എക്സിറ്റ് പോള് കണ്ണടച്ച് വിശ്വസിക്കേണ്ട; ഡല്ഹി മുന് തിരഞ്ഞെടുപ്പില് സംഭവിച്ചത് ഇതാണ്, പ്രവചനം തെറ്റി
ന്യൂഡല്ഹി: ഡല്ഹി നിയമസഭാ തിരഞ്ഞെടുപ്പിന്റെ വോട്ടെടുപ്പ് പൂര്ത്തിയായതോടെ എക്സിറ്റ് പോള് ഫലങ്ങള് പുറത്തുവന്നു. ബിജെപിക്ക് മുന്തൂക്കം പ്രവചിക്കുന്നതാണ് മിക്ക എക്സിറ്റ് പോളുകളും. ഇഞ്ചോടിഞ്ച് മല്സരം പ്രവചിക്കുന്ന ഫലങ്ങളുമുണ്ട്. നേരത്തെ രണ്ട് തിരഞ്ഞെടുപ്പില് എഎപി നേടിയ മൃഗീയ ഭൂരിപക്ഷം ഇത്തവണ കിട്ടില്ലെന്നാണ് ഇവ വ്യക്തമാക്കുന്നത്.
എഎപി മൂന്നാമൂഴം തേടിയാണ് ഇത്തവണ കളത്തിലിങ്ങിയത്. 27 വര്ഷത്തിന് ശേഷം ഭരണം തിരിച്ചുപിടിക്കുക എന്ന ലക്ഷ്യമായിരുന്നു ബിജെപിക്ക്. 15 വര്ഷം തുടര്ച്ചയായി ഭരിച്ച ശേഷം 2015ലും 2020ലും പൂജ്യത്തില് വീണ കോണ്ഗ്രസ് ഇത്തവണ സ്കോര് ബോര്ഡ് ഇളക്കുമെന്ന ആത്മവിശ്വാസത്തിലാണ്. എന്നാല് എക്സിറ്റ് പോള് ഫലങ്ങള് പൂര്ണമായി വിശ്വസിക്കാമോ. കഴിഞ്ഞ തിരഞ്ഞെടുപ്പുകളില് ഡല്ഹിയിലെ എക്സിറ്റ് പോള് ഫലങ്ങള് എന്തായിരുന്നു എന്ന് അറിയാം...
15 വര്ഷം തുടര്ച്ചയായി ഭരിച്ച കോണ്ഗ്രസിനെ തൂത്തെറിഞ്ഞാണ് 2015ല് എഎപി ഡല്ഹി പിടിച്ചത്. മിക്ക എക്സിറ്റ് പോള് ഫലങ്ങളും അന്ന് എഎപിക്ക് അനുകൂലമായിരുന്നു. എന്നാല് ബിജെപിക്ക് തരക്കേടില്ലാത്ത സീറ്റുകള് കിട്ടുമെന്നും പ്രവചിച്ചു. ന്യൂസ് നാഷന് 23-27 സീറ്റ് ബിജെപിക്ക് പ്രവചിച്ചിരുന്നു. ആക്സിസ് പ്രവചനം ബിജെപിക്ക് 17 സീറ്റായിരുന്നു.
ഇന്ത്യ ടിവി- സി വോട്ടര് സര്വ്വെ പ്രകാരം ബിജെപിക്ക് 25-33 സീറ്റുകള് കിട്ടേണ്ടതായിരുന്നു. 19-27 സീറ്റുകളാണ് ബിജെപിക്ക് ഇന്ത്യ ടുഡെ പ്രവചിച്ചിരുന്നത്. ടുഡെയ്സ് ചാണക്യ ബിജെപിക്ക് 22 സീറ്റ് പ്രവചിച്ചു. എബിപിയുടെ എക്സിറ്റ് പോള് പ്രകാരം ബിജെപിക്ക് 26 സീറ്റ് കിട്ടേണ്ടതായിരുന്നു. എന്നാല് യഥാര്ഥ ഫലം വന്നപ്പോള് 70ല് 67 സീറ്റ് എഎപി നേടി. ബിജെപി മൂന്ന് സീറ്റില് ഒതുങ്ങി.
2020ല് സംഭവിച്ചത് എന്താണെന്ന് അറിയാമോ? ബിജെപിക്ക് 3-17 സീറ്റുകളാണ് എബിപി പ്രവചിച്ചത്. ജന്കി ബാത്ത് പ്രവചിച്ചത് ബിജെപിക്ക് 15 സീറ്റുകള് ആയിരുന്നു. ന്യൂസ്എക്സ്-നേതാ പ്രവചിച്ചത് ബിജെപിക്ക് 14 സീറ്റായിരുന്നു. ഇന്ത്യടുഡെ-ആക്സിസ് മൈ ഇന്ത്യ പറഞ്ഞത് ബിജെപിക്ക് 2-11 സീറ്റുകളായിരുന്നു. ടൈംസ് നൗ ബിജെപിക്ക് 23 സീറ്റ് കിട്ടുമെന്നും പ്രവചിച്ചു.
ചില പ്രവചനങ്ങളുമായി കിടപിടിക്കുന്ന രീതിയിലായിരുന്നു 2020ലെ യഥാര്ഥ ഫലം. എഎപിക്ക് 62 സീറ്റുകള് ലഭിച്ചു. ബാക്കി എട്ട് സീറ്റുകള് ബിജെപിയും നേടി. എഎപിയുടെ ഭരണം ഉറപ്പിച്ചായിരുന്നു എല്ലാ എക്സിറ്റ് പോളുകളും. ഇത് യഥാര്ഥ ഫലവും ശരിവച്ചു. എന്നാല് രണ്ട് തിരഞ്ഞെടുപ്പിലും കോണ്ഗ്രസിനെ കാണാനേ ഉണ്ടായിരുന്നില്ല.
ഇത്തവണ മുസ്ലിം, ദളിത് വോട്ടുകള് നോട്ടമിട്ടാണ് കോണ്ഗ്രസ് പ്രചാരണം നടത്തിയത്. മുഴുവന് സീറ്റുകളിലും മല്സരിച്ചെങ്കിലും 20 സീറ്റുകളിലായിരുന്നു കോണ്ഗ്രസിന്റെ ശ്രദ്ധ. മുസ്ലിം, ദളിത് വോട്ടുകള് കഴിഞ്ഞ രണ്ട് നിയമസഭാ തിരഞ്ഞെടുപ്പുകളിലും എഎപിക്കാണ് ലഭിച്ചത്. ഇത്തവണ എഎപിക്കും കോണ്ഗ്രസിനുമിടയില് ഈ വോട്ടുകള് ഭിന്നിച്ചാല് ബിജെപിക്ക് വഴി എളുപ്പമാകാനാണ് സാധ്യത.
-
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
'സ്വർണം വാങ്ങാനിരിക്കുന്നവർക്ക് സന്തോഷം തന്നെ';പക്ഷെ നട്ടം തിരിഞ്ഞ് ജ്വല്ലറിക്കാർ..ഇനിയെന്ത്? -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വര്ണവില കേട്ടതുപോലെ അല്ല; വാങ്ങാന് ചെന്നപ്പോള് മറ്റൊന്ന്, ഇതെന്ത് മറിമായം, 4 തവണ മാറി -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ
Click it and Unblock the Notifications
Sign in with Google