ജനവിധി ഞങ്ങൾ വിനയപൂർവ്വം അം​ഗീകരിക്കുന്നു; പരാജയത്തിന് പിന്നാലെ രാഹുൽ

ഡൽഹി: ഡൽഹി നിയമസഭാ തിരഞ്ഞെടുപ്പിന്റെ ഫലം അം​ഗീകരിച്ച് കോൺ​ഗ്രസ് നേതാവ് രാഹുസ്‍ ​ഗാന്ധി. പാർട്ടി പ്രവർത്തകർക്കും അനുഭാവികൾക്കും രാഹുൽ നന്ദി അറിയിച്ചു. സംസ്ഥാനത്തെ മലിനീകരണം, വിലക്കയറ്റം, അഴിമതി എന്നിവയ്ക്കെതിരെ പോരാട്ടം തുടരുമെന്നും രാഹുൽ പറഞ്ഞു.

" ഡൽഹിയുടെ ജനവിധി ഞങ്ങൾ വിനയപൂർവ്വം അം​ഗീകരിക്കുന്നു. എല്ലാ കോൺ​ഗ്രസ് പ്രവർത്തകർക്കും അവരുടെ സമർപ്പണത്തിനും എല്ലാ വോട്ടർമാർക്കും പിന്തുണച്ചതിനും ഹൃദയംഗമമായ നന്ദി, " രാഹുൽ പറഞ്ഞു.

ഡൽഹി തിരഞ്ഞെടുപ്പിൽ ഇത്തവണയും കോൺ​ഗ്രസിന് അക്കൗണ്ട് തുറക്കാൻ കഴിഞ്ഞില്ല. 1998 മുതൽ 2013 വരെ ഡൽഹി ഭരിച്ച കോൺ​ഗ്രസിന് ഇപ്പോൾ തുടർ‌ച്ചയായി മൂന്നാം വട്ടവും ജനങ്ങൾ തള്ളിക്കളഞ്ഞിരിക്കുകയാണ്. അതേ സമയം മികച്ച വിജയമാണ് ബി ജെ പി തിരഞ്ഞെടുപ്പിൽ സ്വന്തമാക്കിയത്. 48 സീറ്റുകളാണ് ബി ജെ പി നേടിയത്. എ എ പി 22 സീറ്റ് നേടി.

തിരഞ്ഞെടുപ്പിൽ ബി ജെ പി വിജയിച്ചതിന് പിന്നാലെ ജനങ്ങൾ പ്രധാനമന്ത്രി നരേന്ദ്ര മോദി നന്ദി അറിയിച്ചിരുന്നു. " ഡൽഹിയിലെ ജനങ്ങൾക്ക് ഞാൻ നന്ദി പറയുന്നുവെന്നും ഡൽഹി ഞങ്ങൾക്ക് പൂർണ ഹൃദയത്തോടെ സ്നേഹം നൽകി വികസനത്തിന്റെ രൂപത്തിൽ ഞങ്ങൾ നിങ്ങൾക്ക് ഇരട്ടി സ്നേഹം തിരികെ നൽകുമെന്ന് ഞാൻ ഒരിക്കൽക്കൂടി ജനങ്ങൾക്ക് ഉറപ്പ് നൽകുന്നു എന്നാണ് മോദി പറഞ്ഞത്.

രാഷ്ട്രീയത്തിൽ നുണകൾക്കും കുറുക്ക് വഴികൾക്കും സ്ഥാനമില്ലെന്നത് ഡൽഹിയുടെ ജനവിധിയിൽ നിന്ന് വ്യക്തമാണെന്നും കുറുക്കുവഴി രാഷ്ട്രീയത്തിന്റെ യു​ഗം അവസാനിച്ചെന്നും മോദി പറഞ്ഞു. 27 വർഷത്തിന് ശേഷമാണ് ബിജെ പി അധികാരത്തിലെത്തുന്നത്.

ബി ജെ പിയെ സംബന്ധിച്ച് ഇത് വലിയ നേട്ടമാണ്. ബി ജെ പിയും സംഖ്യ കക്ഷികളും ചേർന്ന് 47. 17 ശതമാനം വോട്ട് നേടി. ആം ആദ്മി 43. 5 ശതമാനം നേടിയ 6. 36 ശതമാനമാണ് കോൺ​ഗ്രസിന്റെ വോട്ട് വിഹിതം. എ എപിയുടെ മുതിർന്ന നേതാക്കൾക്ക് ഉൾപ്പെടെ പരാജയം ഏറ്റുവാങ്ങേണ്ടി വന്നു. കെജ്രിവാളിമെ പർവേശ് വർമ പരാജയപ്പെടുത്തി. പർവേശ് വർമയ്ക്കാണ് മുഖ്യമന്ത്രി സ്ഥാനത്തേക്ക് കൂടുതൽ സാധ്യത. വിജേന്ദർ ഗുപ്ത, ഒ പി ശർമ്മ, മോഹൻസിംഗ് ബിഷ്ത്ത് തുടങ്ങിയവരുടെ പേരുകളും ഉയർന്നേക്കാം