Click it and Unblock the Notifications
Just In
Don't Miss
-
ദേ വൈസ്റ്റ് സംസാരിക്കുന്നു എന്ന് ജാസ്മിൻ; പരിധി വിട്ടു; സിബിന്റെ ഭാഗത്തും ന്യായമുണ്ട്; പ്രേക്ഷകർ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള്‍ -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ഭര്‍തൃവീട്ടില്‍ ടോയ്‌ലറ്റ് ഇല്ല; യുവതി ഭര്‍ത്താവിനെ ഒഴിവാക്കി
പറ്റ്‌ന: ഭര്‍തൃവീട്ടില്‍ ടോയ്‌ലറ്റ് ഇല്ലെന്ന കാരണത്താല്‍ ബിഹാറില്‍ യുവതി ഭര്‍ത്താവിനെ വിവാഹമോചനം ചെയ്തതായി പ്രഖ്യാപിച്ചു. വെസ്റ്റ് ചമ്പാരന്‍ ജില്ലയില്‍ ഖോതവ ഗ്രാമത്തിലാണ് സംഭവം. ഭര്‍ത്താവ് ബബ്ലു കുമാറിനെ താന്‍ വിവാഹം മോചനം ചെയ്തതായി അര്‍ച്ചനയെന്ന യുവതി വില്ലേജ് പഞ്ചായത്തിലാണ് അറിയിച്ചത്.
മെയ് മാസത്തിലായിരുന്നു ഇവരുടെ വിവാഹം. വിവാഹശേഷം വേറൊരാളുടെ സ്ഥലത്താണ് അര്‍ച്ചന പ്രാഥമിക കാര്യങ്ങള്‍ നിര്‍വഹിച്ചിരുന്നത്. ഇരുട്ടിന്റെ മറപറ്റി ദിവസേന മറ്റൊരാളുടെ സ്ഥലത്ത് പോകാന്‍ തനിക്ക് കഴിയില്ലെന്ന് അര്‍ച്ചന പറഞ്ഞു. സ്ഥലമുടമ സ്ത്രീയെ ഇതിന്റെ പേരില്‍ അവഹേളിക്കുകകൂടി ചെയ്തതോടെ സ്വന്തം വീട്ടിലേക്ക് മടങ്ങാന്‍ അര്‍ച്ചന നിര്‍ബന്ധിതയാകുകയായിരുന്നു.
വിവാഹം ചെയ്ത് ഭര്‍തൃവീട്ടില്‍ എത്തിയതുമുതല്‍ ടോയ്‌ലറ്റിനായി അര്‍ച്ചന നിര്‍ബന്ധിക്കുന്നുണ്ടായിരുന്നു. എന്നാല്‍, വീട്ടില്‍ ടോയ്‌ലറ്റ് പണിയാന്‍ തന്റെ കൈയ്യില്‍ പണമില്ലെന്നാണ് ബബ്ലുവിന്റെ മറുപടി. ടോയ്‌ലറ്റ് വേണമെങ്കില്‍ സ്വന്തം മാതാപിക്കാളുടെ കൈയ്യില്‍ നിന്നും പണം വാങ്ങി പണിയണമെന്നും ബബ്ലു ആവശ്യപ്പെട്ടു.
എന്നാല്‍, പ്രാഥമിക കാര്യങ്ങള്‍ക്കുപോലും നിര്‍വാഹമില്ലാത്ത ഭര്‍തൃവീട്ടില്‍ തുടര്‍ന്നും താമസിക്കാന്‍ അര്‍ച്ചന തയ്യാറായില്ല. ഭര്‍ത്താവിനെ വേര്‍പിരിയാന്‍ താന്‍ നിര്‍ബന്ധിതയാകുകയായിരുന്നെന്ന് അവര്‍ പറഞ്ഞു. ഇതാദ്യമായല്ല, ഭര്‍തൃവീട്ടിലെ ടോയ്‌ലറ്റ് അസൗകര്യം മൂലം ബിഹാറില്‍ വിവാഹമോചനം നടക്കുന്നത്. ബിഹാറിലെ ഒട്ടേറെ വീടുകളില്‍ ഇനിയും പ്രാഥമിക കാര്യങ്ങള്‍ നിര്‍വഹിക്കാന്‍ സൗകര്യമില്ലെന്നതാണ് യാഥാര്‍ഥ്യം.
