ചാണകത്തില് കുളിച്ച് ഒരു കാര്; നെറ്റി ചുളിച്ച് കാഴ്ചക്കാര്, യുവതിക്ക് പറയാന് കാരണങ്ങള് ഏറെ
അഹ്മാദാബാദ്: ചാണകം തേച്ച് പിടിപ്പിച്ച കാര് ആണ് സോഷ്യല് മീഡിയയിലെ പുതിയ ചര്ച്ചാ വിഷയം. ഹെഡ്ലൈറ്റും നമ്പര് പ്ലേറ്റും ഒഴികെ കാര് മൊത്തം ചാണകം തേച്ചിരിക്കുന്നു. കണ്ടവരെല്ലാം ആശ്ചര്യത്തോടെയാണ് പ്രതികരിച്ചത്. സംഭവത്തിന്റെ സത്യാവസ്ത അന്വേഷിച്ചപ്പോഴാണ് ഏറെ രസകരം.
ഗുജറാത്തിലെ അഹ്മദാബാദിലുള്ള സേജല് ഷാ എന്ന യുവതിയാണ് ഇതിന്റെ ഉടമ. ചാണകം മൊത്തം തേച്ചത് തണുപ്പ് കിട്ടാനാണ്. 45 ഡിഗ്രി സെല്ഷ്യസ് ആണ് അഹ്മദാബാദിലെ ചൂട്. ഇതില് നിന്ന രക്ഷ തേടാനാണ് പുതിയ പരീക്ഷണം.
കാറിന്റെ ചിത്രം ഫേസ്ബുക്കില് പങ്കുവെച്ചത് രൂപേഷ് ഗൗരങ്ക ദാസ് എന്ന വ്യക്തിയാണ്. ഏറ്റവും മികച്ച രീതിയില് ചാണകത്തിന്റെ ഉപയോഗം എന്ന കുറിപ്പോടെയാണ് ചിത്രം പോസ്റ്റ് ചെയ്തിരിക്കുന്നത്. വാട്സ് ആപ്പ് വഴിയാണ് തനിക്ക് ഈ ചിത്രം ലഭിച്ചതെന്നും ദാസ് പറയുന്നു.
രണ്ടുചിത്രങ്ങളാണ് ഫേസ്ബുക്കില് പങ്കുവെച്ചിരിക്കുന്നത്. മിക്കയാളുകളും ചിത്രം കണ്ട് ചിരിക്കുകയായിരുന്നു. എന്നാല് ചിലര് കാറുടമയെ പ്രശംസിച്ചു. വീട്ടുമുറ്റത്തും ചുമരിലുമെല്ലാം ചാണകം തേക്കുന്നത് കണ്ടിട്ടുണ്ട്. എന്നാല് പുതിയ കാഴ്ച എല്ലാവര്ക്കും കൗതുകമായി. ചാണകവും പശുവും ഗോമൂത്രവുമെല്ലാം ഉത്തരേന്ത്യയില് പലപ്പോഴും ഏറെ വിവാദ വിഷയമാകാറുണ്ട്.
ബിജെപി നീക്കം തകര്ത്ത് കോണ്ഗ്രസ്; സ്വതന്ത്ര എംഎല്എമാരും കൂടെ, മധ്യപ്രദേശ് ഓഫീസില് സദ്യ