ദില്ലി പീഡനം; മോദിക്ക് പിന്തുണയുമായി ഷീല ദീക്ഷിത്
ദില്ലി: ദില്ലിയില് അടിക്കടിയുണ്ടാകുന്ന ബലാത്സംഗങ്ങളും നിയമവിരുദ്ധ പ്രവര്ത്തനങ്ങളും കേന്ദ്ര സര്ക്കാരിന് തടയാനാകുന്നില്ലെന്ന ദില്ലി മുഖ്യമന്ത്രി അരവിന്ദ് കെജ്രിവാളിന്റെ വിമര്ശനത്തിനെതിരെ മുന് മുഖ്യമന്ത്രി ഷീലാ ദീക്ഷിത്. ദില്ലിയിലെ അതിക്രമങ്ങള്ക്ക് കേന്ദ്ര സര്ക്കാരിനെ കുറ്റപ്പെടുത്തിയിട്ട് കാര്യമില്ലെന്ന് അവര് പ്രതികരിച്ചു.
ദില്ലിയില് സ്ത്രീകള്ക്ക് ആവശ്യമായ സുരക്ഷയൊരുക്കാന് ആം ആദ്മി സര്ക്കാരിന് സാധിക്കുന്നില്ലെന്നാണ് ഷീല ദീക്ഷിതിന്റെ വിമര്ശനം. മറ്റുള്ളവരെ കുറ്റപ്പെടുത്തി അതിക്രമങ്ങള് തടയുന്നതില്നിന്നും ഓടിയൊളിക്കുകയാണ് മുഖ്യമന്ത്രി. കേന്ദ്രസര്ക്കാരുമായി കൂടുതല് സഹകരണം ഉണ്ടാക്കി ഭരണനിര്വഹണത്തില് കേജ്രിവാള് കൂടുതല് ശ്രദ്ധിക്കണമെന്ന് അവര് പറഞ്ഞു.
പോലീസ് സേനയെ രണ്ടായി വിഭജിച്ച് സംസ്ഥാനത്തെ ക്രമസമാധാന നില കൈകാര്യം ചെയ്യുന്നതിന് ഒരു വിഭാഗത്തെയും വിവിഐപികളുടെയും നയതന്ത്രജ്ഞരുടെയും സുരക്ഷ മറ്റൊരു വിഭാഗവും ഏറ്റെടുക്കണം. ദില്ലിയില് വികസനം കൊണ്ടുവരുന്നതിന് പകരം എല്ലാത്തിനെയും എതിര്ക്കുക മാത്രമാണ് കേജ്രിവാള് ചെയ്യുന്നതെന്നും ഷീല ദീക്ഷിത് കുറ്റപ്പെടുത്തി.
ദില്ലിയില് നടന്ന വ്യത്യസ്തമായ രണ്ടു സംഭവങ്ങളില് രണ്ട്, അഞ്ച് വയസ് പ്രായമുള്ള രണ്ട് കുട്ടികള് പീഡനത്തിന് ഇരയായിരുന്നു. സംഭവത്തിന്റെ ഉത്തരവാദിത്വം കേന്ദ്ര സര്ക്കാരിനാണെന്ന് കെജ്രിവാള് ആരോപിച്ചിരുന്നു. ദില്ലി പോലീസിന്റെ ചുമതലയുള്ള കേന്ദ്ര സര്ക്കാര് പോലീസിനെ ശരിയായി പ്രവര്ത്തിക്കുകയോ അല്ലെങ്കില് സംസ്ഥാന സര്ക്കാരിന് വിട്ടു നല്കുകയോ വേണമെന്നാണ് കെജ്രിവാളിന്റെ നിലപാട്.