Click it and Unblock the Notifications
Just In
Don't Miss
-
IPL 2024: സെഞ്ച്വറി നേടി, പക്ഷെ റുതുരാജ് മണ്ടന് ക്യാപ്റ്റന്! തോല്വിക്ക് കാരണം ഈ പിഴവുകള് -
കാത്തിരിപ്പിനൊടുവിൽ സിജോ തിരിച്ചെത്തുന്നു; വീട്ടിൽ അടിമുടി മാറ്റം; എങ്ങനെ മുന്നോട്ട് പോകുമെന്ന് പ്രേക്ഷകർ -
വേനല്ക്കാലത്ത് പൂന്തോട്ടം കളര്ഫുള്ളാക്കാന് ഇതാ ചില വഴികള് -
കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ -
ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ് -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
അപകടമുണ്ടായി 12 മണിക്കൂര്‍ സഹായമില്ലാതെ റോഡില്‍ കിടന്നു; വെള്ളം കൊടുത്തയാള്‍ ബാഗ് മോഷ്ടിച്ചു
തിരക്കേറിയ റോഡുകളില്‍ അപകടമുണ്ടായാല്‍ ആരും തിരിഞ്ഞുനോക്കാത്ത അവസ്ഥ
ദില്ലി: തിരക്കേറിയ റോഡുകളില്‍ അപകടമുണ്ടായാല്‍ ആരും തിരിഞ്ഞുനോക്കാത്ത അവസ്ഥ പലപ്പോഴും മാധ്യമങ്ങളില്‍ വാര്‍ത്തയായിട്ടുണ്ട്. ഒട്ടേറെപേര്‍ തക്കസമയത്ത് ചികിത്സകിട്ടാതെ മരിക്കാന്‍ ഇത് ഇടയാക്കുകയും ചെയ്തു. സമാനമായ സംഭവം കഴിഞ്ഞദിവസം രാജ്യതലസ്ഥാനമായ ദില്ലിയിലും അരങ്ങേറി. അപകടമുണ്ടായി 12 മണിക്കൂറോളമാണ് യുവാവ് റോഡില്‍ സഹായമില്ലാതെ കിടന്നത്.
കശ്മീരി ഗേറ്റിന് സമീപം കാറിടിച്ചാണ് നരേന്ദര്‍ കുമാര്‍ എന്നയാള്‍ വീണുകിടന്നത്. എന്നാല്‍ ഇയാളെ സഹായിക്കാന്‍ ആരും മുന്നോട്ടുവന്നില്ല. ചിലര്‍ വാഹനം നിര്‍ത്തിനോക്കിയെങ്കിലും സഹായം അഭ്യര്‍ഥിച്ചതോടെ സ്ഥലം വിട്ടതായി ഇപ്പോള്‍ ആശുപത്രിയില്‍ ചികിത്സയില്‍ കഴിയുന്ന യുവാവ് പറഞ്ഞു. ഇയാള്‍ക്ക് നട്ടെല്ലിന് സാരമായി പരിക്കേറ്റതായാണ് ഡോക്ടര്‍മാരുടെ റിപ്പോര്‍ട്ട്.
വൈകിട്ടോടെയാണ് അതിവേഗതയിലെത്തിയ കാറിടിക്കുന്നത്. കാറിടിച്ച് തെറിച്ചുവീണ നരേന്ദറിനെ എഴുന്നേല്‍ക്കാന്‍ കഴിഞ്ഞില്ല. അതേസമയം, പുറമെ പൊട്ടലില്ലാത്തതിനാല്‍ രക്തംവാര്‍ന്നുപോയില്ല. രക്തം പുറത്തുകാണാത്തതിനാല്‍ പലരും താന്‍ മദ്യപിച്ച് വീണതാണെന്ന് തെറ്റിദ്ധരിച്ചതായി ഇയാള്‍ പറഞ്ഞു.
ഇതിനിടെ ഒരാള്‍ രക്ഷിക്കാനെന്ന വ്യാജേനയെത്തി വെള്ളം തരികയും സമീപമുണ്ടായ ബാഗുമായി കടന്നുകളയുകയും ചെയ്തു. പിറ്റേദിവസം രാവിലെയാണ് പോലീസ് എത്തിയ യുവാവിനെ ആശുപത്രിയിലെത്തിക്കുന്നത്. 2016 ഓഗസ്തില്‍ ദില്ലി നഗരമധ്യത്തില്‍ റിക്ഷാ ഡ്രൈവര്‍ അപകടത്തില്‍പ്പെട്ട് 90 മിനിറ്റോളം റോഡില്‍ കിടന്നത് വാര്‍ത്തയായിരുന്നു. രക്തംവാര്‍ന്ന യുവാവിനെ പിന്നീട് ആശുപത്രിയിലെത്തിച്ചെങ്കിലും രക്ഷിക്കാനായില്ല.
