കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

സിന്ധുവിന്റെ പേരില്‍ തന്നെ പരിഹസിച്ച ആരാധകന് സൈനയുടെ മറുപടി

  • By Anwar Sadath
Google Oneindia Malayalam News

ദില്ലി: ഒളിംപിക്‌സില്‍ ഇന്ത്യന്‍ സഹതാരം പി വി സിന്ധു മികച്ച പ്രകടനം നടത്തുന്നത് ചൂണ്ടിക്കാട്ടി തന്നെ പരിഹസിച്ച ആരാധകന് സൈന നേവാള്‍ മറുപടി നല്‍കി. ഇന്ത്യയ്ക്ക് മികച്ചൊരു താരത്തെ ലഭിച്ചിരിക്കുന്നു. സൈന താങ്കള്‍ ബാഗ് പാക്ക് ചെയ്‌തോളൂ എന്നായിരുന്നു അന്‍ഷുല്‍ സാഗര്‍ എന്ന വ്യക്തി സൈനയ്‌ക്കെതിരെ ട്വീറ്റ് ചെയ്തത്.

എന്നാല്‍, ട്വീറ്റിന് വളരെ സമചിത്തതയോടെയാണ് സൈന മറുപടി നല്‍കിയത്. തീര്‍ച്ചയായും വളരെ നന്ദി....സിന്ധു മികച്ച പ്രകടനമാണ് കാഴ്ച വക്കുന്നത്....ഇന്ത്യയും.... എന്ന് സൈന മറുപടി ട്വീറ്റ് ചെയ്തു. തനിക്കെതിരെ സൈന രൂക്ഷമായി പ്രതികരിക്കുമെന്ന് കരുതി ആരാധകന്‍ സൈനയുടെ മറുപടിയില്‍ അമ്പരന്നിട്ടുണ്ടാകണം.

ഇതോടെ അയാള്‍ സൈനയോട് ക്ഷമ ചോദിക്കാന്‍ തയ്യാറായി. താങ്കളെ വേദനിപ്പിക്കണം എന്നു കരുതിയല്ല ട്വീറ്റ് ചെയ്തത്. കടുത്തുപോയെങ്കില്‍ ക്ഷമിക്കണം. ഞാന്‍ താങ്കളുടെ ഒരു ആരാധകന്‍ കൂടിയാണെന്ന് അന്‍ഷുല്‍ പ്രതികരിച്ചു. സൈനയുടെ ശാന്തമായ മറുപടിയാണ് അന്‍ഷുല്‍ സാഗറെ മാറ്റി ചിന്തിപ്പിച്ചത്.

saina-nehwal

ലണ്ടന്‍ ഒളിംപിക്‌സില്‍ വെങ്കലമെഡല്‍ നേടിയ സൈനയ്ക്ക് റിയോയില്‍ മികച്ച പ്രകടനം കാഴ്ചവെക്കാന്‍ കഴിഞ്ഞിരുന്നില്ല. കാല്‍മുട്ടിന് പരിക്കേറ്റ സൈന ഗ്രൂപ്പ് ഘട്ടത്തില്‍തന്നെ പുറത്താവുകയായിരുന്നു. കാലിലെ പരിക്ക് ഗുരുതരമായതോടെ കഴിഞ്ഞദിവസം സൈനയെ ആശുപത്രിയില്‍ പ്രവേശിപ്പിച്ചിരിക്കുകയാണ്.
English summary
Dignified Saina Nehwal replies to Twitter troll, gets apology
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X