കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ഡിവൈഎഫ്‌ഐയോ അതെന്താ? സഖാക്കള്‍ക്ക് കട്ജുവിന്റെ ഇംഗ്ലീഷ് ക്ലാസും!വെള്ളംകുടിച്ച് നേതാക്കള്‍...

ക്യാമ്പയിന്‍ ഉദ്ഘാടനം ചെയ്യിക്കാനായി ജസ്റ്റിസ് മര്‍ക്കണ്ഡേയ കട്ജുവിനെയാണ് ഡിവൈഎഫ്‌ഐ നേതാക്കള്‍ സമീപിച്ചത്.

Google Oneindia Malayalam News

ദില്ലി: സ്ത്രീ സുരക്ഷ ഉറപ്പാക്കണമെന്ന് ആവശ്യപ്പെട്ട് ഡിവൈഎഫ്‌ഐ സംഘടിപ്പിക്കുന്ന ജസ്റ്റിസ് ഫോര്‍ രസീല രാജു എന്ന അഖിലേന്ത്യാ ക്യാമ്പയിന് തുടക്കത്തിലേ കല്ലുകടി. ക്യാമ്പയിന്‍ ഉദ്ഘാടനം ചെയ്ത ജസ്റ്റിസ് മര്‍ക്കണ്ഡേയ കട്ജുവാണ് ഡിവൈഎഫ്‌ഐ നേതാക്കളെ വെള്ളംകുടിപ്പിച്ചത്. കൊല്ലപ്പെട്ട രസീല രാജുവിന് നീതി ലഭിക്കണമെന്നും, രാജ്യത്തെ സ്ത്രീകളുടെ സുരക്ഷ ഉറപ്പാക്കണമെന്നും ആവശ്യപ്പെട്ടാണ് പ്രധാനമന്ത്രിക്ക് ഇമെയില്‍ അയച്ചുള്ള ക്യാമ്പയിന്‍ നടത്താന്‍ ഡിവൈഎഫ്‌ഐ തീരുമാനിച്ചത്.

ക്യാമ്പയിന്‍ ഉദ്ഘാടനം ചെയ്യിക്കാനായി ജസ്റ്റിസ് മര്‍ക്കണ്ഡേയ കട്ജുവിനെയാണ് ഡിവൈഎഫ്‌ഐ നേതാക്കള്‍ സമീപിച്ചത്. അഖിലേന്ത്യാ പ്രസിഡന്റ് പിഎ മുഹമ്മദ് റിയാസടക്കമുള്ളവര്‍ ഇതിനായി കട്ജുവിന്റെ വസതിയിലെത്തുകയും ചെയ്തിരുന്നു. എന്നാല്‍ നേതാക്കളെ ഞെട്ടിച്ച്‌കൊണ്ടാണ് കട്ജു ആ ചോദ്യം ചോദിച്ചത്. ഡിവൈഎഫ്‌ഐയോ അതെന്താ എന്നായിരുന്നു കട്ജുവിന്റെ ചോദ്യം. കട്ജുവിന്റെ ചോദ്യം കേട്ട റിയാസടക്കമുള്ളവര്‍ വാ പൊളിച്ചുപോയി.

കട്ജുവിന്റെ ചോദ്യം...

കട്ജുവിന്റെ ചോദ്യം...

പ്രധാനമന്ത്രിക്ക് കട്ജുവിനെ കൊണ്ട് ഇമെയില്‍ അയപ്പിച്ച് ക്യാമ്പയിന്‍ ഉദ്ഘാടനം ചെയ്യിക്കാനാണ് ഡിവൈഎഫ്‌ഐ തീരുമാനിച്ചിരുന്നത്. ഇതിനായി കട്ജുവിനെ സമീപിച്ച നേതാക്കളോടാണ് ഡിവൈഎഫ്‌ഐയോ അതെന്താ എന്ന് കട്ജു ചോദിച്ചത്. കട്ജുവിന്റെ ചോദ്യം കേട്ട് വാ പൊളിച്ച റിയാസടക്കമുള്ളവര്‍ക്ക് ഡിവൈഎഫ്‌ഐ എന്താണെന്ന് കട്ജുവിന് വിശദീകരിച്ച് കൊടുക്കേണ്ടി വന്നു.

ഫുള്‍ ഫോം വരെ വിശദീകരിച്ച് നേതാക്കള്‍...

ഫുള്‍ ഫോം വരെ വിശദീകരിച്ച് നേതാക്കള്‍...

ഡിവൈഎഫ്‌ഐ ഒരു യൂത്ത് ഓര്‍ഗനൈസേഷനാണെന്ന് പറഞ്ഞ നേതാക്കളോട് ഇത് ഒരു ഓള്‍ ഇന്ത്യാ ഓര്‍ഗനൈസേഷനാണോ എന്നായിരുന്നു കട്ജുവിന്റെ അടുത്ത ചോദ്യം. ഒടുവില്‍ ഡിവൈഎഫ്‌ഐയുടെ ഫുള്‍ ഫോം വരെ വിശദീകരിച്ച് കൊടുക്കേണ്ട അവസ്ഥയിലായി റിയാസും സംഘവും.

ഇംഗ്ലീഷ് പഠിപ്പിക്കലും...

ഇംഗ്ലീഷ് പഠിപ്പിക്കലും...

പ്രധാനമന്ത്രിക്ക് അയക്കേണ്ട ഇംഗ്ലീഷില്‍ തയ്യാറാക്കിയ ഇമെയിലിലെ തെറ്റുകള്‍ കട്ജു ചൂണ്ടിക്കാട്ടിയതോടെ നേതാക്കള്‍ വീണ്ടും കുടുങ്ങി. ഇമെയിലിലെ ദിസും ദാറ്റും ഗ്രാമറുമെല്ലാം കട്ജു നേതാക്കളെ കൊണ്ട് തിരുത്തിക്കുകയും ചെയ്തു. ഇമെയിലിലെ സ്‌പെല്ലിംഗും കുത്തും കോമയും വരെ കട്ജു തിരുത്തിച്ചു. കട്ജുവിന്റെ നിര്‍ദേശങ്ങള്‍ കേട്ട് തെറ്റ് തിരുത്തുന്ന റിയാസടക്കമുള്ളവരുടെ ദൃശ്യങ്ങള്‍ സോഷ്യല്‍ മീഡിയയില്‍ വൈറലായിട്ടുണ്ട്.

ട്രോളിക്കൊന്ന് സോഷ്യല്‍ മീഡിയ...

ട്രോളിക്കൊന്ന് സോഷ്യല്‍ മീഡിയ...

ഡിവൈഎഫ്‌ഐയോ അതെന്താ എന്ന കട്ജുവിന്റെ ചോദ്യം സോഷ്യല്‍ മീഡിയയും ഏറ്റെടുത്തു. ഡിവൈഎഫ്‌ഐയ്‌ക്കെതിരെയും ഇംഗ്ലീഷ് അറിയാത്ത അഖിലേന്ത്യാ നേതാക്കള്‍ക്കെതിരെയുമുള്ള ട്രോളുകള്‍ സോഷ്യല്‍ മീഡിയയില്‍ പ്രചരിക്കുന്നുണ്ട്.

English summary
dyfi, what's that? justice markandeya kadju's question to dyfi leaders.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X