വാക് തര്ക്കം; ബസ്സ് ഡ്രൈവര് സ്കൂട്ടറുകാരന്റെ വിരല് കടിച്ചു മുറിച്ചു
ദില്ലി: നടുറോഡില് വെച്ചുണ്ടായ തര്ക്കത്തില് ദില്ലി ട്രാന്സ്പോര്ട്ട് കോര്പ്പറേഷന് ബസ്സ ഡ്രൈവര് സ്കൂട്ടറുകാരന്റെ വിരല് കടിച്ചു മുറിച്ചു. ദേശഗുപ്താ റോഡിലാണ് സംഭവം. പോലീസ് കേസ് രജിസ്റ്റര് ചെയ്തു.
ഓഫീസില് നിന്നും തന്റെ വീട്ടിലേക്ക് വരുന്ന സുഖ്വിന്ന്ദര് സിങ് ബാഗ ദേശബന്ധു റോഡില് വച്ച് സ്കൂട്ടര് തിരിക്കാന് ശ്രിമിക്കുന്നതിനിടെ എതിരെ വന്ന ബസ്സുമായി കൂട്ടിയിടിക്കാന് പോയി. ഇതേസമയം ബസ്സ് ഡ്രൈവര് പെട്ടെന്ന് ബ്രേക്കിട്ടതിനാല് അപകടമൊന്നും ഉണ്ടായില്ല.
എന്നാല് സംഭവത്തിന് ശേഷം ഇരുവരും തമ്മില് തര്ക്കമുണ്ടാകുകയായിരുന്നു. ബസ്സ് ഡ്രൈവര് സ്കൂട്ടറുകാരന്റെ മുഖത്തടിച്ചെന്ന് കേസന്വേഷിക്കുന്നു പോലീസ് ഉദ്യോഗസ്ഥന് പറഞ്ഞു.
തുടര്ന്ന് ഇരുവരും തമ്മിലുള്ള തര്ക്കം രൂക്ഷമാകുകയായിരുന്നു. ഇതേതുടര്ന്ന് ഡ്രൈവര് സ്കൂട്ടറുകാരന്റെ വിരല് കടിച്ചു മുറിക്കുകയായിരുന്നു. ഇയാളെ ആശുപത്രിയില് പ്രവേശിപ്പിച്ചു.