കോലിയും അമീര്‍ഖാനും തിരഞ്ഞെടുപ്പ് ഐക്കണ്‍?

ദില്ലി: വരുന്ന ലോക്‌സഭാ തിരഞ്ഞെടുപ്പ് തീര്‍ച്ചയായും ഒരു താര സമ്പന്ന മത്സരമാണ്. തിരഞ്ഞെടുപ്പില്‍ സ്ഥാനാര്‍ത്ഥികളായി സിനിമാതാരങ്ങള്‍ക്ക് നില്‍ക്കാമെങ്കില്‍ തിരഞ്ഞെടുപ്പിനെ കുറിച്ച് ജനങ്ങള്‍ക്ക് പറഞ്ഞു കൊടുക്കാനും ആ മേഖലയില്‍ നിന്ന് ചിലരെങ്കിലും വരണം. സിനിമാ മേഖലയില്‍ നിന്ന് മാത്രമല്ല കായിക മേഖലയില്‍ നിന്ന് ചിലരും തിരഞ്ഞെടുപ്പിനെ കുറിച്ച് ജനങ്ങളെ ബോധവത്കരിക്കാന്‍ എത്തുന്നുണ്ട്.

വരുന്ന തിരഞ്ഞെടുപ്പില്‍ നാഷണല്‍ ഐക്കണായ ബോളിവുഡ് താരം അമീര്‍ ഖാനെയും ക്രിക്കറ്റ് താരം വീരാട് കോലിയെയും നിയമിക്കാനുള്ള ഒരുക്കത്തിലാണ് തിരഞ്ഞെടുപ്പ് കമ്മീഷന്‍. തിരഞ്ഞെടുപ്പില്‍ പങ്കാളികളാകേണ്ടതിന്റെ പ്രാധാന്യത്തെ കുറിച്ച് ജനങ്ങളെ ബോധവത്കരിക്കുന്നതിന് വേണ്ടിയാണ് ഇവരെ നിയമിക്കുന്നത്. ഇവരെ മുന്‍ നിര്‍ത്തി കൂടുതല്‍ വോട്ടര്‍മാരെ പോളിങ് ബൂത്തിലേയ്ക്ക് എത്തിക്കാനുള്ള പ്രചാരണ പരിപാടിയും നടത്താനാണ് കമ്മീഷന്റെ തീരുമാനം.

നിലവില്‍ തിരഞ്ഞെടുപ്പ് കമ്മീഷന്റെ നാഷണല്‍ ഐക്കണ്‍ പട്ടികയിലുള്ളവരെ പരിചയപ്പെടൂ.

അമീര്‍ ഖാന്‍

സാമൂഹ്യപ്രവര്‍ത്തനങ്ങളില്‍ നിരന്തരം ഇടപെടുന്ന വ്യക്തിയാണ് അമീര്‍ഖാന്‍. അതുകൊണ്ട് തന്നെ തീര്‍ച്ചയായും ഒരു വോട്ടിന്റെ പ്രാധാന്യത്തെ കുറിച്ച് ജനങ്ങളെ ബോധവത്കരിക്കാന്‍ അദ്ദേഹത്തിന് കഴിയും

വിരാട് കോലി

ക്രിക്കറ്റില്‍ പുതിയ ഭാവി തേടുമ്പോഴും ഭാരതീയനെന്നനിലയില്‍ കോലിയും വോട്ടിന് ഏറെ പ്രധാന്യം നല്‍കുന്ന ആളാണ്. കഴിഞ്ഞ ദില്ലി നിയമസഭാ തിരഞ്ഞെടുപ്പില്‍ ബോധവത്കരണ ക്ലാസ് നല്‍കിയവരുടെ കൂട്ടത്തില്‍ കോലിയുമുണ്ടായിരുന്നു.

ഡോ. എ പി ജെ അബ്ദുള്‍ കലാം

ഒരോ വോട്ടിന്റെയും പ്രധാന്യത്തെ കുറിച്ച് മുന്‍ രാഷ്ട്രപതി തന്നെ പറയുമ്പോള്‍ അത് ജനം ചെവിക്കൊടുക്കാതിരിക്കില്ല.

എം എസ് ധോണി

ഇന്ത്യയ്ക്ക് വേണ്ടി പൊരുതുന്നവരാണ് ഒരര്‍ത്ഥത്തില്‍ ക്രിക്കറ്റ് താരങ്ങളും. ആ നിലയ്ക്ക് ഭാരതത്തിന്റെ നിലനില്‍പിന് ഒരു വോട്ട് എത്രത്തോളം പ്രധാന്യമാണെന്ന് ഇന്ത്യന്‍ ക്രിക്കറ്റ് ടീം ക്യാപ്റ്റന്‍ മഹേന്ദ്ര സിങ് ധോണിയ്ക്കും ചിലത് പറയാനുണ്ട്.

എം സി മേരിക്കോം

ബോക്‌സിങ് താരം എം സി മാരി കോമും തിരഞ്ഞെടുപ്പിന് പങ്കാളികളാകേണ്ടതിന്റെ പ്രധാന്യത്തെ കുറിച്ച് ജനങ്ങളെ ബോധവത്കരിക്കും.

സൈന നേവാള്‍

ബാഡ്മിന്റണ്‍ താരം സൈന നേവാളാണ് നിലവില്‍ തിരഞ്ഞെടുപ്പ് കമ്മീഷന്റെ നാഷണ്‍ ഐക്കണ്‍ പട്ടികയിലുള്ള പട്ടികയിലുള്ള മറ്റൊരു സെലിബ്രേറ്റി