Click it and Unblock the Notifications
Just In
Don't Miss
-
അച്ഛനെ പോലെ തന്നെയാണ് മകനും, യാതൊരു കഴിവുമില്ല! മുന്ഭര്ത്താവിനെ പറ്റിയും മകനെ കുറിച്ചും മലൈക അറോറ -
ഒരു വർഷത്തെ നേട്ടം 1932%, നിക്ഷേപകരെ കോടീശ്വരനാക്കിയ ഓഹരി, നിങ്ങൾ വാങ്ങുന്നോ..? -
കാലിഫോര്ണിയയില് ആകാശത്ത് കണ്ടത് അന്യഗ്രഹ ജീവി? മനുഷ്യരൂപത്തോടും കുരിശിനോടും സാദൃശ്യം -
വാഗ്ദാനങ്ങൾ പാലിച്ചില്ല, 'നവകേരള ബസ്' കറിവേപ്പിലയായി! കോടികൾ മുടക്കിയ ബസ് പൊടിപിടിച്ചു കിടക്കുന്നു -
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം -
റെഡ്മിയുടെ 5 സ്മാർട്ട്ഫോണുകൾക്ക് വില കുറഞ്ഞു; 2 എണ്ണത്തിന് വില 10000 രൂപയിൽ താഴെ മാത്രം -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച
കോണ്‍ഗ്രസ് നേതാവ് ദുലി ചന്ദ് ലോഹ്യ പാര്‍ട്ടി വിട്ടു; ഇനി എഎപിക്കൊപ്പം, വോട്ടെടുപ്പിന് ദിവസങ്ങള്‍...
ദില്ലി: രാജ്യ തലസ്ഥാനത്ത് ലോക്‌സഭാ തിരഞ്ഞെടുപ്പ് പ്രചാരണം കൊടുമ്പിരി കൊള്ളവരെ കോണ്‍ഗ്രസ് നേതാവ് എഎപിയില്‍ ചേര്‍ന്നു. വോട്ടെടുപ്പിന് ദിവസങ്ങള്‍ മാത്രം ബാക്കി നില്‍ക്കെയാണ് ദില്ലിയിലെ പ്രമുഖ കോണ്‍ഗ്രസ് നേതാവായ ദുലി ചന്ദ് ലോഹ്യ എഎപിയില്‍ ചേര്‍ന്നത്. കോണ്‍ഗ്രസിന് കനത്ത തിരിച്ചടിയാണിത്.
വെസ്റ്റ് ദില്ലിയില്‍ ജനകീയനാണ് ദുലി ചന്ദ്. ഇദ്ദേഹം പാര്‍ട്ടിയില്‍ ചേര്‍ന്നത് റജൗരി ഗാര്‍ഡന്‍ നിയമസഭാ മണ്ഡലത്തില്‍ നേട്ടമാകുമെന്ന് എഎപി നേതാക്കള്‍ പറഞ്ഞു. മുഖ്യമന്ത്രി അരവിന്ദ് കെജ്രിവാളിന്റെ സാന്നിധ്യത്തിലാണ് ദുലി ചന്ദ് ലോഹ്യ എഎപി അംഗത്വമെടുത്തത്. എഎപിയും കോണ്‍ഗ്രസും സഖ്യമുണ്ടാക്കാത്തതില്‍ ഇദ്ദേഹം അസംതൃപ്തി പ്രകടിപ്പിച്ചിരുന്നു.
കോണ്‍ഗ്രസിന്റെത് ജനവിരുദ്ധമായ നയങ്ങളാണെന്ന് ദുലി ചന്ദ് ലോഹ്യ കുറ്റപ്പെടുത്തി. ദില്ലിയിലെ സാഹചര്യങ്ങള്‍ മനസിലാക്കാതെയാണ് കോണ്‍ഗ്രസ് തീരുമാനമെടുക്കുന്നത്. മാത്രമല്ല, ദില്ലിയെ കുറിച്ച് കോണ്‍ഗ്രസിന് വ്യക്തമായ വീക്ഷണമില്ലെന്നും ലോഹ്യ പറയുന്നു. കോണ്‍ഗ്രസ് നേതാക്കള്‍ ഇക്കാര്യത്തില്‍ പ്രതികരിച്ചിട്ടില്ല.
അതേസമയം, എഎപി നേതാക്കള്‍ക്ക് ഏറെ പ്രതീക്ഷ പ്രകടിപ്പിച്ചു. റജൗരി ഗാര്‍ഡന്‍ നിയമസഭാ മണ്ഡലത്തില്‍ മാത്രമല്ല, വെസ്റ്റ് ദില്ലിയില്‍ മൊത്തം എഎപിക്ക് നേട്ടമാകുന്നതാണ് ലോഹ്യയുടെ വരവെന്ന് എഎപി നേതാവ് ബല്‍ബീര്‍ സിങ് ലഖാര്‍ അഭിപ്രായപ്പെട്ടു. വെസ്റ്റ് ദില്ലി ലോക്‌സഭാ മണ്ഡലത്തിലെ എഎപി സ്ഥാനാര്‍ഥിയാണ് ബല്‍ബീര്‍ സിങ്.
ലോഹ്യയെ കെജ്രിവാള്‍ സ്വാഗതം ചെയ്തു. എഎപി ദില്ലിയില്‍ നടത്തുന്ന പ്രവര്‍ത്തനങ്ങളാണ് തന്നെ ആകര്‍ഷിച്ച ഒരു ഘടകമെന്ന് ലോഹ്യ പറഞ്ഞു. എഎപി എന്ത് ചുമതല ഏല്‍പ്പിച്ചാലും ഭംഗിയായി നിര്‍വഹിക്കുമെന്ന് ലോഹ്യ പറഞ്ഞു.
