ചൈനീസ് ബന്ധത്തിന് പിന്നാലെ രാഹുലിനെ കടന്നാക്രമിച്ച് ബിജെപിയുടെ ചിക്കൻ സൂപ്പ് വിവാദം; സത്യം ഇങ്ങനെ...
ദില്ലി: മാനസസരോവർ യാത്രക്കിടെ രാഹുൽ ഗാന്ധി ചിക്കൻ സൂപ്പ് കുടിച്ചോ? കുറച്ച് ദിവസമായി ബിജെപിക്കാർ ആയുധമാക്കിയ വീഡിയോയുടെ സത്യാവസ്ഥ പുറത്ത് വന്നു. ഹോട്ടൽ അധികൃതർ തന്നെയാണ് വിവാദങ്ങൾ അവസാനിപ്പിച്ച് വിശദീകരണം നൽകിയത്.
എന്തേ ചിന്തേ നിന്റെ ചിന്ത ഉണരാത്തേ..! യുവജനക്ഷേമമേ ഉണരൂ... ചിന്ത ജെറോമിനെ തേച്ചൊട്ടിച്ച് പോസ്റ്റ്
മാനസസരോവർ യാത്രക്കിടെ കാഠ്മണ്ഡുവിലെ ഹോട്ടലിൽ നിന്നും രാഹുൽ ഗാന്ധി ചിക്കൻ സൂപ്പ് കഴിച്ചെന്നും ചില പ്രാദേശിക മാധ്യമങ്ങൾ ഇക്കാര്യം റിപ്പോർട്ട് ചെയ്തിട്ടുണ്ടെന്നും ബിജെപി ആരോപിച്ചിരുന്നു. ഹോട്ടൽ ജീവനക്കാരന്റേത് എന്ന തരത്തിൽ ഒരു വീഡിയോയും പുറത്ത് വന്നിരുന്നു. രാഹുൽ ഗാന്ധി ഹിന്ദു മതവികാരം വൃണപ്പെടുത്തിയെന്നാരോപിച്ചായിരുന്നു ബിജെപിയുടെ കടന്നാക്രമണം.
കഴിഞ്ഞ മാസം 31നാണ് രാഹുൽ ഗാന്ധി കാഠ്മണ്ഡുവിലെത്തിയത്. വുട്ടു എന്ന ഹോട്ടലിൽ നിന്നായിരുന്നു അദ്ദേഹത്തിന്റെ രാത്രി ഭക്ഷണം. രാഹുലിന്റെ സന്ദർശനം ചില പ്രദേശിക മാധ്യമങ്ങൾ ഹോട്ടലിലെത്തി രാഹുൽ ഗാന്ധി എന്ത് ഭക്ഷണമാണ് കഴിച്ചതെന്നും ഭക്ഷണം ഇഷ്ടമായോ എന്നുമൊക്കെ ചോദിച്ചു. രാഹുൽ ഗാന്ധി ഭക്ഷണം കഴിക്കുന്ന ഫോട്ടോ ഹോട്ടലിന്റെ ഫേസ്ബുക്ക് പോജിൽ ഇടുകയും ചെയ്തിരുന്നു.
എന്നാൽ രാഹുൽ ഗാന്ധി ചിക്കൻ കുർക്കുറെ കഴിച്ചെന്നും ഭക്ഷണം ഇഷ്ടമായ രാഹുൽ വീണ്ടും കഴിച്ചെന്നുമൊക്കെ വെയിറ്റർ പറഞ്ഞതായി റിപ്പോർട്ട് വന്നു. ചില ദേശീയ മാധ്യമങ്ങളും ഇത് നൽകിയതോടെ ബിജെപിക്കാർ ഏറ്റുപിടിക്കുകയായിരുന്നു.
ജപ്പാനെ പിടിച്ചുകുലുക്കി 'ജെബി'... സുനാമിയിലും കുലുങ്ങാത്തവർ ശരിക്കും അടിപതറി; കാൽ നൂറ്റാണ്ടിനിടെ...
സംഭവം വിവാദമായതോടെ രാഹുൽ ഗാന്ധി സസ്യാഹാരം മാത്രമാണ് കഴിച്ചതെന്നും രാഹുൽ നോൺവെജ് കഴിച്ചുവെന്ന് ജീവനക്കാർ ആരോടും പറഞ്ഞിട്ടില്ലെന്നും ഹോട്ടൽ അധികൃതർ വ്യക്തമാക്കി. ഹോട്ടലിലെ വിഭവങ്ങളുടെ ഫോട്ടോയടക്കമാണ് ഹോട്ടലിന്റ വിശദീകരണം.