Click it and Unblock the Notifications
Just In
Don't Miss
-
IPL 2024: സഞ്ജുവിന്റെ തന്ത്രം പാളിയേനെ, ആ മണ്ടത്തരം മുംബൈ മുതലാക്കി! രക്ഷിച്ചത് സന്ദീപ് -
ചാണക്യനീതി: അഗ്നിയേക്കാള് നിങ്ങളെ പൊള്ളിക്കും ഈ മൂന്ന് കാര്യങ്ങള്‍, ചങ്ക് തകരും -
വിദേശ മലയാളികളുടെ ശ്രദ്ധയ്ക്ക്, സർപ്രൈസ് വെളളപ്പൊക്കത്തിൽ നിന്ന് വാഹനം എങ്ങനെ സംരക്ഷിക്കാം -
ചെരുപ്പിടാതെ നടന്നതിന് വെട്ടാന് ചെരുപ്പ്, പൂഴിക്കടകനിട്ട് തിരിച്ചുവെട്ടി ജാസ്മിന്; മിണ്ടാതിരുന്നവരെ പൊക്കി -
മൂന്ന് വർഷം കൊണ്ട് നൽകിയത് 1430% ലാഭം, ഈ സ്മോൾ ക്യാപ് ഓഹരി പൊളിയല്ലേ, നിങ്ങൾക്ക് നിക്ഷേപമുണ്ടോ..? -
രാജമാണിക്യം ലെവൽ റോമിങ് പ്ലാനുമായി എയർടെൽ; 184 രാജ്യങ്ങൾ സന്ദർശിക്കാൻ ഒരൊറ്റ റീച്ചാർജ് മതി -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ലോക്ക് ഡൗണ്‍ കാലത്തെ ചരക്ക് കടത്ത്; നിരീക്ഷണം ശക്തമാക്കി കേന്ദ്രം, കണ്‍ട്രോള്‍ റൂം തുറന്നു
ദില്ലി: കൊറോണ വൈറസ് രോഗ വ്യാപനം പ്രതിരോധിക്കുന്നതിന് പ്രധാനമന്ത്രി നരേന്ദ്ര മോദി പ്രഖ്യാപിച്ച ലോക്ക് ഡൗണ്‍ കാലത്ത് ചരക്ക് കടത്തിന് പ്രത്യേക നിരീക്ഷണം. രാജ്യത്തെ അവശ്യ സര്‍വീസുകള്‍ ഒഴികെ മറ്റെല്ലാം 21 ദിവസത്തേക്ക് അടച്ചിട്ടിരിക്കുകയാണ്. ചരക്ക് കടത്ത് അവശ്യസേവനത്തിലാണ് ഉള്‍പ്പെടുത്തിരിക്കുന്നത്. അവശ്യസ്തുക്കളുടെ വില്‍പ്പനയും അനുവദിച്ചിട്ടുണ്ട്.
എന്നാല്‍ ചരക്ക് കടത്തും വിതരണവും ശരിയായ വിധത്തില്‍ നടക്കുന്നില്ലേ എന്ന് പരിശോധിക്കുന്നതിന് പ്രത്യേക കണ്‍ട്രോള്‍ റൂം തുറന്നിരിക്കുകയാണ് കേന്ദ്രസര്‍ക്കാര്‍. വാണിജ്യ വ്യവസായ മന്ത്രാലയത്തിന് കീഴിലുള്ള വ്യവസായ-ആഭ്യന്തര വ്യാപാര പ്രൊമോഷന്‍ ഡിപ്പാര്‍ട്ട്‌മെന്റാണ് കണ്‍ട്രോള്‍ റൂം തുറന്നിരിക്കുന്നത്. ചരക്ക് കടത്തും വിതരണവും കൃത്യമായ സമയങ്ങളില്‍ നടക്കുന്നില്ലേ എന്ന് പരിശോധിക്കുകയാണ് ലക്ഷ്യം.
ചരക്ക് കടത്ത്, വിതരണം, നിര്‍മാണം, അവശ്യവസ്തുക്കളുടെ വിപണനം തുടങ്ങിയ കാര്യങ്ങള്‍ കണ്‍ട്രോള്‍ റൂം പരിശോധിക്കും. അടുത്ത മാസം 14 വരെയാണ് പ്രധാനമന്ത്രി നരേന്ദ്ര മോദി രാജ്യത്ത് ലോക്ക് ഡൗണ്‍ പ്രഖ്യാപിച്ചിരിക്കുന്നത്. അവശ്യ വസ്തുക്കളുടെ നിര്‍മാതാക്കള്‍, വിതരണക്കാര്‍, ചരക്ക് കൊണ്ടുപോകുന്നവര്‍, മൊത്ത വില്‍പ്പനക്കാര്‍, ഇ കൊമേഴ്‌സ് കമ്പനികള്‍ എന്നിവര്‍ നേരിടുന്ന പ്രതിസന്ധികളും ഇവര്‍ പരിശോധിക്കും. നടപടികള്‍ ആവശ്യമെങ്കില്‍ വാണിജ്യ മന്ത്രാലയത്തെ അറിയിക്കും.
ഇതുമായി ബന്ധപ്പെട്ട പ്രതിസന്ധികള്‍ അറിയിക്കേണ്ടത് 91 11 23062487 എന്ന ഫോണ്‍ നമ്പറിലാണ്. രാവിലെ എട്ട് മുതല്‍ വൈകീട്ട് ആറ് വരെയാണ് വിളിക്കേണ്ടത്. ലഭിക്കുന്ന വിവരങ്ങള്‍ വ്യാപാര പ്രമൊഷന്‍ വകുപ്പ് ബന്ധപ്പെട്ട സംസ്ഥാനങ്ങളെയും ജില്ലകളെയും പോലീസ് അധികാരികളെയും മറ്റു ബന്ധപ്പെട്ട ഏജന്‍സികളെയും അറിയിക്കും.
