കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

60000 കോടി രൂപ ചാരിറ്റിയ്ക്ക്!! ഗൗതം അദാനി പിറന്നാള്‍ ആഘോഷിക്കുന്നത് ഇങ്ങനെ...

Google Oneindia Malayalam News

മുംബൈ: ജീവകാരുണ്യ പ്രവര്‍ത്തനങ്ങള്‍ക്കായി 60000 കോടി രൂപ വാഗ്ദാനം ചെയ്ത് വ്യവസായി അദാനി ഗ്രൂപ്പ്. ഗൗതം അദാനിയുടെ 60-ാം ജന്മദിനവും അദ്ദേഹത്തിന്റെ പിതാവ് ശാന്തിലാല്‍ അദാനിയുടെ 100-ാം ജന്മദിനവും അനുബന്ധിച്ചാണ് അദാനി കുടുംബം ജീവകാരുണ്യ പ്രവര്‍ത്തനങ്ങള്‍ക്കായി 60000 കോടി രൂപ വാഗ്ദാനം ചെയ്തിരിക്കുന്നത്.

ഇക്കാര്യം അറിയിച്ചു കൊണ്ട് ഗൗതം അദാനി കഴിഞ്ഞ ദിവസം ട്വീറ്റ് പങ്കുവെച്ചിട്ടുണ്ട്. സംഭാവന അദാനി ഫൗണ്ടേഷനാണ് നല്‍കുന്നത്. സമത്വവും ഭാവിക്ക് തയ്യാറുള്ളതുമായ ഇന്ത്യയെ കെട്ടിപ്പടുക്കാന്‍ സഹായിക്കുക എന്നതാണ് സംഭാവന നല്‍കുന്നത് എന്ന് ഗൗതം അദാനി പറഞ്ഞു.

കമല്‍നാഥ് വന്നതുപോലെ തിരിച്ചുപോയി; മഹാരാഷ്ട്രയില്‍ കോണ്‍ഗ്രസിനേയും വിഴുങ്ങാന്‍ ബിജെപി?കമല്‍നാഥ് വന്നതുപോലെ തിരിച്ചുപോയി; മഹാരാഷ്ട്രയില്‍ കോണ്‍ഗ്രസിനേയും വിഴുങ്ങാന്‍ ബിജെപി?

1

ആരോഗ്യ സംരക്ഷണം, വിദ്യാഭ്യാസം, നൈപുണ്യ വികസനം എന്നിവയുമായി ബന്ധപ്പെട്ട പരിപാടികള്‍ സമഗ്രമായി കാണേണ്ടതുണ്ടെന്നും സമത്വവും ഭാവിക്ക് തയ്യാറുള്ളതുമായ ഇന്ത്യയെ കെട്ടിപ്പടുക്കുന്നതിനുള്ള സാരഥികളെ കൂട്ടായി രൂപപ്പെടുത്തുമെന്നും ഗൗതം അദാനി പറഞ്ഞു.

2

''വലിയ പ്രോജക്റ്റ് ആസൂത്രണത്തിലും നിര്‍വ്വഹണത്തിലും ഉള്ള ഞങ്ങളുടെ അനുഭവവും അദാനി ഫൗണ്ടേഷന്‍ നടത്തിയ പ്രവര്‍ത്തനങ്ങളില്‍ നിന്നുള്ള പഠനങ്ങളും ഈ പരിപാടികള്‍ അദ്വിതീയമായി ത്വരിതപ്പെടുത്താന്‍ ഞങ്ങളെ സഹായിക്കും,'' ഗൗതം അദാനി കൂട്ടിച്ചേര്‍ത്തു.

3

നമ്മുടെ 'നന്മയ്ക്കൊപ്പം സമൂഹത്തിന്റെ വളര്‍ച്ച' എന്ന തത്വ ചിന്ത നിറവേറ്റുന്നതിനായി കൂടുതല്‍ കാര്യങ്ങള്‍ ചെയ്യാനുള്ള അദാനി ഫൗണ്ടേഷന്റെ യാത്രയില്‍ മാറ്റമുണ്ടാക്കാന്‍ അഭിനിവേശമുള്ള ചില ശോഭയുള്ള മനസ്സുകളെ ആകര്‍ഷിക്കാന്‍ അദാനി കുടുംബത്തില്‍ നിന്നുള്ള ഈ സംഭാവന ഉദ്ദേശിക്കുന്നു എന്നും ഗൗതം അദാനി വ്യക്തമാക്കി.

