മെട്രോ പദ്ധതികളില് നിന്നും ഇ ശ്രീധരന് പിന്മാറി...! മുഖ്യമന്ത്രിയുമായി അഭിപ്രായ വ്യത്യാസം ??
ഹൈദരാബാദ്: രാജ്യത്തെ മെട്രോ റെയില് രംഗത്ത് എതിരാളികളില്ലാത്ത ശബ്ദമാണ് ഇ ശ്രീധരന്റേത്. ദില്ലി മെട്രോയും കേരളത്തിന്റെ അഭിമാനമായ കൊച്ചി മെട്രോയുമെല്ലാം ഇ ശ്രീധരന്റെ മികവിന്റെ ഉദാഹരണങ്ങളാണ്. വിജയഗാഥകള് തുടരുന്നതിനിടെ ആന്ധ്രപ്രദേശ് സര്ക്കാരിന്റെ മെട്രോ റെയില് പദ്ധതികളില് നിന്നും ഇ ശ്രീധരന് പിന്മാറിയതായി റിപ്പോര്ട്ടുകള്. ആന്ധ്ര മുഖ്യമന്ത്രി ചന്ദ്രബാബു നായിഡുവുമായുള്ള അഭിപ്രായ വ്യത്യാസത്തെ തുടര്ന്നാണ് പിന്മാറ്റം എന്നാണ് സൂചന. ജൂലൈ 1ന് താന് രാജിക്കത്ത് സമര്പ്പിച്ചതായി ഇ ശ്രീധരന് സ്ഥിരീകരിക്കുന്നു.
ദിലീപിന്റെ കാലന് അപ്പുണ്ണിയോ നാദിര്ഷയോ...?? അവന് അപകടകാരി...!! പോലീസ് പറയുന്നു..!
ദിലീപിനെ ഇത്ര പേടിയോ...? പൃഥ്വിരാജിന് പിന്നാലെ കുഞ്ചാക്കോ ബോബനും...!! കഷ്ടം തന്നെ മുതലാളീ....
എണ്പത്തിയഞ്ചുകാരനായ ഇ ശ്രീധരന് പ്രായാധിക്യം കൊണ്ടുള്ള ബുദ്ധിമുട്ട് മൂലമാണ് പിന്മാറുന്നത് എന്നാണ് വ്യക്തമാക്കിയിരിക്കുന്നത്. 2015ലാണ് വിശാഖപട്ടണം, വിജയവാഡ മെട്രോ റെയില് പദ്ധതികളുടെ ഉപദേശക സ്ഥാനത്ത് ഇ ശ്രീധരനെ നിയമിച്ചത്. ഇരുപദ്ധതികളുടേയും സാധ്യതകളെകുറിച്ച് ഇ ശ്രീധരന് ആന്ധ്ര സര്ക്കാരിന് പഠന റിപ്പോര്ട്ട് നല്കിയിരുന്നു. മുഖ്യമന്ത്രിയുമായി കൂടിക്കാഴ്ച നടത്താന് ഒരു മാസത്തെ ശ്രമങ്ങള്ക്ക് ശേഷവും ശ്രീധരന് അവസരം ലഭിച്ചില്ലെന്നും റിപ്പോര്ട്ടുകളുണ്ട്. രണ്ട് മെട്രോ പദ്ധതികളും 2018ല് പൂര്ത്തിയാക്കുമെന്നായിരുന്നു ചന്ദ്രബാബു നായിഡുവിന്റെ പ്രഖ്യാപനം.