പുറത്ത് പോയാലും തൽവാർ ദമ്പതിമാർ എല്ലാമാസവും ജയിലിലെത്തണം, കാരണം....

ദസന ജയലിലെ സഹ തടവുകാരായിരുന്നവരുടെ ദന്തപ്രശ്നം പരിഹരിക്കാനാണ് ഇവർ എല്ലാ മാസവും ജയിൽ സന്ദർശിക്കാൻ തീരുമാനിച്ചിരിക്കുന്നത്.

ദസന: ആരുഷി വധക്കേസിൽ അലഹാബാദ് ഹൈക്കോടതി വെറുതെവിട്ട തൽവാർ ദമ്പതികൾ എല്ലാ മാസവും ജയിൽ സന്ദർശിക്കും. പതിനഞ്ച് ദിവസത്തിലൊരിക്കലാണ് ഇവർ ജയിൽ സന്ദർശനം നടത്തുക. ദസന ജയലിലെ സഹ തടവുകാരായിരുന്നവരുടെ ദന്തപ്രശ്നം പരിഹരിക്കാനാണ് ഇവർ എല്ലാ മാസവും ജയിൽ സന്ദർശിക്കാൻ തീരുമാനിച്ചിരിക്കുന്നത്. 2013 നവംബർ മുതൽ ഇവർ ദസന ജയിലിലായിരുന്നു.

ജയിലിൽ കഴിയവെ തൽവാർ ദമ്പതികൾ തടവുകാരേയും ജയിൽ അധികൃതരേയും പരിശോധിച്ചിരുന്നു. തൽവാർ ദമ്പതികൾക്ക് പുറമേ ഗാസിയാബാദ് ഡെന്റൽ കോളേജിലെ ഡോക്ടർമാരും ജയിലിൽ സന്ദർശനം നടത്തിയിരുന്നു. രാജേഷ് തൽവാറിന്റെ സഹോദരൻ ഒഫ്താൽമോളജിസ്റ്റായ ദിനേഷ് തൽവാർ ജയിൽ സന്ദർശനം നടത്തുമെന്നും ജയിൽ അധികൃതർ അറിയിച്ചിട്ടുണ്ട്.

തടവുകാരുടെ ദന്തരോഗത്തെ കുറിച്ചുള്ള ആശങ്ക അധികൃതർ അറിയിച്ചപ്പോഴാണ് എല്ലാമാസവും ജയിൽ സന്ദർശനം നടത്തമെന്ന് തൽവാർ ദമ്പതിമാർ സമ്മതിച്ചത്. മകൾ ആരുഷി തൽവാറിന്റേയും വീട്ടുജോലിക്കാരന്റേയും കൊലപാതകത്തിൽ ആരോപണ വിധേയരായി ജീവപര്യന്തം തടവിൽ കഴിയുകയായിരുന്നു തൽവാർ ദമ്പതിമാർ. കേസിൽ കഴിഞ്ഞ ആഴ്ച ഇവരെ കോടതി വെറുതെ വിട്ടിരുന്നു. വിധി പകർപ്പ് പുറത്തു വരുന്നതിന്റെ അടിസ്ഥാനത്തിൽ തിങ്കളാഴ്ച ഇവർ മോചിതരാകും

English summary

DASNA: Dentist couple Rajesh and Nupur Talwar+ will visit the Dasna jail every 15 days to attend to inmates facing dental problems after their release following acquittal in the murder case of their daughter Aarushi and domestic help Hemraj, jail authorities said.