ടിക്കറ്റ് ക്യാന്സലാക്കിയാല് റെയില്വേക്ക് ലോട്ടറിയേക്കാള് വലിയ ബംപര്; പ്രതിദിനം 7 കോടി!!
2019 മുതല് 2022 വരെയുള്ള കാലയളവിലാണ് റെയില്വെക്ക് ഇത്രയും വരുമാനം ലഭിച്ചിരിക്കുന്നത്. ടിക്കറ്റ് ക്യാന്സല് ആക്കുമ്പോഴും ഒരു നിശ്ചിത തുക റെയില്വേക്ക് ലഭിക്കും
ന്യൂദല്ഹി: മുന്കൂട്ടി ബുക്ക് ചെയ്ത ടിക്കറ്റ് കാന്സല് ചെയ്യുന്നതിലൂടെയും വെയിറ്റിങ് ലിസ്റ്റിലുള്ള ടിക്കറ്റ് കാന്സല് ചെയ്യാതെ വരുന്നതിലൂടെയുമായി പ്രതിദിനം ഏഴ് കോടിയോളം രൂപ വരുമാനമായി ലഭിക്കുന്നുണ്ട് എന്ന് റെയില്വേ. ന്യൂസ് 18 നല്കിയ വിവരാവകാശ അപേക്ഷക്ക് മറുപടിയായാണ് റെയില്വെ ഇക്കാര്യം അറിയിച്ചിരിക്കുന്നത്.
2019 മുതല് 2022 വരെയുള്ള മൂന്ന് വര്ഷത്തിനിടയില് ഇത്തരത്തില് 6297 കോടി രൂപ വരുമാനം റെയില്വേക്ക് ലഭിച്ചു. 31 കോടിയില് അധികം ടിക്കറ്റുകളാണ് ഇക്കാലയളവില് റദ്ദാക്കിയത്. ഇതില് കഴിഞ്ഞ രണ്ട് വര്ഷത്തിനിടെ 32 ശതമാനത്തിന്റെ വര്ധനവുണ്ടായി എന്നും റെയില്വേ അറിയിച്ചു.
ക്യാന്സല് ചെയ്തില്ലെങ്കില് വരുമാനം റെയില്വേക്ക്
2021-ല് ഇത് 1660 കോടി രൂപയായിരുന്നെങ്കില് 2022 ല് ഇത് 2184 കോടി രൂപയായി വര്ധിച്ചു എന്നും റെയില്വെ വ്യക്തമാക്കി. 2020 ല് ടിക്കറ്റ് ക്യാന്സലേഷന് വഴി 796 കോടി രൂപയായിരുന്നു ലഭിച്ചിരുന്നത്. അതായത് പ്രതിദിനം 2.17 കോടി രൂപ!. 2022 ല് ഇത് 2184 കോടി രൂപയായി മാറി. പ്രതിദിനം ആറ് കോടിക്ക് അടുത്താണ് ഇക്കാലയളവില് ലഭിച്ചത്. 2019 മുതല് 2022 വരെയുള്ള കാലയളവില് 9.03 കോടി പേര് വെയിറ്റിങ് ലിസ്റ്റിലുള്ള ടിക്കറ്റുകള് കാന്സലാക്കാതിരുന്നത് വഴി 4107 കോടി രൂപ റെയില്വേക്ക് കിട്ടി.
ഓരോ ദിവസവും 7 കോടി രൂപ
ഇത്തരത്തില് മൂന്ന് വര്ഷത്തെ ശരാശരി കണക്കില് പ്രതിദിനം ഏഴ് കോടി രൂപയാണ് റെയില്വെക്ക് വരുമാനമായി ലഭിച്ചത്. അതേസമയം 2021-നും 2022-നും ഇടയില് റദ്ദാക്കപ്പെടാത്ത വെയ്റ്റ്-ലിസ്റ്റ് ടിക്കറ്റുകളില് നിന്നുള്ള വരുമാനം 2.5 മടങ്ങ് ഉയര്ന്ന് 713 കോടിയില് നിന്ന് 1604 കോടി രൂപയായതായും റെയില്വെ അറിയിച്ചു.
162 കോടി ടിക്കറ്റ് ബുക്ക് ചെയ്തു
2019-22 കാലയളവില് വിറ്റ ടിക്കറ്റുകളില് നിന്ന് 1.33 ലക്ഷം കോടി രൂപയാണ് റെയില്വെക്ക് ലഭിച്ചത്. ഇക്കാലയളവില് 162 കോടി ടിക്കറ്റുകള് ആണ് ബുക്ക് ചെയ്തത് എന്നും റെയില്വേ അറിയിച്ചു. ഒരു ടിക്കറ്റ് ക്യാന്സല് ചെയ്യുമ്പോള് ഒരാള്ക്ക് നഷ്ടമാകുന്ന തുക ടിക്കറ്റിന്റെ നിരക്കിനേയും സമയത്തേയും ആശ്രയിച്ചിരിക്കും.
ടിക്കറ്റ് ക്യാന്സലാക്കുമ്പോള് എത്ര നഷ്ടം വരും
ട്രെയിന് പുറപ്പെടുന്നതിന് 48 മണിക്കൂര് മുമ്പാണ് സ്ഥിരീകരിച്ച ടിക്കറ്റ് റദ്ദാക്കുന്നത് എങ്കില് യാത്രക്കാരന് കുറഞ്ഞത് 240 രൂപയ്ക്കും 180 രൂപയ്ക്കും ഇടയിലുള്ള ക്യാന്സലേഷന് ചാര്ജ് വേണ്ടി വരും. ട്രെയിന് പുറപ്പെടുന്നതിന് നാല് മണിക്കൂര് മുമ്പ് വരെ ടിക്കറ്റ് റദ്ദാക്കതിരുന്നാല് റീഫണ്ട് അനുവദിക്കില്ല.
-
സ്വർണ നിക്ഷേപത്തിൽ ചൈനയ്ക്ക് വൻ ജാക്ക്പോട്ട്; കണ്ടെത്തിയത് 1100 ടണ് സ്വർണം,ഇനി ചൈനയെ പിടിച്ചാൽ കിട്ടില്ല -
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സ്വര്ണം ഏതെങ്കിലും പോയി വാങ്ങല്ലേ; ഉഗ്രന് പണി കിട്ടും, കുറഞ്ഞ നിരക്കിലുള്ള സ്വര്ണം അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി
Click it and Unblock the Notifications
Sign in with Google