എയർഹോസ്റ്റസിനെ ശല്യം ചെയ്തു, ഒടുവിൽ പണി കിട്ടി, പിന്നെ ഒന്നു നോക്കിയില്ല സാഷ്ടാഗം വീണു

ഒടുവില്‍ യുവതിയുടെ തന്റേടത്തിനു മുന്നില്‍ യുവാക്കള്‍ പരാജയപ്പെട്ടു. കാല് പിടിച്ചു ക്ഷമ ചോദിക്കണമെന്ന യുവതിയുടെ നിര്‍ദേശവും യുവാക്കള്‍ അനുസരിച്ചു.

ഹൈദരാബാദ്: മദ്യലഹരിയിൽ യുവാക്കൾ വിമാന ജീവനക്കാരിയോട് അപമര്യാദമായി പൊരുമാറുകയും തുടർന്ന് യുവതിയുടെ കാല് പിടിച്ചു മാപ്പു ചോദിക്കുന്ന വീഡിയോ സോഷ്യൽ മീഡിയയിൽ വൈറലാകുന്നു. ഹൈദരാബാദ് അന്തരാഷ്ട്ര വിമാനത്താവളത്തിലാണ് കേസിനാസ്പദമായ സംഭവം നടക്കുന്നത്.

സംഭവം ഇങ്ങനെ: ശനിയാഴ്ച രാത്രിയാണ് കേസിനാസ്പദമായ സംഭവം നടക്കുന്നത്. ഹൈദരാബാദ് വിമാനത്താവളത്തിൽ വെച്ച് ഇൻഡിഗോ എയർലെൻസ് ജീവനക്കാരിയോട് മദ്യലഹരിയിലെത്തിയ യുവാക്കൾ മോശമായി പെരുമാറുകയായിരുന്നു. എന്നാൽ യുവാക്കളെ വളരെ ധീരമായി തന്നെ യുവതി കൈകാര്യം ചെയ്തിരുന്നു. ഒടുവിൽ യുവതിയ്ക്കു മുന്നിൽ യുവാക്കൾ മുട്ടുമടക്കി. യുവാക്കൾ കാണിച്ച മോശമായ പ്രവർത്തിക്ക് കാലു പിടിച്ചു മാപ്പു പറയണമെന്നു യുവതി ആവശ്യപ്പെട്ടു.

സംഭവം പോലീസിന്റെ ശ്രദ്ധയിൽ പെട്ടതോടെയാണ് മാപ്പപേക്ഷയുമായി യുവാക്കൾ യുവതിക്കു മുന്നിൽ എത്തിയത്. യുവാക്കൾ മദ്യപിച്ചു ബോധം നശിച്ച അവസ്ഥയിലായിരുന്നെന്നു പോലീസ് പറയുന്നു. വിര്‍ത്ഥികളായ ഇരുവരെയും താക്കീത് ചെയ്ത് വിട്ടയച്ചാല്‍ മതിയെന്ന് യുവതി പോലീസിനോട് ആവശ്യപ്പെടുകയായിരുന്നു. യുവതിയുടെ അഭിപ്രായം മാനിച്ച് ഇരുവരേയും പോലീസ് വെറുതെ വിട്ടിട്ടുണ്ട്.

English summary

Men resort to unacceptable behaviour and often put the blame on alcohol. Men, in inebriated state, misbehaving is so common that in many places, this is even normalised.