അബ്ദുല്ല കുടുംബത്തില് വീണ്ടും 'ഉടക്ക്'; ഉമര് അബ്ദുല്ലയുടെ ഡിവോഴ്സ് ഹര്ജി തള്ളി, സാറ-സച്ചിന് പിരിഞ്ഞു
ന്യൂഡല്ഹി: ജമ്മു കശ്മീരില് ഏറെ കാലം മുഖ്യമന്ത്രിയായിരുന്നു ഫാറൂഖ് അബ്ദുല്ല. മകന് ഉമര് അബ്ദുല്ലയും കശ്മീര് മുഖ്യമന്ത്രിയായിട്ടുണ്ട്. നാഷണല് കോണ്ഫറന്സ് പാര്ട്ടിക്ക് മികച്ച സ്വാധീനമുണ്ടായിരുന്നു കശ്മീരില്. എന്നാല് അടുത്ത കാലത്തായി അബ്ദുല്ല കുടുംബത്തില് അസ്വാരസ്യമാണ്. മകള് സാറ അബ്ദുല്ലയും ഭര്ത്താവ് സച്ചിന് പൈലറ്റും പിരിഞ്ഞു. ഉമര് അബ്ദുല്ലയും വിവാഹ മോചനം തേടി കോടതിയിലെത്തി. പക്ഷേ, ഉമര് അബ്ദുല്ലയുടെ ഹര്ജി ഇന്ന് കോടതി തള്ളി.
ഏറെ കാലമായി അകന്നുകഴിയുന്ന ഭാര്യ പായല് അബ്ദുല്ലയില് നിന്ന് വിവാഹ മോചനം തേടിയാണ് ഉമര് അബ്ദുല്ല ഡല്ഹി ഹൈക്കോടതിയെ സമീപിച്ചത്. നേരത്തെ ഉമറിന്റെ ഹര്ജി കുടുംബ കോടതി തള്ളിയിരുന്നു. ഭാര്യയില് നിന്ന് ക്രൂരത നേരിടുന്നുവെന്ന ആരോപണം തെളിയിക്കാന് ഉമറിന് സാധിച്ചില്ലെന്ന് ചൂണ്ടിക്കാട്ടിയാണ് കുടുംബ കോടതി ഹര്ജി തള്ളിയത്.
കുടുംബ കോടതിയുടെ കണ്ടെത്തലില് തെറ്റില്ലെന്ന് ജസ്റ്റിസുമാരായ സഞ്ജീവ് സച്ച്ദേവ, വികാസ് മഹാജന് എന്നിവരടങ്ങിയ ഡല്ഹി ഹൈക്കോടതി ഡിവിഷന് ബെഞ്ച് ഉത്തരവില് പറയുന്നു. 1994 സെപ്തംബറിലാണ് ഉമര് അബ്ദുല്ലയും പായല് അബ്ദുല്ലയും തമ്മിലുള്ള വിവാഹം നടന്നത്. 2009 മുതല് ഇരുവരും പിരിഞ്ഞുകഴിയുകയാണ്.
2016ല് വിവാഹ മോചനം തേടി ഉമര് അബ്ദുല്ല കുടുംബ കോടതിയെ സമീപിച്ചിരുന്നു എങ്കിലും ഫലമുണ്ടായില്ല. വിവാഹ മോചനത്തിന് തക്കതായ കാരണം കാണിക്കാന് ഉമര് അബ്ദുല്ലയ്ക്ക് സാധിച്ചില്ല എന്നായിരുന്നു കോടതി വിധി. കുടുംബ കോടതി ഭാര്യയ്ക്കും രണ്ട് മക്കള്ക്കും പ്രതിമാസം 75000, 25000 വീതം നല്കാനും നിര്ദേശിച്ചു. തുടര്ന്നാണ് ഉമര് അബ്ദുല്ല ഡല്ഹി ഹൈക്കോടതിയെ സമീപിച്ചത്.
