ഇത്തവണത്തെ മിസ് ഇന്ത്യ ഒരു ദില്ലിക്കാരി... കാണാം
മുംബൈ: ഇത്തവണത്തെ എഫ്ബിബി ഫെമിന മിസ് ഇന്ത്യ ആയി അദിതി ആര്യയെ തിരഞ്ഞെടുത്തു. മുംബൈയിലെ യാഷ് രാജ് സ്റ്റുഡിയോയില് ശനിയാഴ്ച രാത്രി നടന്ന ഫൈനല് മത്സരത്തിലാണ് വിജയിയെ തിരഞ്ഞെടുത്തത്. ഇത്തവണത്തെ ലോക സുന്ദരി മത്സരത്തില് അദിതി ഇന്ത്യയെ പ്രതിനിധീകരിക്കും.
അഫ്രീന് റേച്ചല് വാസ് ആണ് ഫസ്റ്റ് റണ്ണര് അപ്പ്. വാര്ത്തിക സിംഗ് സെക്കന്റ് റണ്ണര് അപ്പ് ആയി. 52-ാമത് മിസ് ഇന്ത്യയാണ് അദിതി ആര്യ. റണ്ണര് അപ്പുമാരായ അഫ്രീനും വാര്ത്തികയ്ക്കും വിവിധ സൗന്ദര്യ മത്സരങ്ങളില് രാജ്യത്തെ പ്രതിനിധീകരിക്കാനാവും.
ജോണ് എബ്രഹാം, മനീഷ കൊയ് രാളെ, സോനു നിഗം, അനില് കപൂര്, ശില് ഷെട്ടി, സൊണാലി ബിന്ദ്രേ, ഫിറോസ് നാദിയാദ്വാല, അബു ജാനി, സന്ദാഷ് ഖോസ്ല, ശിയാമക് ദവാര്, ചിത്രാംഗദ സിംഗ് തുടങ്ങിയ പ്രമുഖരായികരുനനു വിധി കര്ത്താക്കള്.
വെറും ഭംഗി മാത്രം നോക്കിയല്ല മിസ് ഇന്ത്യയെ തിരഞ്ഞെടുത്തതെന്ന് വിധികര്ത്താക്കളില് ഒരാളായ ജോണ് എബ്രഹാം പറഞ്ഞു. സൗന്ദര്യത്തിനൊപ്പം വ്യക്തിത്വവും അറിവും എല്ലാം പരിഗണിച്ചാണ് ഇന്ത്യയുടെ സുന്ദരിയെ കണ്ടെത്തിയത്.
ദില്ലി സ്വദേശിനിയാണ് അദിതി ആര്യ. ഇതിന് മുമ്പ് മിസ് ഇന്ത്യയായും മിസ് വേള്ഡ് ആയും ഒക്കെ തിരഞ്ഞെടുക്കപ്പെട്ടവര്ക്ക് മുന്നില് ബോളിവുഡിന്റെ വാതിലുകള് മലര്ക്കെ തുറന്നിട്ടുണ്ട്. അദിതിയും ഇനി അഭിനയത്തിന്റെ ലോകത്തേക്ക് വരുമോ എന്ന കാത്തിരുന്ന് കാണാം.