54ലക്ഷവുമായി എടിഎം വാന്ഡ്രൈവര് മുങ്ങി
പണം നിറയ്ക്കുന്നതിനായുള്ള വാഹനം ഏര്പ്പെടുത്തിത് ക്യാഷ് മാനേജ്മന്റെ് സര്വീസ് (സിഎംഎസ്)ആണ്. രാജേന്ദ്രപുരയ്ക്ക് സമീപം വാന് ഉപേക്ഷിച്ച നിലയില് കണ്ടെത്തി, പണം സൂക്ഷിച്ചിരുന്ന പെട്ടിയും വാഹനത്തില് ഉണ്ടായിരുന്നു. ഡ്രെവര് ബൈക്കില് രക്ഷപ്പെട്ടതായാണ് വിവരം. ഇയാള്ക്ക് സഹായികളുണ്ടെന്നും ആസൂത്രിതമായ മോഷണമാണിതെന്നും പൊലീസ് സംശയിക്കുന്നു. ബുധനാഴ്ച രാവിലെ 11 മണിയ്ക്കാണ് പണം നഷ്ടമായ വിവരം പൊലീസില് അറിയിക്കുന്നത്.
സിഎംഎസ് ഓഫീസില് നിന്ന് 83 ലക്ഷം രൂപയുമായിട്ടാണ് വാന് യാത്രപുറപ്പെട്ടത്. ഡ്രൈവറെ കൂടാതെ ഒരു സെക്യൂരിറ്റിയും മറ്റ് രണ്ട് ഉദ്യോഗസ്ഥരും വാഹനത്തില് ഉണ്ടായിരുന്നു. പാദം സിംഗ് റോഡിലെ ആക്സിസ് ബാങ്കിന്റെ എടിഎം നിറയ്ക്കാന് ഉദ്യോഗസ്ഥര് പോയ സമയത്താണ് ഡ്രൈവര് വാനുമായി കടന്നുകളയുന്നത്. വാഹനം സ്റ്റാര്ട്ടാകുന്നില്ലെന്നും പുറത്തിറങ്ങി തള്ളണമെന്നും ഇയാള് സെക്യൂരിറ്റിയോട് ആവശ്യപ്പെട്ടു. അയാള് പുറത്തിറങ്ങിയ സമയം പ്രതി വാഹനവുമായി മുങ്ങി.