Click it and Unblock the Notifications
Just In
Don't Miss
-
സ്ഥിര നിക്ഷേപത്തിന് ഉയർന്ന പലിശ, കോര്പ്പറേറ്റ് സ്ഥിര നിക്ഷേപത്തില് മികച്ചത് ഏത്, വിശദമായി അറിയാം -
കുട്ടികള്ക്കും ഇഷ്ടപ്പെടും, വായിലിട്ടാല് അലിഞ്ഞുപോകും, കിടിലന് രുചിയില് സേമിയ അട -
IPL 2024: ബട്ലറല്ല, ആര്ആറിനെ ജയിപ്പിച്ചത് പവല്! ടീം തന്ത്രം വെളിപ്പെടുത്തി വിന്ഡീസ് താരം -
'എനിക്കിനി അച്ഛനില്ലല്ലോ...'; അലറിക്കരഞ്ഞ് മനോജ് കെ ജയന്റെ ഭാര്യ, ഇതൊക്കെയാണ് ഓസ്കാർ അഭിനയമെന്ന് പരിഹാസം! -
2 രൂപ വ്യത്യാസത്തിൽ ഇങ്ങനെ മാജിക്ക് കാണിക്കാൻ ബിഎസ്എൻഎല്ലിനേ പറ്റൂ! കാണുന്നവർ അമ്പരക്കും -
യമണ്ടൻ സൂപ്പർബൈക്കുകൾക്ക് ഇടയിലേക്ക് ഒരു കുഞ്ഞൻ അപ്രീലിയ കൂടെ; RS 457 സ്വന്തമാക്കി ജോൺ ഏബ്രഹാം -
ബാംഗ്ലൂർ നഗരത്തിലെ യാത്രകൾ ഈസി; 2 കിലോമീറ്ററിന് 20 രൂപ, ജിപിഎസ് ട്രാക്കിങ്, കുട്ടികൾക്ക് സൗജന്യ യാത്ര..
മുംബൈ മാതൃക ഉടൻ ദില്ലിയിലേക്കും: കയ്യടിച്ച് സ്വീകരിച്ച് കെജ്രിവാൾ, പാഠം ചെന്നൈയും മുംബൈയും!!
ദില്ലി: തലസ്ഥാനത്ത് മാധ്യമ പ്രവർത്തകരെ കൊറോണ വൈറസ് പരിശോധനക്ക് വിധേയമാക്കാൻ ദില്ലി സർക്കാർ. മുംബൈയിൽ 53 മാധ്യപ്രവർത്തകർക്കും ചെന്നൈയിൽ 28 മാധ്യമപ്രവർത്തകർക്കും കൊറോണ വൈറസ് സ്ഥിരീകരിച്ച സാഹചര്യത്തിലാണ് സർക്കാർ നീക്കം. ഒരു മാധ്യമപ്രവർത്തകന്റെ നിർദ്ദേശം സ്വീകരിച്ചുകൊണ്ടൈാണ് തലസ്ഥാനത്തെ എല്ലാ മാധ്യമപ്രവർത്തകരെയും പരിശോധനയ്ക്ക് വിധേയമാക്കാനുള്ള തീരുമാനം മുഖ്യമന്ത്രി അറിയിച്ചത്.
മുംബൈയിൽ 53 മാധ്യമപ്രവർത്തകർക്ക് കൊറോണ വൈറസ് സ്ഥിരീകരിച്ച സാഹചര്യത്തിൽ ദില്ലിയിലെ എല്ലാ മാധ്യമപ്രവർത്തകരെയും പരിശോധിക്കണമെന്നാണ് മാധ്യമപ്രവർത്തകൻ അനുരാഗ് ദണ്ഡ അഭ്യർത്ഥിച്ചത്. മുംബൈയിൽ രോഗം സ്ഥിരീകരിച്ച മാധ്യമപ്രവർത്തകരിൽ പലർക്കും രോഗക്ഷണങ്ങളൊന്നും തന്നെ പ്രകടമായിരുന്നില്ല. ബിഎംസി മാധ്യമ പ്രവർത്തകരെ കൂട്ടമായി പരിശോധിച്ചതോടെയാണ് 53 പേർക്ക് രോഗം ബാധിച്ചതായി കണ്ടെത്തിയത്. മാധ്യമപ്രവർത്തകന്റെ ട്വീറ്റിനോടായിരുന്നു ദില്ലി മുഖ്യമന്ത്രിയുടെ പ്രതികരണം.
