മോദിക്ക് നന്നായി ഇംഗ്ലീഷ് അറിയാം.. പക്ഷേ സംസാരിക്കാത്തത് വേണ്ടെന്ന് വെച്ചിട്ടെന്ന് ട്രംപ്

പാരിസ്: നരേന്ദ്ര മോദിയുടെ ഇംഗ്ലീഷ് മികച്ചതാണെന്ന് യുഎസ് പ്രസിഡന്‍റ് ഡൊണാള്‍ഡ് ട്രംപ്. അദ്ദേഹം ഇംഗ്ലീഷ് സംസാരിക്കാത്തത് വേണ്ടെന്നുവെച്ചിട്ടാണെന്നും ട്രംപ് തമാശാ രൂപേണ പറഞ്ഞു. ജി 7 ഉച്ചകോടിയ്ക്കിടെയായിരുന്നു ട്രംപിന്‍റെ ഈ പരാമര്‍ശം. ഉച്ചകോടിയ്ക്കിടെ ഇരുവരും കൂടിക്കാഴ്ച നടത്തിയിരുന്നു.

ട്രംപുമായുള്ള കൂടിക്കാഴ്ചയെ കുറിച്ച് മോദി മാധ്യമങ്ങളോട് ഹിന്ദിയിലായിരുന്നു സംസാരിച്ചത്. ഇതിനെ കുറിച്ചുള്ള മാധ്യമങ്ങളുടെ ചോദ്യത്തിനാണ് മോദി ഇംഗ്ലീഷ് പ്രാവിണ്യത്തെ കുറിച്ച് ട്രംപ് പരാമര്‍ശിച്ചത്. ട്രംപിന്‍റെ വാക്കുകളെ ചിരിയോടെയായയിരുന്നു മോദി സ്വീകരിച്ചത്.

#WATCH France: US President Donald Trump jokes with Prime Minister Narendra Modi during the bilateral meeting on the sidelines of #G7Summit. Trump says, "He (PM Modi) actually speaks very good English, he just doesn't want to talk" pic.twitter.com/ee66jWb1GQ

— ANI (@ANI) 26 August 2019

അതേസമയം കൂടിക്കാഴ്ചയ്ക്ക് പിന്നാലെ കാശ്മീര്‍ വിഷയത്തില്‍ മധ്യസ്ഥത വഹിക്കാമെന്ന തന്‍റെ നിലപാട് ട്രംപ് തിരുത്തി. കാശ്മീര്‍ വിഷയം ഇന്ത്യയും പാകിസ്താനും തമ്മിലാണ് ചര്‍ച്ച ചെയ്യേണ്ടതെന്ന് കൂടിക്കാഴ്ചയ്ക്ക് ശേഷം ട്രംപ് വ്യക്കമാക്കി.

ഞായറാഴ്ചയാണ് ജി 7 ഉച്ചകോടിയില്‍ പങ്കെടുക്കാനായി നരേന്ദ്ര മോദി ഫ്രാന്‍സില്‍ എത്തിയത്. ജി7ല്‍ അംഗമല്ല ഇന്ത്യ. ഫ്രഞ്ച് പ്രസിഡന്‍റ് ഇമ്മാനുവല്‍ മക്രോണിന്‍റെ പ്രത്യേക ക്ഷണം സ്വീകരിച്ചാണ് മോദി ഉച്ചകോടിക്ക് എത്തിയത്. ഉച്ചക്കോടിക്കിടെ മറ്റ് ലോക നേതാക്കളുമായും പ്രധാനമന്ത്രി നരേന്ദ്ര മോദി ചര്‍ച്ച നടത്തും.

English summary

Donald Trump jokes with Prime Minister Narendra Modi