4

മഹാത്മാഗാന്ധിയുടെ 'ട്രസ്റ്റിഷിപ്പ്' എന്ന തത്വം പാലിച്ച് ജീവിക്കാന്‍ ശ്രമിക്കാം എന്നതിന് ഗൗതം അദാനിയുടെയും കുടുംബത്തിന്റെയും ജീവകാരുണ്യ പ്രവര്‍ത്തനങ്ങളോടുള്ള പ്രതിബദ്ധത മാതൃകയാക്കണം എന്ന് അസിം പ്രേംജി ഫൗണ്ടേഷന്‍ ചെയര്‍മാനും വിപ്രോ ലിമിറ്റഡിന്റെ സ്ഥാപക ചെയര്‍മാനുമായ അസിം പ്രേംജി, ഗൗതം അദാനിയുടെ പ്രഖ്യാപനത്തോട് പ്രതികരിച്ചു.

5

രാജ്യത്തിന്റെ വെല്ലുവിളികളും സാധ്യതകളും സമ്പത്ത്, പ്രദേശം, മതം, ജാതി എന്നിങ്ങനെയുള്ള എല്ലാ വിഭജനങ്ങളും വെട്ടിച്ച് ആളുകള്‍ ഒന്നായി പ്രവര്‍ത്തിക്കണം എന്ന് ആവശ്യപ്പെടുന്നുണ്ട് എന്നും അദ്ദേഹം കൂട്ടിച്ചേര്‍ത്തു. ''ഈ സുപ്രധാന ദേശീയ ഉദ്യമത്തില്‍ ഗൗതം അദാനിക്കും അദ്ദേഹത്തിന്റെ ഫൗണ്ടേഷനും മികച്ചതായിരിക്കട്ടെ എന്ന് ഞാന്‍ ആശംസിക്കുന്നു,'' അസിം പ്രേംജി പറഞ്ഞു.

6

2020-21 സാമ്പത്തിക വര്‍ഷത്തില്‍ 9,700 കോടി രൂപ ചാരിറ്റികള്‍ക്കായി അസിം പ്രേംജി സംഭാവന ചെയ്തിരുന്നു. എച്ച് സി എല്‍ ടെക്നോളജീസിന്റെ സ്ഥാപകനും ചെയര്‍മാനുമായ ശിവ് നാടാറിന്റെ കുടുംബമാണ് ഏറ്റവും വലിയ രണ്ടാമത്തെ സംഭാവന നല്‍കിയത്. അദ്ദേഹം 1,263 കോടി രൂപ ചാരിറ്റികള്‍ക്കായി സംഭാവന ചെയ്തു.

7

2020 - 21 സാമ്പത്തിക വര്‍ഷത്തില്‍ ഹുറൂണ്‍ റിപ്പോര്‍ട്ടിലാണ് ഇക്കാര്യം പ്രതിപാദിക്കുന്നത്. അംബാനി കുടുംബം 2020 - 2021 സാമ്പത്തിക വര്‍ഷത്തില്‍ 500 കോടി രൂപ സംഭാവന നല്‍കിയതായി ഹുറൂണ്‍ റിപ്പോര്‍ട്ട് പറയുന്നു. 130 കോടി രൂപയാണ് ഗൗതം അദാനിയുടെ അദാനി ഗ്രൂപ്പ് 2020 - 21 സാമ്പത്തിക വര്‍ഷത്തില്‍ ചാരിറ്റിയ്ക്കായി സംഭാവന നല്‍കിയിരുന്നത്.

8

ആഗോളതലത്തില്‍, ടാറ്റ ഗ്രൂപ്പ് സ്ഥാപകന്‍ ജംഷെഡ്ജി ടാറ്റയാണ് ഏറ്റവും വലിയ സംഭാവന നല്‍കുന്നത്. അദ്ദേഹത്തിന്റെ സംഭാവനകളുടെ നിലവിലെ മൂല്യനിര്‍ണ്ണയം 102 ബില്യണ്‍ ഡോളറാണ്. രണ്ടാമതുള്ള ബില്‍ & മെലിന്‍ഡ ഗേറ്റ്‌സ് ഫൗണ്ടേഷന്‍ 74.6 ബില്യണ്‍ ഡോളറാണ്.

വീണ്ടും ബീച്ച് ഫോട്ടോയുമായി ഞെട്ടിച്ച് അഹാന; വൈറല്‍ ചിത്രങ്ങള്‍

Recommended Video

cmsvideo
Covid | Vacine ഇനി മൂക്കിലൂടെയും, Covidൽ ഗത്യന്തരമില്ലാതെ ജനം | *Covid

English summary
Do you know how Gautam Adani celebrate his 60th birthday
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X