ഹര്ജി പരിഗണിച്ച ജസ്റ്റിസ് സുബ്രഹ്മണ്യം പ്രസാദ്, പ്രതിമാസം ഭാര്യക്ക് നല്കേണ്ട തുക ഒന്നര ലക്ഷവും രണ്ട് മക്കള്ക്ക് 60000 രൂപ വീതവുമായി ഉയര്ത്തുകയാണ് ചെയ്തത്. മക്കളുടെ പഠനം കഴിയുംവരെ ഇരുവര്ക്കും തുക നല്കണമെന്നും കോടതി നിര്ദേശിച്ചു. ഇതിനെതിരായ ഹര്ജിയാണ് ഹൈക്കോടതിയുടെ ഡിവിഷന് ബെഞ്ച് ഇന്ന് തള്ളിയത്.
ഉമര് അബ്ദുല്ലയുടെ സഹോദരിയാണ് സാറ അബ്ദുല്ല. ഇവര് വിവാഹം ചെയ്തത് രാജസ്ഥാനിലെ കോണ്ഗ്രസ് നേതാവ് സച്ചിന് പൈലറ്റിനെ ആയിരുന്നു. ഇക്കഴിഞ്ഞ നിയമസഭാ തിരഞ്ഞെടുപ്പില് രാജസ്ഥാനില് മല്സരിച്ചിരുന്നു സച്ചിന് പൈലറ്റ്. സാറ പൈലറ്റുമായുള്ള വിവാഹ ബന്ധം വേര്പ്പെടുത്തിയെന്നാണ് പത്രികയോടൊപ്പം സമര്പ്പിച്ച സത്യവാങ്മൂലത്തില് അദ്ദേഹം കാണിച്ചിരിക്കുന്നത്.
2004ലാണ് സച്ചിന് പൈലറ്റും സാറ അബ്ദുല്ലയും വവാഹിതരായത്. ആരന്, വിഹാന് എന്നീ രണ്ട് ആണ്മക്കള് ഇവര്ക്കുണ്ട്. മക്കള് തന്റെ ചെലവിലാണ് ജീവിക്കുന്നതെന്ന് സച്ചിന് പൈലറ്റ് സത്യവാങ്മൂലത്തില് പറയുന്നു. 2018ല് മല്സരിക്കുമ്പോള് 3.8 കോടിയുടെ ആസ്തിയാണ് സച്ചിന് പൈലറ്റ് കാണിച്ചിരുന്നത്. എന്നാല് പുതിയ സത്യവാങ്മൂലത്തില് 7.5 കോടിയുടെ ആസ്തിയുണ്ടെന്ന് വ്യക്തമാക്കുന്നു.
-
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
നടനും സംവിധായകനുമായ ഇഎ രാജേന്ദ്രൻ അന്തരിച്ചു -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
സ്വര്ണവില കുറഞ്ഞേക്കും; സ്വര്ണത്തില് കൈവച്ച് തുര്ക്കി, വിപണിയില് ട്രെന്ഡ് മാറുന്നു എന്ന് റിപ്പോര്ട്ട് -
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
റഷ്യ ഇനി സ്വര്ണ കയറ്റുമതി ചെയ്യില്ല.!? പുതിയ പ്രഖ്യാപനവുമായി പുടിന്, വില കൂടാന് പോകുന്നു? -
ഇന്ന് ലോട്ടറിയെടുക്കുന്നവര്ക്ക് ഭാഗ്യം... ശുക്രദശ തലയ്ക്ക് മുകളില്; ഈ രാശിക്കാരാണോ? -
വിജയ്യെ സഭയിൽ എത്തിക്കാൻ എഐഎഡിഎംകെയുടെ കൈത്താങ്ങ്? പേരമ്പൂരിൽ കരുത്തർക്ക് സീറ്റില്ല, കാരണം? -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഉഗാദിക്കും ശിവരാത്രിക്കും ഞാന് മാംസം കഴിക്കാറുണ്ട്, അതിനെന്താണ് കുഴപ്പം: സിദ്ധരാമയ്യ -
കോട്ടയത്ത് ഒമ്പതിടത്തും പാകത്തിന് പോരാട്ട വേവ്
Click it and Unblock the Notifications
Sign in with Google