പ്രീതി സിന്റയുടെ മുന് കാമുകനെതിരെ പോലീസ് കേസ്
മുംബൈ: പ്രീതി സിന്റയുടെ മുന് കാമുകനും ബിസിനസുകാരനുമായ നെസ് വാദിയയ്ക്കെതിരെ പോലീസ് കേസ്. ഡ്രൈവറെ മര്ദ്ദിക്കുകയും അപമാനിക്കുകയും ചെയ്തെന്ന പാരിതിയിലാണ് മുംബൈയിലെ മാര്ഗ് പോലീസ് നെസ് വാദിയയ്ക്കെതിരെ കേസ് രജിസ്റ്റര് ചെയ്തത്. സംഭവത്തെക്കുറിച്ച് പോലീസ് പറയുന്നത് ഇങ്ങനെയാണ്.
കഴിഞ്ഞദിവസം സെന്ട്രല് മുംബൈയില് നിന്നും സൗത്ത് മുംബൈയിലേക്ക് നെസ് വാദിയയ്ക്ക് യാത്ര പോകേണ്ടതുണ്ടായിരുന്നു. 24 കിലോമീറ്റര് ദൂരമുണ്ട് യാത്രയ്ക്ക്. ഇത്രയും ദൂരം 10 മിനിറ്റുകൊണ്ട് ഓടിയെത്തണമെന്ന് നെസ് വാദിയ ഡ്രൈവര്ക്ക് നിര്ദ്ദേശം നല്കി. എന്നാല്, 10 മിനിറ്റുകൊണ്ട് ഓടിയെത്തുക അസാധ്യമായ കാര്യമെന്നായിരുന്നു ഡ്രൈവറുടെ മറുപടി.
ഇതോടെ കുപിതനായ നെസ് വാദിയ ഡ്രൈവറെ ചീത്തവിളിക്കുകുകയും മര്ദ്ദിക്കുകയുമായിരുന്നു. ഇതേ തുടര്ന്ന് ഡ്രൈവര് മാര്ഗ് പോലീസിനെ സമീപിച്ച് പരാതി നല്കി. സംഭവത്തില് കേസ് രജിസ്റ്റര് ചെയ്ത് അന്വേഷിച്ചുവരികയാണെന്ന് പോലീസ് ഉദ്യോഗസ്ഥന് പറഞ്ഞു. വാദിയ ഗ്രൂപ്പ് വിഷയത്തില് പ്രതികരിച്ചിട്ടില്ല.
നേരത്തെ പ്രീതി സിന്റയുമായി വാദിയയ്ക്ക് ഏറെക്കാലം അടുപ്പമുണ്ടായിരുന്നു. ഐപിഎല് ടീം കിങ്സ് ഇലവന് പഞ്ചാബിന്റെ സഹ ഉടമകൂടിയായിരുന്നു വാദിയ. ഇരുവരും തമ്മില് പിണങ്ങിയശേഷം വാദിയ തന്നെ പീഡിപ്പിച്ചെന്നുകാട്ടി പ്രീതി സിന്റെ പോലീസില് പരാതി നല്കിയത് ഏറെ വിവാദത്തിനിടയാക്കിയിരുന്നു.