Click it and Unblock the Notifications
Just In
Don't Miss
-
മകൻ അച്ഛനെ കാണാറുണ്ട്; ആദ്യ വിവാഹ ബന്ധം പിരിഞ്ഞപ്പോൾ; തനിക്ക് മാത്രമല്ല ഇത് സംഭവിച്ചതെന്നും മേതിൽ ദേവിക -
അവധിക്കാലം കുട്ടികള്ക്ക് ഉഷാറാക്കാന് സ്വീറ്റ് സോഫ്റ്റ് കേക്ക് -
IPL 2024: ഗില്ലിനെക്കൊണ്ടാവില്ല! ഹാര്ദിക് പാണ്ഡ്യ മടങ്ങി വരൂ..., ആവശ്യപ്പെട്ട് ജിടി ആരാധകര് -
ടൊയോട്ട ഇനി ചന്ദ്രനിലേക്കോ, നാസയുമായി കൈകോർത്ത് ബ്രാൻഡ് -
എല്ലാ മാസവും ഉറപ്പായ വരുമാനം, റിട്ടയർമെന്റ് ജീവിതം അടിപൊളിയാക്കൂ, ഇതാണ് പദ്ധതി -
2 രൂപ വ്യത്യാസത്തിൽ ഇങ്ങനെ മാജിക്ക് കാണിക്കാൻ ബിഎസ്എൻഎല്ലിനേ പറ്റൂ! കാണുന്നവർ അമ്പരക്കും -
ബാംഗ്ലൂർ നഗരത്തിലെ യാത്രകൾ ഈസി; 2 കിലോമീറ്ററിന് 20 രൂപ, ജിപിഎസ് ട്രാക്കിങ്, കുട്ടികൾക്ക് സൗജന്യ യാത്ര..
സബ്‌സിഡി ഇല്ലാത്ത പാചകവാതക വില 107 രൂപ കുറച്ചു
ദില്ലി: സബ്‌സിഡി ഇല്ലാത്ത പാചക വാതക സിലിണ്ടറിന് 107 രൂപ കുറച്ചു. ഇത് സംബന്ധിച്ച് പെട്രോളിയം മന്ത്രാലയം വാര്‍ത്താ കുറിപ്പിറക്കി. അതേ സമയം ഡീസലിന് അമ്പത് പൈസ കൂട്ടി. പെട്രോള്‍ വിലയില്‍ മാറ്റമില്ല. പുതുക്കിയ വില വെള്ളിയാഴ്ച അര്‍ദ്ധരാത്രി മുതല്‍ നിലവില്‍ വരും.
ജനുവരി ആദ്യം സബ്‌സിഡി ഇല്ലാത്ത പാചകവാതകത്തിന്റെ വില 220 രൂപ വര്‍ദ്ധിപ്പിച്ചിരുന്നു. ഇത് വന്‍ പ്രതിഷേധത്തിന് വഴിവയ്ക്കുകയും ചെയ്തു. തുടര്‍ന്ന് ഇപ്പോള്‍ അന്താരാഷ്ട്ര തലത്തില്‍ ഇന്ധനവില കുറഞ്ഞതിനാലാണ് പാചകവാതകത്തിന്റെ വില കുറയ്ക്കാന്‍ എണ്ണക്കമ്പനികള്‍ തയ്യാറായത്.
സബ്‌സിഡി നിരക്കിലുള്ള 12 സിലിണ്ടറിന് ശേഷം വാങ്ങുന്നവയുടെ വിലയിലാണ് കുറവ്. ദില്ലിയില്‍ നിലവില്‍ 14.2 കിലോ ഭാരമുള്ള കുറ്റിയ്ക്ക് 1241 രൂപയാണ് വില. ഇത് 1134 രൂപയായി കുറയും. സംസ്ഥാനങ്ങളിലെ പ്രാദേശിക നികുതിയും കൂടെ കണക്കിലെടുക്കുമ്പോള്‍ വിലയില്‍ കാര്യമായ മാറ്റമുണ്ടാകും. ഒരു സിലിണ്ടര്‍ വില്‍ക്കുന്നതിലെ 762.50ല്‍ നിന്ന് 656 രൂപയായി കുറഞ്ഞിട്ടുണ്ടെന്ന് എണ്ണക്കമ്പനികള്‍ അറിയിച്ചു.
പ്രതിമാസം ഡീസല്‍ വില 50 പൈസവീതം വര്‍ദ്ധിപ്പിക്കാന്‍ എണ്ണക്കമ്പനികള്‍ക്ക് നേരത്തെ പെട്രോളിയം മന്ത്രാലയം അനുമതി നല്‍കിയിരുന്നു. ജനുവരി ആദ്യം പെട്രോളിനും ഡീസലിനും യാഥാക്രമം 75ഉം 50ഉം പൈസ വീതം വിലവര്‍ദ്ധിപ്പിച്ചിരുന്നു. ഇന്ധനവില നിര്‍ണയിക്കാനുള്ള അവകാശം എണ്ണക്കമ്പനികള്‍ക്ക് നല്‍കിയതിന് ശേഷം ആഗോളതലത്തിന് ആനുപാതികമായി വില വര്‍ദ്ധിപ്പിക്കുന്നുണ്ട്.
