Click it and Unblock the Notifications
Just In
Don't Miss
-
നിഗൂഢതകളൊളിപ്പിച്ച മുനിയറ, കേരളത്തിന്റെ കാശ്മീര്.. മലയോര നാടിൻറെ വശ്യത നേരിട്ടറിയാം.. പാക്കേജ് -
'അടിതെറ്റി സിബിനും, മാപ്പ് പറഞ്ഞു; പുറത്തുവരുന്ന അവസാന രണ്ട് പേരില് ജാസ്മിനുമുണ്ടാകും' -
ആവശ്യക്കാർ തേടിപ്പിടിച്ചെത്തുന്ന 2 BSNL പ്ലാനുകൾ; രണ്ടും സ്പെഷലിസ്റ്റുകളാണ്, രണ്ട് കാര്യങ്ങളിൽ! -
മെയ് മാസം നിങ്ങളുടെ പോക്കറ്റിന് ലാഭവുമായി ചേതക്, ഇവി ലാഭകരം തന്നെ കേട്ടോ -
IPL 2024: ഒരോവറില് 5 റണ്സ് മാത്രം, എന്നിട്ടും ബൗളര്ക്കു പിന്നെ ഓവറില്ല! റുതുരാജ് എന്തൊരു ദുരന്തം? -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി
ദിഗ് വിജയ് സിംഗ് - അമൃത റായ് വിവാഹത്തിന് തടസ്സം?
ദില്ലി: കോണ്‍ഗ്രസ് വൈസ് പ്രസിഡണ്ട് ദിഗ് വിജയ് സിംഗും ടി വി ജേര്‍ണലിസ്റ്റായ അമൃതാ റായിയുമായുള്ള വിവാഹം നടക്കാനിടയില്ലെന്ന് റിപ്പോര്‍ട്ടുകള്‍. തന്റെ ആത്മീയ ഗുരുവിന്റെ സമ്മതം കിട്ടാത്തത് കൊണ്ടാണ് ദിഗ് വിജയ സിംഗ് വിവാഹത്തില്‍ നിന്നും പിന്‍മാറിയത് എന്നാണ് അറിയുന്നത്. സിംഗ് രണ്ടാം വിവാഹത്തിനായി ശങ്കരാചാര്യ സ്വാമി ശ്രീ സ്വരൂപാനനന്ദ സ്വാമിജിയുടെ സമ്മതം തേടിയെങ്കിലും സ്വാമി ഇത് അംഗീകരിച്ചില്ലത്രെ.
കഴിഞ്ഞ മാസം മുപ്പതിനാണ് മൈക്രോ ബ്ലോഗിംഗ് സൈറ്റായ ട്വിറ്ററിലൂടെ താനും ടി വി ജേര്‍ണലിസ്റ്റ് അമൃതാ റായിയും വിവാഹിതരാകാന്‍ പോകുന്നു എന്ന് ദിഗ് വിജയ് സിംഗ് അറിയിച്ചത്. ദിഗ് വിജയ് സിംഗും അമൃതാ റായിയുമായുള്ള സ്വകാര്യ ദൃശ്യങ്ങള്‍ അതിനും മുമ്പേ സോഷ്യല്‍ നെറ്റ് വര്‍ക്കിംഗ് സൈറ്റുകളില്‍ പ്രതരിച്ചിരുന്നു. അമൃതാ റായിക്ക് വിവാഹമോചനം കിട്ടിയാലുടന്‍ തങ്ങളുടെ വിവാഹം നടക്കുമെന്നും സിംഗ് പറഞ്ഞു.
തങ്ങളുടെ വിവാഹം സംബന്ധിച്ച് രണ്ട് ട്വീറ്റുകളാണ് സിംഗ് പോസ്റ്റ് ചെയ്തത്. 67 കാരനായ ദിഗ് വിജയ് സിംഗ് മകളാകാന്‍ പ്രായമുള്ള ടി വി ജേര്‍ണലിസ്റ്റുമായി വിവാഹബന്ധത്തിന് ഒരുങ്ങുന്നതിനെതിരെ സിംഗിന്റെ കുടുംബം രംഗത്തുവന്നിരുന്നു. മധ്യപ്രദേശ് മുന്‍ മുഖ്യമന്ത്രിയാണ് മുതിര്‍ന്ന കോണ്‍ഗ്രസ് നേതാവായ ദിഗ് വിജയ് സിംഗ്. രാജ്യസഭ ടി വിയിലെ റിപ്പോര്‍ട്ടറാണ് അമൃതാ റായി.
അര്‍ബുദ രോഗബാധയെ തുടര്‍ന്ന് കഴിഞ്ഞ വര്‍ഷമാണ് ദിഗ് വിജയ് സിംഗിന്റെ ഭാര്യ മരിച്ചത്. സിംഗിന്റെ മകന്‍ ജയ് വര്‍ധന്‍ സിംഗ് മധ്യപ്രദേശില്‍ നിന്നുള്ള കോണ്‍ഗ്രസ് എം എല്‍ എയാണ്. ഇദ്ദേഹത്തിന് നാല് പെണ്‍മക്കളുണ്ട്. ഗുജറാത്ത് മുഖ്യമന്ത്രി നരേന്ദ്ര മോദിയുടെ വിവാഹത്തെക്കുറിച്ച് ദിഗ് വിജയ് സിംഗ് ട്വിറ്ററില്‍ പോസ്റ്റ് ചെയ്തത് ഏറെ വിവാദമായിരുന്നു.
