ഇംഗ്ലീഷ് മീഡിയം സ്കൂളിൽ നടത്തിയ റെയ്ഡിൽ പ്രിസിപ്പലിന്റെ റൂമിൽ കണ്ടെത്തിയത് കോണ്ടം മുതൽ മദ്യം വരെ

Updated: Sunday, March 26, 2023, 20:40 [IST]

മൊറേന (മധ്യപ്രദേശ്): മൊറേനയിലെ പ്രശസ്തമായ ഇംഗ്ലീഷ് മീഡിയം സ്‌കൂളിൽ നടത്തിയ അപ്രതീക്ഷിത പരിശോധനയിൽ ഞെട്ടിക്കുന്ന വസ്തുതകൾ കണ്ടെത്തി. ചൈൽഡ് റൈറ്റ് പ്രൊട്ടക്ഷൻ കമ്മീഷൻ അംഗം, ശനിയാഴ്ച നടത്തിയ പരിശോധനയിൽ, ലൈബ്രറിക്ക് അടുത്തുള്ള മുറിയിൽ നിന്ന് പ്രീമിയം മദ്യക്കുപ്പികളും കോണ്ടം പാക്കറ്റുകളും കണ്ടെത്തി. ഇത് സ്കൂൾ പ്രിൻസിപ്പൽ ഉപയോഗിക്കുന്നതായിരിക്കും എന്നാണ് പറയുന്നത്. .

ചൈൽഡ് റൈറ്റ് ബോഡിയിലെ ഡോക്ടർ നിവേദിത ശർമ്മയും സ്കൂൾ ലൈബ്രറിയിൽ നിന്ന് ഒരു പ്രത്യേക മതത്തിന്റെ പ്രചാരണ സാമഗ്രികൾ കണ്ടെടുത്തു. സ്‌കൂൾ കണ്ടുകെട്ടാൻ സംസ്ഥാന ബാലാവകാശ കമ്മീഷൻ ജില്ലാ കളക്ടറോട് ശിപാർശ ചെയ്യുകയും പ്രിൻസിപ്പലിനെതിരെ എക്‌സൈസ് വകുപ്പ് കേസെടുത്തു. സ്‌കൂൾ ലൈബ്രറിയിൽ നിന്ന് ഒരു പ്രത്യേക മതത്തെ പ്രോത്സാഹിപ്പിക്കുന്ന ഒരു പുസ്തകം കണ്ടെത്തിയതായും ഡോ. ശർമ്മ പരാമർശിച്ചു.ഇത് സ്‌കൂളിൽ പിന്തുടരുന്ന രീതികളെക്കുറിച്ച് ആശങ്ക ഉയർത്തുന്നു.

പരിശോധനയുടെ ഫലമായി സ്കൂൾ ഉടൻ പിടിച്ചെടുക്കാൻ ജില്ലാ കലക്ടർ നിർദേശം നൽകിയിട്ടുണ്ട്. വിദേശമദ്യക്കുപ്പികൾ കൈവശം വച്ചതിന് പ്രിൻസിപ്പലിനെതിരെ എക്സൈസ് വകുപ്പ് കേസെടുത്തു. സ്‌കൂളുകളിൽ കുട്ടികളുടെ സുരക്ഷയും ക്ഷേമവും ഉറപ്പാക്കാൻ കർശന നടപടികളുടെ ആവശ്യകതയാണ് ഈ സംഭവം ഉയർത്തിക്കാട്ടുന്നത്.

അതേസമയം, മുമ്പ് ബംഗളൂരുവിൽ സ്കൂളുകളിൽ നടത്തിയ മിന്നൽ പരിശോധനയിൽ വിദ്യാർത്ഥികളുടെ ബാഗിൽ നിന്ന് കോണ്ടവും ഗർഭനിരോധന ഗുളികകളും സിഗരറ്റും കണ്ടെത്തി സംഭവം നടന്നിരുന്നു. വിദ്യാർത്ഥികൾ സ്‌കൂളിലേക്ക് മൊബൈൽ ഫോണുകൾ കൊണ്ടുവരുന്നുണ്ടെന്ന വിവരത്തെ തുടർന്ന് നടത്തിയ മിന്നൽ പരിശോധനയിലാണ് ഇവയൊക്കെ കണ്ടെത്തിയത്.

മൊബൈൽ ഫോണുകൾക്ക് പുറമെ, കോണ്ടം, ഗർഭനിരോധന ഗുളികകൾ, ലൈറ്ററുകൾ, സിഗരറ്റുകൾ, വൈറ്റ്‌നറുകൾ എന്നിവയാണ് വിദ്യാർത്ഥികളുടെ ബാഗിൽ നിന്ന് കണ്ടെടുത്തത്. 8, 9, 10 ക്ലാസുകളിലെ വിദ്യാർത്ഥികളുടെ ബാഗുകളാണ് പരിശോധിച്ചത്. നഗരത്തിലെ നിരവധി സ്‌കൂളുകളിൽ ഇത്തരത്തിൽ പരിശോധന നടത്തിയിട്ടുണ്ട്. വിദ്യാർത്ഥികൾ ക്ലാസുകളിലേക്ക് മൊബൈൽ ഫോണുകൾ കൊണ്ടുവരുന്നുണ്ടെന്ന് നിരവധി ആളുകൾ പരാതിപ്പെട്ടതോടെയാണ് സ്‌കൂൾ അധികൃതർ ബാഗുകൾ പരിശോധിക്കാൻ തീരുമാനിച്ചത്