ഭര്‍ത്താവ് ഉറങ്ങിക്കിടക്കെ ഭാര്യ കാമുകനെ വിളിച്ചുവരുത്തി; ഉറക്കമുണര്‍ന്ന ഭര്‍ത്താവ് കാമുകനെ കൊന്നു

ദില്ലി: ഭാര്യയുടെ കാമുകനെ ഭര്‍ത്താവ് ഇഷ്ടിക കൊണ്ട് തലക്ക് അടിച്ചു കൊന്നു. ദില്ലിയിലെ മഹേന്ദ്ര പാര്‍ക്കിന് സമീപമാണ് സംഭവം നടന്നത്. സജ്ജന്‍ പാസ്വാന്‍ എന്ന യുവാവാണ് കൊല്ലപ്പെട്ടത്. സംഭവത്തില്‍ വിനോദ് സഹ എന്നയാളെ പോലീസ് അറസ്റ്റ് ചെയ്തു. ശനിയാഴ്ച്ചയാണ് കൊലപാതകം നടന്നത്.

അന്നുരാത്രി വിനോദിനെ ഉറങ്ങിക്കഴിഞ്ഞ ശേഷം ഭാര്യ കാമുകനായ സജ്ജനെ വീട്ടിലേക്ക് വിളിച്ചു വരുത്തുകയായിരുന്നു. ശബ്ദം കേട്ട് ഉണര്‍ന്ന വിനോദ് കാണുന്നത് തന്റെ ഭാര്യയും സജ്ജനും തമ്മില്‍ ശാരീരിക ബന്ധത്തില്‍ ഏര്‍പ്പെടുന്നതാണ്.

പിന്നീട് ഇരുവരുമായി വാക്കുതര്‍ക്കത്തില്‍ ഏര്‍പ്പെട്ട വിനോദ് അടുത്തുണ്ടായ ഇഷ്ടിക എടുത്ത് സജ്ജന്റെ തലയ്ക്ക് അടിക്കുകയായിരുന്നു. ഞാറാഴ്ച്ച രാവിലെയാണ് വിനോദിന്റെ വീട്ടില്‍ നിന്നും പാസ്വാന്റെ മൃതദേഹം കണ്ടെത്തിയത്. തുടര്‍ന്ന് ഒളിവില്‍ പോയ വിനോദിനേയും ഭാര്യയേയും ബീഹാറിലേക്ക് കടക്കാനുള്ള ശ്രമത്തിനിടെ പോലീസ് പിടികൂടുകയായിരുന്നു.

English summary

delhi man allegedly killed wifes lover