കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

വ്യാജ ഏറ്റുമുട്ടല്‍ കേസില്‍ വന്‍സാര കുറ്റവിമുക്തന്‍; വിരമിച്ച ശേഷം സ്ഥാനക്കയറ്റം നല്‍കി ഗുജറാത്ത്

Google Oneindia Malayalam News

ഗാന്ധിനഗര്‍: വ്യാജ ഏറ്റുമുട്ടല്‍ കൊലപാതക കേസുകളില്‍ പ്രതിയായിരുന്ന മുന്‍ ഐസിഎസ് ഓഫീസര്‍ ഡിജി വന്‍സാരയ്ക്ക് ഗുജറാത്ത് സര്‍ക്കാര്‍ വിരമിച്ച ശേഷം സ്ഥാനക്കയറ്റം നല്‍കി. ഇയാള്‍ക്കെതിരായ രണ്ടു കേസുകളിലും വെറുതെവിട്ട സാഹചര്യത്തിലാണ് സര്‍ക്കാര്‍ തടഞ്ഞുവച്ചിരുന്ന ആനുകൂല്യങ്ങളെല്ലാം അനുവദിച്ചത്. ഡിഐജി ആയിരിക്കെയാണ് കേസില്‍ പ്രതിയായത്. ഇപ്പോള്‍ അദ്ദേഹത്തെ ഐജിയായി സര്‍ക്കാര്‍ സ്ഥാനക്കയറ്റം നല്‍കി.

Dg

2014 മെയ് 31നാണ് ഡിഐജി റാങ്കിലിരിക്കെ വന്‍സാര വിരമിച്ചത്. ഏറ്റുമുട്ടല്‍ കൊലപാതകവുമായി ബന്ധപ്പെട്ട് എട്ട് വര്‍ഷം ജയിലിലായിരുന്നു ഇയാള്‍. 2017ലും 2019ലുമായി രണ്ടു കേസുകളിലും കോടതി വന്‍സാരയെ വെറുതെവിട്ടു. ഈ സാഹചര്യത്തിലാണ് ആനുകൂല്യങ്ങളെല്ലാം അനുവദിച്ചത്. പെന്‍ഷന്‍, 2007 മുതലുള്ള ശമ്പള കുടിശ്ശിക എന്നിവയെല്ലാം വന്‍സാരയ്ക്ക് അനുവദിക്കാന്‍ ഗുജറാത്ത് സര്‍ക്കാര്‍ ഉത്തരവിറക്കി.

ദില്ലിയില്‍ പള്ളി കത്തിച്ചു, കാവിക്കൊടി കെട്ടി; വ്യാജമെന്ന് പ്രചാരണം, യാഥാര്‍ഥ്യം ഇതാണ്...ദില്ലിയില്‍ പള്ളി കത്തിച്ചു, കാവിക്കൊടി കെട്ടി; വ്യാജമെന്ന് പ്രചാരണം, യാഥാര്‍ഥ്യം ഇതാണ്...

സുഹ്‌റബുദ്ദീന്‍, ഭാര്യ കൗസര്‍ബി എന്നിവരെ വ്യാജ ഏറ്റുമുട്ടലില്‍ വധിച്ച കേസിലാണ് വന്‍സാര ഉള്‍പ്പെടെയുള്ള ഉന്നത പോലീസ് ഓഫീസര്‍മാര്‍ ആദ്യം അറസ്റ്റിലായത്. ശേഷം ഇശ്‌റത്ത് ജഹാന്‍ ഉള്‍പ്പെടെയുള്ള നാല് പേരെ വെടിവച്ച് കൊന്ന കേസിലും തുളസീറാം പ്രജാപതിയെ കൊന്ന കേസിലും വന്‍സാരയെ പ്രതി ചേര്‍ക്കപ്പെട്ടു.

2007ല്‍ അറസ്റ്റിലായത് മുതല്‍ വന്‍സാര സബര്‍മതി സെന്‍ട്രല്‍ ജയിലിലായിരുന്നു. 2012ല്‍ മുംബൈയിലെ തലോജ ജയിലിലേക്ക് മാറ്റി. ഇശ്‌റത്ത് കേസില്‍ 2013ലാണ് സിബിഐ വന്‍സാരയുടെ അറസ്റ്റ് രേഖപ്പെടുത്തിയത്. ഇതോടെ വീണ്ടും സബര്‍മതി ജയിലിലേക്ക് കൊണ്ടുവന്നു. സുഹ്‌റബുദ്ദീന്‍ കൊലക്കേസില്‍ 2014ല്‍ ജാമ്യം ലഭിച്ചു. ഇശ്‌റത്ത് കേസില്‍ 2015ല്‍ ജാമ്യം ലഭിച്ചതോടെ ജയിലില്‍ നിന്ന് പുറത്തിറങ്ങി. സുഹ്‌റബുദ്ദീന്‍ കേസില്‍ 2017ലും ഇശ്‌റത്ത് കേസില്‍ 2019ലും കുറ്റവിമുക്തനാക്കി. ഇതോടെയാണ് അദ്ദേഹത്തിന് തടഞ്ഞുവച്ച കുടിശ്ശികയും പെന്‍ഷനുമെല്ലാം അനുവദിക്കാന്‍ ഗുജറാത്ത് സര്‍ക്കാര്‍ തീരുമാനിച്ചത്.

English summary
Former IPS officer DG Vanzara gets post-retirement promotion by Gujarat govt
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X