• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

രാഹുല്‍ പറഞ്ഞതാണ് ശരി; ബിജെപിയുടേത് ശ്രദ്ധതിരിക്കാനുള്ള ശ്രമമെന്നും ഡികെ ശിവകുമാര്‍

ദില്ലി: രാഹുലിന്‍റെ റേപ്പ് കാപിറ്റല്‍ പരാമര്‍ശത്തിനെതിരെ പാര്‍ലമെന്‍റില്‍ വലിയ പ്രതിഷേധമാണ് ഇന്ന് ബിജെപി ഉയര്‍ത്തിയത്. പരാമര്‍ശത്തില്‍ രാഹുല്‍ മാപ്പ് പറയണമെന്നും ഭരണപക്ഷം ആവശ്യപ്പെട്ടിരുന്നു. എന്നാല്‍ പൗരത്വ ബില്ലിനെതിരായ പ്രതിഷേധത്തില്‍ നിന്ന് ശ്രദ്ധതിരിക്കാനാണ് ബിജെപി ശ്രമിക്കുന്നതെന്നായിരുന്നു രാഹുല്‍ പ്രതികരിച്ചത്. ഇപ്പോഴിതാ രാഹുലിനെ പിന്തുണച്ച് രംഗത്തെത്തിയിരിക്കുകയാണ് കര്‍ണാടക കോണ്‍ഗ്രസ് നേതാവ് ഡികെ ശിവകുമാര്‍. രാഹുല്‍ ഗാന്ധിയുടെ പരാമര്‍ശം പൂര്‍ണമായും ശരിയാണെന്ന് ഡികെ ട്വീറ്റ് ചെയ്തു.

സ്ത്രീകളെ സംരക്ഷിക്കുന്നതിനുള്ള നടപടി സ്വീകരിക്കാതെ പാര്‍ലമെന്‍റില്‍ നുണ പറയാനും ശ്രദ്ധ തിരിക്കാനും സര്‍ക്കാര്‍ ശ്രമിക്കുന്നത് ഭയാനകമാണെന്ന് ഡികെ ശിവകുമാര്‍ ട്വീറ്റ് ചെയ്തു. കോണ്‍ഗ്രസ് നേതാവ് ശശി തരൂരും രാഹുലിനെ പിന്തുണച്ച് രംഗത്തെത്തിയിരുന്നു. രാഹുല്‍ മാപ്പ് പറയേണ്ട സാഹചര്യമില്ലെന്നും വളരെ സാധാരണമായ പ്രസ്താവന മാത്രമാണ് രാഹുല്‍ നടത്തിയതെന്നുമായിരുന്നു ശശി തരൂര്‍ പറഞ്ഞത്.

രാജ്യത്ത് പീഡന കേസുകള്‍ വര്‍ധിച്ച് വരുന്ന സാഹചര്യത്തിലായിരുന്നു മോദി സര്‍ക്കാരിനെ വിമര്‍ശിച്ച് രാഹുല്‍ രംഗത്തെത്തിയത്. വ്യാഴാഴ്ച ജാര്‍ഖണ്ഡില്‍ ഉപതിരഞ്ഞെടുപ്പ് പ്രചരണത്തിനിടെയായിരുന്നു സംഭവം. 'മേക്ക് ഇന്‍ ഇന്ത്യ എന്നാണ് മോദി പറയുന്നത്. എന്നാല്‍ എവിടെ നോക്കിയാലും റേപ്പ് ഇന്ത്യയാണ്' എന്നായിരുന്നു രാഹുല്‍ പറഞ്ഞത്. തുടര്‍ന്ന് രാഹുല്‍ മാപ്പ് പറയണമെന്ന് ഭരണപക്ഷം പാര്‍ലമെന്‍റില്‍ ആവശ്യപ്പെട്ടു. എന്നാല്‍ താന്‍ മാപ്പ് പറയുന്ന പ്രശ്നം തന്നെ ഉദിക്കുന്നില്ലെന്നായിരുന്നു രാഹുലിന്‍റെ പ്രതികരണം. പൗരത്വ ബില്ലിനെതിരായ പ്രതിഷേധത്തില്‍ നിന്ന് ശ്രദ്ധ തിരിക്കാനാണ് ബിജെപിയുടെ ശ്രമമെന്നും രാഹുല്‍ പ്രതികരിച്ചിരുന്നു.

English summary
DK Shivakumar supports Rahul Gandhi
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more
X