഡിലെ ഡെറാഡൂണില്‍ കഴിഞ്ഞദിവസം രാത്രിയായിരുന്നു സംഭവം. ഡെറാഡൂണിലെ ദര്‍ശന്‍ലാല്‍ ചൗക്കില്‍ ഒരു പെണ്‍കുട്ടി ബഹളമുണ്ടാക്കുന്നുണ്ടെന്നറിഞ്ഞായിരുന്നു പോലീസ് സ്ഥലത്തെത്തിയത്.

എന്നാല്‍, മുതിര്‍ന്ന പോലീസ് ഉദ്യോസ്ഥരെപോലും വകവെയ്ക്കാതെ റോഡില്‍ തലങ്ങും വിലങ്ങും നടന്ന പെണ്‍കുട്ടി പോലീസിന് പിടിപ്പത് പണിയുണ്ടാക്കി. വനിതാ പോലീസ് ഇല്ലാതെയായിരുന്നു രണ്ടു പോലീസുകാര്‍ പെണ്‍കുട്ടിയെ വീട്ടിലേക്ക് കയറ്റിവിടാനായി എത്തിയത്. എന്നാല്‍, അമിതമായി മദ്യപിച്ച പെണ്‍കുട്ടി പോലീസുകാരെപോലും ഞെട്ടിച്ചു.

തന്നെ ശാസിച്ച പോലീസ് ഉദ്യോഗസ്ഥരെ കയ്യേറ്റം ചെയ്യാനും തെറിവിളിക്കാനും പെണ്‍കുട്ടി മടിച്ചില്ല. പോലീസുകാരന്‍ കൈ ഉയര്‍ത്തിയെങ്കിലും സമീപമുള്ളവര്‍ പിടിച്ചുമാറ്റുകയായിരുന്നു. ദൂരെ മാറിനിന്ന പോലീസിനുനേരെ ഓടിവന്ന പെണ്‍കുട്ടി വീണ്ടും കയ്യേറ്റം നടത്തുന്നത് വീഡിയോയില്‍ കാണാം. ഇതിനിടയില്‍ വിദ്യാര്‍ഥിന് തിരക്കേറിയ റോഡ് രണ്ടുതവണ മുറിച്ചുകടക്കുകയും ചെയ്തു.

രണ്ട് ആണ്‍സുഹൃത്തുക്കള്‍ക്കൊപ്പമാണ് പെണ്‍കുട്ടി മദ്യപിച്ചതെന്നാണ് വിവരം. രംഗം പന്തിയല്ലെന്ന് കണ്ടതോടെ ആണ്‍സുഹൃത്തുക്കള്‍ പെണ്‍കുട്ടിയെ ഉപേക്ഷിച്ച് മുങ്ങുകയായിരുന്നു. വനിതാപോലീസിന്റെ സഹായത്തോടെ വിദ്യാര്‍ഥിനിയെ പിന്നീട് പോലീസ് സ്‌റ്റേഷനിലെത്തിച്ചു. പോലീസിനെ അടിച്ചതിന് കേസ് ചാര്‍ജ് ചെയ്തിട്ടുണ്ട്. വീട്ടുകാരെ വിളിച്ചുവരുത്തിയാണ് പെണ്‍കുട്ടിയെ പിന്നീട് വിട്ടയച്ചത്.