ദില്ലിയിൽ ഇതുവരെ 2081 പേർക്കാണ് കൊറോണ വൈറസ് സ്ഥിരീകരിച്ചിട്ടുള്ളത്. 47 പേരാണ്ദില്ലിയിൽ മാത്രം കൊറോണ ബാധിച്ച് മരിച്ചിട്ടുള്ളത്. മുംബൈയിൽ മാധ്യമപ്രവർത്തരെ പരിശോധനയ്ക്ക് വിധേയമാക്കുന്നതിനായി ആസാദ് മൈതാനിയിൽ പ്രത്യേക ക്യാമ്പ് ആരംഭിക്കുകയായിരുന്നു. ഇവിടെ നിന്ന് ബിഎംസി ശേഖരിച്ച 171 സാമ്പളുകളാണ് പരിശോധനക്ക് അയച്ചത്. അച്ചടി മാധ്യമങ്ങളിലെ റിപ്പോർട്ടർമാർ, ഫോട്ടോഗ്രാഫർമാർ, വീഡിയോ ജേണലിസ്റ്റുകൾ എന്നിവരിൽ നിന്നാണ് സ്രവ സാമ്പിളുകൾ ശേഖരിച്ച് പരിശോധനയ്ക്ക് അയച്ചത്. ഇവരിൽ 53 പേർക്കാണ് കൊറോണ വൈറസ് സ്ഥിരീകരിച്ചിട്ടുള്ളത്. ബിഎംസി വക്താവ് വിജയ് ഖബാലെ തിങ്കളാഴ്ചയാണ് ഇക്കാര്യം അറിയിച്ചത്. രോഗം സ്ഥിരീകരിച്ച മിക്കവർക്കും രോഗലക്ഷണങ്ങളൊന്നും തന്നെ പ്രകടമായിരുന്നില്ലെന്നും അദ്ദേഹം കൂട്ടിച്ചേർത്തു.
ഒരു സ്വാകാര്യ ടിവി ചാനലിലെ 26 ജീവനക്കാർക്ക് കൊറോണ സ്ഥിരീകരിച്ചതിനെ തുടർന്ന് ചാനൽ അടച്ചിട്ടിരുന്നു. രോഗം സ്ഥിരീകരിച്ച 94 ജീവനക്കാരിൽ 26 പേർക്കാണ് രോഗം സ്ഥിരീകരിച്ചത്. ജീവനക്കാരിൽ ഒരാൾക്ക് രോഗം സ്ഥിരീകരിച്ചതോടെയാണ് മുഴുവൻ ജീവനക്കാരെയും പരിശോധനയ്ക്ക് വിധേയമാക്കിയത്. അതേ സമയം ബിഹാറിലും ഇത്തരത്തിൽ മാധ്യമപ്രവർത്തകർക്കിടയിൽ പരിശോധന നടത്തുന്നതിനായി ക്യാമ്പ് സംഘടിപ്പിക്കണമെന്നാണ് പ്രതിപക്ഷ നേതാവ് തേജസ്വി യാദവ് മുഖ്യമന്ത്രി നിതീഷ് കുമാറിനോട് ആവശ്യപ്പെട്ടിട്ടുള്ളത്. ട്വീറ്റിലാണ് ആർജെഡി നേതാവ് ഈ ആവശ്യം ഉന്നയിച്ചിട്ടുള്ളത്.
